Dan. 11:7 - Ebaibul

⁷ “Nai ebuni ipei alokidiŋ ŋidwe keŋ a arwosit a ŋin akipuka kilunyokin lorot keŋ. Itijikini iŋes ŋasigarya ŋuna a erwosit ka elomari naduketait ŋinajiet ŋina ke erwosit a ŋolo alo Kuju, itijikini iŋes ikes kilou.

Dan. 11:7 Iomraidhean Croise

Yob 14:7

“Eyai akigeno lokitoe, erae keyepar, akigeno keŋ iŋes atemar ijojouni iŋes ka nyedaun jik ŋaten keŋ ŋuna ijojounete.

Ŋikiru. 109:8

Emaikina iŋes totwana; emaikina ituŋanan ice kilunyokin lotic keŋ.

Ŋikiru. 55:23

Nai iyoŋ, okoe Akuj itolomari ŋulu aronok kwap. Nyepedorete ŋikaarak ka ŋimodiyanot akiyar, todolo atutubet apei ŋina ka akiyar kec. Nai ani eruwor ayoŋ, ekekinyomi iyoŋ.

Isa. 11:1

Ijojouni ateni aneni a Yese, elomuni ateni anataagor keŋ tora.

Isa. 9:14

Aŋun, abu Ekapolon tomunya alo Isirael ŋikapolok ka ŋulu nyerae ŋikapolok, abu tomunya ŋulu agogoŋok ka ŋulupalag. Abu Ekapolon kitiya ŋun, akoloŋit apei,

Yer. 12:2

Idupakini iyoŋ ikes, toruba ŋataagor kec, epolounete ikes toraut ŋaraito. Irworosi ikes ŋuna ajokak aŋuna kon, nai nyikimisito ikes iyoŋ alotai kec.

Esek. 17:18

Nyebucar iŋes aneni a Ŋibabiloniyae, anerae ajamuwa iŋes akikoŋet keŋ ka aŋer acamunet keŋ ka erwosit a Babilon. Nyebucar iŋes, anerae abu kiik akitiya ŋun, nai tokona nyiwuapa iŋes ŋakiro ŋun daadaŋ.’

Dan. 11:40

“Ani edoli apaki ŋina esidyon itijikini erwosit ŋolo alowae a ŋolo alo Kwap erwosit ŋolo alo Kuju. Nai eemi erwosit ŋolo alo Kuju neni keŋ lopite ŋolo ekerya ekuwuam ŋolo ipiripiri, emotun iŋes eyakar ŋagaari ŋuna iritae a ŋaŋolei ka ŋikametok ŋaŋolei ta ŋameeli ŋuna alalak. Elosi iŋes akirem ŋakwapin, itorete ikes nakwapin ŋun esibito akalele.

Dan. 11:6

Kelunyar ŋikaru ŋice, ecamunosi erwosit ŋol ka ekapolon ŋolo ipukat akwap ŋina alalan, ido ebuni nakoku a erwosit a ŋolo alo Kwap neni a erwosit a ŋolo alo Kuju aŋuna ka acamun ka ikes. Nai nyerubakini iŋes eyakar apedor, iletonit a erwosit daŋ nyerubakini eyari. Ipotoryo arwosit ŋin kaapei ka ŋiketiyak keŋ, ikoku keŋ ta ŋolo abu kiŋarak iŋes alorwa a ŋul.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”