Dan. 2:19 - Ebaibul

¹⁹ Aponi nai kisileerekinoe Daniel anakiruja nakwaare ŋakiro ka abu Daniel kipur Akuj ŋina anakuj.

Dan. 2:19 Iomraidhean Croise

Yob 4:13

Etamatamaete ŋatameta ŋakiro ŋuna a ŋakisileerekineta aŋuna ka akuwar, aŋuna eyakaunun apaki ŋina ejotonorootor ŋituŋa nooi,

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Dan. 2:22

isileereununui ŋakiro ŋuna nyepatana ayenun ka ŋuna imunono; eyeni ŋuna eya nakiryonut ka eyai akica neni eyai iŋes.

Dan. 4:26

Ikwapei alimunitere atemar kimyekinae apuŋure ka ŋataagor a ekitoe, apolou keŋ atemar iruwor iyoŋ erwosit nabo apaki ŋina icamunia iyoŋ atemar Akuj iŋes ipukat akwap daadaŋ.

Dan. 4:9

‘Okoe Balitesasar, ekapolokiniton a ŋikekukujak, ayeni ayoŋ atemar eyai etau a ŋakujo a ŋuna asegak neni kon, ido mam ŋakiro ŋuna imunono ŋuna etyoko aneni kon. Kiira ŋakiro ŋuna abu ayoŋ eruja; tolimokinae ayoŋ apolou kec.

Dan. 7:2

“Anakisileerekinet a ŋina abu ayoŋ eŋolik nakwaare, abu ayoŋ eŋolik ekuwuam ŋolo akutunit alowaetin a ŋuluomwon a daadaŋ, ŋolo akutunit ananam a ŋina apolon nooi.

Dan. 7:7

Kedaun ŋun, abu nabo eŋolik anakisileerekinet a ŋina abu ayoŋ eŋolik nakwaare etyaŋ ŋolo a ŋiomwon, arae etyaŋ ŋol ŋolo ikiteryaŋakini ŋolo ikitubuli ka arae ŋolo agogoŋon nooi, ayakar etyaŋ ŋol ŋikyal ŋulu aburok ŋulu arae ŋasuwa, anyami iŋes ibore apaki ŋin ka anyilinyili icakit ŋanyile. Agelaana etyaŋ ŋol alotooma ŋityaŋ daadaŋ ŋulu a ekiŋaren ka ayakar ŋamomwar ŋatomon.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Yos. 22:33

Apotu Ŋisirael tolakaros iirarete ŋakiro ŋun daadaŋ, ido apotu kipuro Akuj, tojoŋoto akirworo ŋuna ka alosit ejie ka akinyasun akwap ŋina alomito ŋituŋa a Ruben ka ŋulu a Gad.