Dan. 2:22 - Ebaibul

²² isileereununui ŋakiro ŋuna nyepatana ayenun ka ŋuna imunono; eyeni ŋuna eya nakiryonut ka eyai akica neni eyai iŋes.

Dan. 2:22 Iomraidhean Croise

Akisy. 41:16

Tema Yosepu neni a Parao, “Meere ayoŋ; Akuj iŋes elimokini Parao aboŋokinet ŋina ajokan.”

Yob 12:22

iwuanakini Akuj ajokis nakiboisyo ŋuna eya ŋican ŋulu ikote ŋulu akibois a ŋikatwak, ido isitorununui ajokis naryamunit ŋican.

Yob 26:6

Ite Akuj akibois a ŋikatwak erae ŋina emam ibore eyai, ite iŋes Abadon.

Ŋikiru. 104:2

Ikimukorit iyoŋ akica ikwa imukoritor elou ituŋanan, ibu iyoŋ topeta kidiama ikwa eema,

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Ŋikiru. 36:9

Neni kon eyai eitanit ŋolo ka akiyar; nakica kon iŋes ikiteo isua akica.

Ekal. 8:1

Ŋae ikwaan ka ituŋanan ŋini aoson? Ŋae eyeni apolou a ŋinibore? Eyaununui aosou alakara neni a ituŋanan, elemanari aosou anyoridid ŋina sek eŋoitor ituŋanan.

Isa. 41:22

Kimyekisi ŋakujo ŋun, potu kiŋaren todwara aŋuna yok ŋuna eponito. Emaikina ikes itolimokis iwon ŋakiro ŋuna etiyakin, ikotere iwon ikitamatamae apolou kec, ido oyenutu ŋuna epote aŋuna a ŋakiro a ŋun; kori tolimokinae isua ŋakiro ŋuna eponito.

Isa. 41:26

Ŋae alimori anakisyakinet ŋakiro ŋun, ikotere isua ikiyenuni, ŋae alimori ikes ekiŋaren,’ ikotere isua ikitemari, ‘Iyookinit iŋes?’ Mam ituŋanan abu tolimu ŋakiro ŋun, mam ituŋanan abu kiserau ŋun, mam ituŋanan abu kiira ŋakiro kus.

Isa. 42:9

Kiirasi, alunyarosi ŋakiro ŋuna ŋorok, erworo tokona ayoŋ ŋakiro ŋunakitet; ani eriŋa ŋakiro ŋun nyetakanuna, akalimokini ayoŋ iyes ikes.”

Isa. 45:7

Etiyau ayoŋ akica ka etiyau akiryonut, etiyau ayoŋ ŋuna ajokak ka etiyau ayoŋ ŋican; ayoŋ Ekapolon etiyau ŋakiro ŋun daadaŋ.

Yer. 23:24

Ataŋae epedorete akiŋop anakiboisyo a ŋuna imunono ikotere nyeŋolik ayoŋ ikes? Nyayai mono ayoŋ nakuj ka nakwap a?

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Dan. 2:11

Etyoko nooi ŋakiro ŋuna iŋita erwosit, mam ituŋanan epedori akisileereun neni a erwosit mati ŋakujo bon ŋuna nyiboiyete ka ŋituŋa.”

Dan. 2:19

Aponi nai kisileerekinoe Daniel anakiruja nakwaare ŋakiro ka abu Daniel kipur Akuj ŋina anakuj.

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 5:11

Eyai nakwap ŋina ipukat iyoŋ, ituŋanan ŋini eyakar etau ŋolo a ŋakujo a ŋuna asegak. Alorwa a ŋulu epukator papa kon akwap na, aponi toryamunae aneni a ekile a ŋol apiiryanut, ayenut ka aosou ŋina ikwaan ka ŋina a ŋakujo. Abu papa kon Nebukadinesar kituruwo iŋes ekapolokiniton ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok.

Dan. 5:14

Adau ayoŋ akiirar atemar eyai etau a ŋakujo neni kon ka atemar iyakar iyoŋ apiiryanut, ayenut ka aosou ŋina apolon nooi.

Mat. 13:13

Erworo ayoŋ neni kec a ŋakitadapeta, anerae kiŋolikis daŋ nyeanyuwasi, ani kepuput daŋ, nyiirasi kori nyeyenut.

Yoa. 1:9

Akirot iŋes arae akica ŋina a kire, ŋina abuni nakwap acaikin ŋituŋa daadaŋ.

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

Ŋiep. 3:5

Koloŋ sek, pa alimokinitae ŋituŋa ŋakiro ŋuna imunono ŋun, nai tokona adau Akuj akitoodiun ikes alotooma Etau keŋ neni a ŋikiyakia keŋ a ŋulu ka Akuj ka neni a ŋikadwarak.

Ŋikis. 29:28

Abu Ekapolon kirita ikes anakwap kec anaŋoit keŋ, anadedeŋu keŋ ka ananyunyura keŋ, ido kirita ikes nakwap ace, lopite ŋolo eyakatar ŋakiro tokona.’

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

1 Yoa. 1:5

Erae ŋakiro nu ŋuna ikiira isua aneni a Kristo ka erae nu ikiserae isua neni kus: Akuj iŋes erae akica ka alotooma keŋ emam akiryonut jik.