Dan. 2:12 - Ebaibul

¹² A ŋakiro a ŋun, abu erwosit tolili nooi tolimu atemar tomunyarae ŋikaosok daadaŋ anakwap a Babilon.

Dan. 2:12 Iomraidhean Croise

Yob 5:2

Kire jik, eari alilit ebaŋ ka eari arakao ŋini emam ŋuna eyeni.

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Ŋakit. 16:14

Ani kenyunyur erwosit, eari ituŋanan ŋini irworo ŋakiro ŋuna aronok neni keŋ. nai ani keos ituŋanan, ikatakini akirworo ŋakiro ŋuna italakarito erwosit.

Ŋakit. 19:12

Ikoni aŋoit a erwosit neni irurumaa eŋatuny, nai ikoni ajokis keŋ ŋakopi alonya.

Ŋakit. 20:2

Ikoni anyunyura a erwosit neni irurumaa eŋatuny, ituŋanan daadaŋ ŋini einakini erwosit akiŋo, etwaniyari akiyar keŋ.

Ŋakit. 29:22

Epedori ituŋanan ŋini eŋoit sek akitoŋo tojikin, ido epedori ituŋanan ŋini epatana akiŋo akitiya ŋasecisya ŋuna alalak.

Dan. 2:24

Aŋun, abu Daniel tolot neni ka Arioc a ŋolo abu erwosit toseu amunyar ŋikaosok anakwap a Babilon, tolimok iŋes tema, “Nyimunya ŋikaosok a akwap a Babilon, yaarae ayoŋ tooma neni a erwosit, ido alimokini ayoŋ erwosit apolou a ŋuna abu iŋes kiruja.”

Dan. 2:5

Tolimok erwosit ikes tema, “Adau ayoŋ atubun ŋakiro nu: Ani pa kikilimokis iyes ayoŋ ŋuna abu eruja ka pa kikisileerekis apolou a ŋakiro a ŋuna erujat ayoŋ, etubutubuyo ŋakejen kus ka eritakinio ŋakais kus kwap.

Dan. 3:13

Abu nai erwosit Nebukadinesar tolili nooi, ido tolimu atemar yaunae Sadirak, Mesak ka Abedinego tooma neni ayai iŋes. Aŋun, aponi yaunae ŋikilyok ŋul kiŋaren erwosit.

Dan. 3:19

Abu nai erwosit Nebukadinesar tolili nooi tonyoridid ereet keŋ aŋuna a Sadirak, Mesak ka Abedinego. Tolimok erwosit ŋituŋa atemar kinokakinae akim a ekitet tomwanu nooi ŋarwa ŋakanikaarei akilo neni sek.

Dan. 5:19

aŋuna ka arwonu a ŋina ainit Akuj iŋes, abu tobul ka apotu tokera iŋes ŋituŋa daadaŋ ŋulu irworosi ŋaŋajepa ŋuna egelegelya. Abu iŋes toar ŋulu acamit akiar, kimyek eyarete ŋulu acamit iŋes akimyekin eyarete, kitopoloo ŋulu acamit iŋes akitopoloor ka tolema apolou aneni a ŋulu acamit iŋes alemar apolou.

Mat. 2:16

Ani eanyuni Erode atemar amodikis ŋikaosok iŋes, tonyunyurikin nooi, kiyakiya ŋisigarya keŋ Betelem ka akwap ŋin daadaŋ akiar ŋidwe ŋulusapa daadaŋ, ŋulu adolito ŋikaru kec ŋiarei ka ŋulu ariŋa ŋikaru kec nyedolo ŋiarei. Kitiya iŋes ŋun itamakina napaki ŋina kiŋitunit iŋes ejok alokaosok.

Mat. 5:22

Nai tokona akalimokini ayoŋ iyes atemar, ituŋanan ŋini eŋoikini lokaato keŋ, itemokino isitakinio anatukot. Nai ŋini iyanyi lokaato keŋ, itemokino yaunae loikiiko ka ŋini etemari ŋinice, ‘Ibaŋaana iyoŋ,’ itemokino tocakakinae tooma nakim ŋina nyeduŋe.