Dan. 2:21 - Ebaibul

²¹ Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Dan. 2:21 Iomraidhean Croise

1 Ŋirw. 10:24

Apotu ŋituŋa daadaŋ anakwap kiitana akiryamun ka Solomon, ikotere iirarete ŋuna ka aosou keŋ a ŋina kebu Akuj kiwuak natameta keŋ.

1 Ŋirw. 3:28

Kiirasi Ŋisirael daadaŋ epite ŋolo kebunio erwosit totubio ŋakiro ŋun; min akereru neni kec aŋuna a erwosit, anerae apotu ikes kiŋolikis aosou ŋina ka Akuj ŋinatubet ŋakiro iyookino eyai neni a erwosit.

1 Ŋirw. 4:29

Inak Akuj Solomon aosou ŋina alalan nooi, ayenut epite ŋolokisibaket ŋakiro ka etau ŋolo ijaununui ŋakiro daadaŋ tari daŋ kelalak ikwa asinyon ŋina eyai nawae a anam.

1 Ŋakiro a ŋirwa 22:12

Ŋuna apolok ikes nu, elipi ikiinak Ekapolon iyoŋ ayenut ka aosou apaki ŋina ikiwuakinia iŋes iyoŋ akipuka Isirael daadaŋ, ikotere iyoŋ iwuapi ŋikisila ke Ekapolon ka Akuj kon.

1 Ŋakiro a ŋirwa 29:30

Elimorito ŋakigireta ŋun epite ŋolo epukator iŋes, ŋolo araakar iŋes arae eketiron ka ŋakiro daadaŋ ŋuna apotu totakanikis neni keŋ ka Isirael ta ŋuna a ŋapukasinei a daadaŋ a ŋuna edunyatar iŋes.

Esta 1:13

Tosodi nai erwosit kiŋitiŋit ŋikaosok ŋulu ayenete ŋikisila (anerae arae ŋun ŋuna amaikina erwosit kitiya neni a daadaŋ a ŋulu eyenete ŋikisila ka ŋitalyo.

Yob 12:18

Elemanari Akuj ŋirwosi alokicoloŋo kec a ŋulu ipukatotor, kitanap ikes ŋaraco anacirin.

Awos. 31:3

Adau ayoŋ akilelebikin etau ŋolo ka Akuj neni keŋ, kaapei ka apiiryanut, apedor ka aosou ŋina epedorya iŋes akitiyaunia ŋinibore,

Awos. 31:6

Adau daŋ ayoŋ aseun Oliab lokoku ka Aisamak, ŋolo alokabila a Dan kiŋarak iŋes. Adau ayoŋ tari ainakin apiiryanut neni a ŋipiiryanotin kitiyaut ŋiboro daadaŋ ŋulu ekecik ayoŋ iyoŋ akitiyaun lu:

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Dan. 10:1

Alokaru a ŋolo a ŋiuni ipukat erwosit Cirus ŋolo a Perisia aponi kisileerekinoe akirot neni a Daniel a ŋolo anyaritae Belitesasar. Arae akirot ŋin ŋina a kire, arae akirot ŋina ke ejie a ŋolo apolon. Abu Daniel toyenu akirot ŋin kedau aryamun ayenun ŋakiro anakisileerekinet.

Dan. 11:6

Kelunyar ŋikaru ŋice, ecamunosi erwosit ŋol ka ekapolon ŋolo ipukat akwap ŋina alalan, ido ebuni nakoku a erwosit a ŋolo alo Kwap neni a erwosit a ŋolo alo Kuju aŋuna ka acamun ka ikes. Nai nyerubakini iŋes eyakar apedor, iletonit a erwosit daŋ nyerubakini eyari. Ipotoryo arwosit ŋin kaapei ka ŋiketiyak keŋ, ikoku keŋ ta ŋolo abu kiŋarak iŋes alorwa a ŋul.

Dan. 2:20

Tema Daniel, “Kipuroe ekiro a Akuj ŋikaru ka ŋikaru, anerae aosou ka apedor erae ŋuna keŋ.

Dan. 2:23

Neni kon okoe Akuj atapapaa kaŋ ainakini ayoŋ alakara ka akipuro, ikiinak iyoŋ ayoŋ aosou ka apedor, ikisileerek tokona iyoŋ ayoŋ ŋuna sek ikiŋisit isua iyoŋ, anerae ikisileerek iyoŋ isua ŋuna ecamit erwosit ayenun.”

Dan. 2:9

ani pa kikilimokis iyes ayoŋ ŋuna erujat, ikitubokinio iyes daadaŋ akisicanet apei. Icamut iyes daadaŋ alimokin ayoŋ alyokonu ka ŋakiro ŋuna acakarak, itamete atemar acepaki ebelekini ayoŋ ŋatameta kaŋ. Aŋun, tolimokinae ayoŋ ŋuna erujat, ikotere ayoŋ ayenuni atemar ipedorete iyes alimokin ayoŋ apolou kec.”

Dan. 4:14

Abu emalaika ŋol tocelu tema, ‘Toyepakisi ekitoe ŋol kwap, kilenya ŋaten keŋ, kigerasi ŋakwii keŋ ka kielielaasi ŋaraito keŋ. Emaikina ŋityaŋ daadaŋ kielaros alokwap keŋ, emaikina ŋikyeny toporosi anaten keŋ.

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 4:22

Okoe erwosit, iyoŋ ekitoe ŋol! Ipoloor iyoŋ ka igogoŋior, eyatakin apolou kon adol kidiama ka abu apukan kon kiryam akwap daadaŋ.

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Ŋirom. 13:1

Itemokino ŋinituŋanan tokerite ŋikapolok ŋulu ka apukan, anerae neni ka Akuj iŋes ebunitor apolou daadaŋ ka erae Akuj einakinit ikes apolou.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”