Dan. 12:13 - Ebaibul

¹³ Nai iyoŋ Daniel, torubak irae ŋolo ikinyoma tari nasalunet, tari kitwana daŋ, iyaruni iyoŋ ikotere iryamuni eropit kon akoloŋit ŋina esidyon.”

Dan. 12:13 Iomraidhean Croise

Ŋikiru. 1:5

Aŋun, nyepedorete ŋulu aronok akiwo anatubokino, nyepedorete tari ŋikasecak ayakaun natukot a ŋulu iyookino;

Ŋikiru. 16:5

Iyoŋ bon Ekapolon ayakar ayoŋ, iyoŋ ikiinanakini ayoŋ ibore daadaŋ ŋini acamit; nakan kon eyai akiyar kaŋ.

Ŋikiru. 16:9

Aŋun elelyani etau kaŋ ka ikipuro iyoŋ etau kaŋ, ayakaun daŋ ayoŋ emam ŋace;

Awos. 33:14

Tema Ekapolon neni a Moses, “Ikirukori ayoŋ ka iyoŋ, ido ekesieŋari ayoŋ iyoŋ.”

Dan. 12:3

Ecaunete ŋikaosok lopite ŋolo ecaya akoloŋ alokidiama, ido ecaunete ŋikaru ka ŋikaru ŋulu erikunete ŋulu alalak nakiyookino lopite ŋolo ecayata ŋikacer.

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Sakar 3:7

“Ŋakiro ŋuna ebala Ekapolon ŋolo Etiron ikes nu ebe, ‘Ani kiwuap iyoŋ ŋikisila kaŋ, ido kitiya ŋiticisyo ŋulu akainak ayoŋ iyoŋ, ipedori iyoŋ apolokin akai kaŋ ka ŋalapatui ŋuna alo kiŋa akai kaŋ, akainakini ayoŋ iyoŋ apedor ŋina irukyoto kaapei ka ŋulu ewuasi a ne.

Mat. 19:28

Tolimok Yesu ikes tema, “Kire akalimokini ayoŋ iyes atemar, anakwap a ŋina kitete apaki ŋina iboikinor Lokoku a Ituŋanan lokicoloŋ ŋolo ka apolou keŋ anakuj, iboikinosi iyes daŋ ŋulu ikiwuapakis ayoŋ lokicoloŋo ŋulutomon ka ŋiarei, atubonokin ŋatekerin ŋunatomon ka ŋaarei ŋuna a Isirael.

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

2 Ŋikor. 5:1

Ikiyeni iwon atemar, ani ŋina inyasunor eema lo--akuwan yok ŋina esaluni--eyakaunor Akuj akai aŋuna yok nakuj, akai ŋina adau iŋes alope akitemokin, ŋina a ŋikaru ka ŋikaru.

2 Ŋites. 1:7

ka ikisieŋuni iyes ŋulu iryamunito ŋican ka ikisieŋuni isua daŋ. Itiyakini iŋes ŋun apaki ŋina etakanunia Ekapolon Yesu anakuj kaapei ka ŋimalaikan keŋ ŋulu eyakatar apedor.

Akis. 14:13

Abu eira etoil anakuj ebala, “Kigir nu: erereŋ ŋituŋa ŋulu etwakete anakijaanakin Ekapolon ameun tokona!” Toboŋok Etau tema, “Ee, kire jik! Ieŋunete ikes alocan kec, anerae erukorete ikes ka ŋiticisyo kec.”