Dan. 2:23 - Ebaibul

²³ Neni kon okoe Akuj atapapaa kaŋ ainakini ayoŋ alakara ka akipuro, ikiinak iyoŋ ayoŋ aosou ka apedor, ikisileerek tokona iyoŋ ayoŋ ŋuna sek ikiŋisit isua iyoŋ, anerae ikisileerek iyoŋ isua ŋuna ecamit erwosit ayenun.”

Dan. 2:23 Iomraidhean Croise

Akisy. 18:17

Tema Ekapolon, “Emunoni mono ayoŋ aneni ka Aburaam ŋuna alosi ayoŋ akitiyakin

Akisy. 31:42

Ani kerae nyikirukit ayoŋ ka Akuj a papa kaŋ, Akuj ŋina ka Aburaam ka kerae nyetopoloorit ayoŋ Isaka, kire jik, kikiritarit iyoŋ ayoŋ aneni kon eororete ŋakan. Abu Akuj ikisibura iyoŋ bien nakwaare, anerae abu kiŋolik ŋican kaŋ ka etic ŋolo etiya ayoŋ a ŋakan kaŋ.”

1 Ŋirw. 18:36

Ani edoli apaki ŋina ainanakinere ŋainakineta, bu ekadwaran Eliya kiŋaren ŋituŋa, kilip tema, “Okoe Ekapolon Akuj ka Aburaam, a Isaka ka Isirael, kimyek toyenunae nakoloŋit na atemar irae iyoŋ Akuj alo Isirael ka arae ayoŋ eketiyan kon, ido etiya ayoŋ ŋakiro nu daadaŋ aŋuna ikicikakinia iyoŋ ayoŋ.

1 Ŋirw. 8:57

Toyai Ekapolon Akuj yok kaapei ka iwon, ikwapei arukitotor kaapei ka atapapaa yok; elipit nyikimyek iŋes iwon, kori nyikŋer iŋes iwon.

1 Ŋakiro a ŋirwa 29:10

Kipur nai Daudi Ekapolon iteete ŋituŋa daadaŋ ŋulu atukokina nen, tema, “Okoe Ekapolon, akipuro toyai neni kon, Akuj a papaa kosi Isirael, ikipuri iyoŋ ŋikaru ka ŋikaru.

1 Ŋakiro a ŋirwa 29:13

Akuj kosi, ikilakar tokona isua neni kon, ikipuri apolou ŋina ke ekiro kon.

2 Ŋakiro a ŋirwa 20:6

kilip tema, “Okoe Ekapolon Akuj atapapaa kosi, meere mono iyoŋ Akuj ŋina iyai nakuj a? Meere mono iyoŋ ipukat ŋapukasinei daadaŋ a ŋakwapin a? Eyakasi nakan kon apedor ka agogoŋu, iŋes nai emamukar ituŋanan ikitepegi iyoŋ.

Ŋikiru. 21:2

Iinak iyoŋ iŋes ŋuna ecamit etau keŋ, ibu iyoŋ toboŋok ŋuna eŋita iŋes,

Ŋikiru. 21:4

Abu iŋes kiŋit akiyar aneni kon, ido ibu iyoŋ inak iŋes; ibu iyoŋ inak iŋes ŋiletok torubakis ipukato ŋikaru ka ŋikaru.

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Ŋikiru. 50:14

Inakisi Akuj ŋamuronisya ŋuna ka alakara neni keŋ, ido kisiyookisi ŋuna ipotu iyes kikoŋo neni ka Akuj a ŋina alokidiama nooi.

Awos. 3:15

Tema nabo Akuj neni a Moses, “Tolimok iyoŋ Ŋisirael ebe, ‘ekeyakuu ayoŋ neni kus Ekapolon Akuj atapapaa kus, Akuj ka Aburaam, Akuj a Isaka ka Akuj a Yakob.’ ” Ekiro kaŋ ŋol ŋikaru ka ŋikaru. Akanyaraete ayoŋ ŋanyameta daadaŋ a ekiro a ŋol.

Ŋakit. 21:22

Epedori ekaoson epei akikamar etaun ŋolo eyakasi ŋikajiok ŋulu agogoŋok epedori iŋes abwaŋabwaŋakin kwap ŋaduketa kec ŋuna sek ikinyomito ikes.

Ŋakit. 24:5

Itiroko ŋikajiok ŋulu aosok akilo ŋikajiok ŋulu agogoŋok, itiroko ŋikajiok ŋulu eyakatar ayenut akilo ŋikajiok ŋulu agogoŋok;

Ŋakit. 8:14

Ikiyakar ayoŋ ŋakiro ŋuna ajokak ka aosou ŋina ileere ejok nooi, ikiyakar ayoŋ ayenut ka agogoŋu.

Ekal. 7:19

Einakini aosou agogoŋu neni a ŋini eos, ido iloi ŋin tari ŋikepukak ŋitomon ŋulu eya lotaun.

Ekal. 9:16

Aŋun amina ayoŋ atemar ejok aosou akilo agogoŋu, nai ejamuwaritae aosou a ŋikulyak ka mam ituŋanan ecamuni akiirar ŋakiro ŋuna irworosi ŋikulyak.

Ekal. 9:18

Ejok aosou akilo ŋiboro ŋulu a ejie, nai epedori ekasecan epei bon amunaar ibore ŋini alalan ŋini ajokan.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Dan. 2:18

tolimok ikes akiwar akisyonio aneni ka Akuj a ŋina anakuj, kisileerek ikes ŋakiro ŋuna imunono ŋuna irujat erwosit ikotere nyeari iŋes ka ŋirukitos keŋ kaapei ka ŋikaosok a akwap a Babilon.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Luk. 10:21

Esaa ŋolopei kilelebun Etau ŋolo Asegan neni a Yesu, tolelyan iŋes nooi, tolimu tema, “Alakara ayoŋ neni kon, Papa, Ekapolon ŋolo anakuj ka nakwap, anerae ibu iyoŋ kiwua ŋakiro nu aneni a ŋikaosok ka ŋipiiryanotin; nai kisileereu neni a ŋidwe a ŋulu cicik. Ee, Papa, itiyak iyoŋ ŋun daadaŋ ikwaŋina icamitor iyoŋ elope.

Yoa. 11:41

Tolemasi nai ikes amoru analyal. Kireo Yesu kidiama nakuj tema, “Alakara ayoŋ neni kon Papa, anerae ikiira iyoŋ ayoŋ.

Yoa. 15:15

Nyeriŋa ayoŋ akanyarit iyes ŋiketiyak, anerae nyeyeni eketiyan ŋuna itiyae ekapolon keŋ, nai tokona akanyarit ayoŋ iyes ŋikonei, anerae akalimok ayoŋ iyes ŋuna daadaŋ eira aneni a Papa kaŋ.

Akis. 1:1

Erae ekitaabo lo ŋolo igiritae ŋakiro ŋuna abu Yesu Kristo kisileereu. Abu Akuj inak iŋes akiseleerekinet na, ikotere iseleerekinio ŋiketiyak keŋ ŋuna itemokino totakanut atipei. Abu Kristo kiyakiya emalaika keŋ neni a Yoana ke eketiyan keŋ akiteyenikin iŋes ŋakiro nu.

Akis. 5:5

Abu epei alokatukok okolimok ayoŋ tema, “Nyigwor, toanyuwa, elou eŋatuny ŋolo anateker a Yuda ŋolo erae eletonit a Daudi. Elou iŋes ka apedor alemar ŋakipuceta ŋunakanikaarei, toŋaa ekitaabo.”