Dan. 11:6 - Ebaibul

⁶ Kelunyar ŋikaru ŋice, ecamunosi erwosit ŋol ka ekapolon ŋolo ipukat akwap ŋina alalan, ido ebuni nakoku a erwosit a ŋolo alo Kwap neni a erwosit a ŋolo alo Kuju aŋuna ka acamun ka ikes. Nai nyerubakini iŋes eyakar apedor, iletonit a erwosit daŋ nyerubakini eyari. Ipotoryo arwosit ŋin kaapei ka ŋiketiyak keŋ, ikoku keŋ ta ŋolo abu kiŋarak iŋes alorwa a ŋul.

Dan. 11:6 Iomraidhean Croise

Yob 38:15

Elemaritae akica aneni a ŋulu aronok, ebilibilaaritae ŋakan kec ŋuna etenito akiar.

Ŋikiru. 10:5

Eryamununeete ikes ibore ŋini ecamito ŋapakio daadaŋ, nyemisito ikes ŋikisila kon; ejamuwarito ikes ŋimoe kec daadaŋ.

Esek. 30:21

“Lokoku a ituŋanan, adau ayoŋ alemar agogoŋ a Parao a erwosit a Ijipit; mam ituŋanan iŋarakini iŋes, ikotere egogoŋior, kori eriyete ka iŋes, ikotere egogoŋior toji a ekileŋ nabo.

Dan. 11:13

Ecunakini nabo erwosit ŋolo alo Kuju ŋasigarya ŋace ŋuna alalak ŋuna nyetya ŋuna sek a ekiŋaren, ani elunyar ŋikaru ŋidi, eboŋori iŋes erukito ka ŋasigarya ŋuna alalak nooi ka ŋiboro ŋulu iitana alojie ŋulu alalak nooi.

Dan. 11:15

Ebuni nai erwosit ŋolo alo Kuju toduk ŋaduketa kiŋa etaun a erwosit a ŋolo alowae a ŋolo alo Kwap, kikama etaun keŋ ŋolo eya ŋaduketa ŋunajiet ŋuna edukuk ejok. Nyepedorete nai ŋasigarya ŋuna alowae a ŋolo alo Kwap akitijikin ikes, nyepedorete tari ŋasigarya kec ŋuna ajiok nooi akitijikin ikes, anerae edaun agogoŋu aneni kec.

Dan. 11:40

“Ani edoli apaki ŋina esidyon itijikini erwosit ŋolo alowae a ŋolo alo Kwap erwosit ŋolo alo Kuju. Nai eemi erwosit ŋolo alo Kuju neni keŋ lopite ŋolo ekerya ekuwuam ŋolo ipiripiri, emotun iŋes eyakar ŋagaari ŋuna iritae a ŋaŋolei ka ŋikametok ŋaŋolei ta ŋameeli ŋuna alalak. Elosi iŋes akirem ŋakwapin, itorete ikes nakwapin ŋun esibito akalele.

Dan. 11:7

“Nai ebuni ipei alokidiŋ ŋidwe keŋ a arwosit a ŋin akipuka kilunyokin lorot keŋ. Itijikini iŋes ŋasigarya ŋuna a erwosit ka elomari naduketait ŋinajiet ŋina ke erwosit a ŋolo alo Kuju, itijikini iŋes ikes kilou.

Sakar 11:16

anerae alosi ayoŋ alemun ekeyokon ŋolo iyoki akwap, nai nyepedori iŋes akiyok ŋulu adaut aoliyor, kori akiwarar ŋulu cicik, kori akimadun ŋulu ewanan, kori akitan ŋulu eŋaleete, nai enyami iŋes akiriŋ a ŋamesekin a ŋuna atumak, erutonori ŋigece kec.