Dan. 2:1 - Ebaibul

¹ Alokaru a ŋolo a ŋiarei ipukat Nebukadinesar, abu Nebukadinesar kiruja, ido apotu ŋakirujaeta ŋun kisiyaloloŋo etau keŋ tojoŋo ajotoonor.

Dan. 2:1 Iomraidhean Croise

Esta 6:1

Akoloŋit ŋin nakwaare, abu erwosit kikoler; aŋun, abu tolimu atemar yaunae ekitaabo ŋolo egiritae ŋakiro apukan ŋuna a ŋirwa a ŋulu epukator iŋes. Aponi nai yaunae ekitaabo ŋol tosyomae alokiŋaren a erwosit.

Yer. 25:1

Alokaru a ŋolo a ŋiomwon ipukat erwosit Yeoiakim lokoku a Yosia a ŋolo a Yudaya (Torae ŋol ekaru ŋolo esyaunan ipukat erwosit Nebukadinesar ŋolo a Babilob) kirwor Ekapolon neni a Yeremia aŋuna a ŋituŋa a Yudaya a daadaŋ,

Dan. 2:3

Tolimok nai erwosit ikes tema, “Abu ayoŋ eruja, ido iyaloloŋi etau kaŋ aŋuna acamitor ayenun apolou akiruja a ŋin.”

Dan. 4:2

Erae alakara kaŋ alimokin iyes ŋakitoodyanakineta ka ŋaumonokineta ŋuna adau Akuj ŋina alokidiama nooi akitiya aŋuna kaŋ.

Dan. 4:5

Abu ayoŋ eruja ŋakiro ŋuna apotu eketeryaŋakis ayoŋ. Ani aperi ayoŋ alokitaada kaŋ, abu ayoŋ eŋolik anakiruja ŋitorubei ka ŋakisileerekineta ŋuna apotu eketubulo ayoŋ.

Dan. 5:9

Abu erwosit Belisasar tobul nooi togelaan ereet keŋ, totaaŋaŋa ŋikapolok ŋulu epukatotor iŋes.

Dan. 6:18

Toboŋo nai erwosit lore keŋ ŋolo ka apukan, kiboi akuwar daadaŋ iredakinit akiron, mam akimuj aponi yaunae neni keŋ, abu kikoler iŋes nakwaare.

Dan. 7:1

Alokaru a ŋolo esyaunan ipukat Belisasar Babilon, abu Daniel kiruja ka abu kiŋolik ŋakisileerekineta apaki ŋina aperyo iŋes alokitaada. Abu nai iŋes kigir ŋakiro ŋuna erujae iŋes tema,

Dan. 7:15

Tolimu Daniel tema, “Ani eruwor ayoŋ, eryaŋakina etau kaŋ, eketubulito ayoŋ ŋakiro ŋuna abu ayoŋ eŋolik anakiruja.