Dan. 11:40 - Ebaibul

⁴⁰ “Ani edoli apaki ŋina esidyon itijikini erwosit ŋolo alowae a ŋolo alo Kwap erwosit ŋolo alo Kuju. Nai eemi erwosit ŋolo alo Kuju neni keŋ lopite ŋolo ekerya ekuwuam ŋolo ipiripiri, emotun iŋes eyakar ŋagaari ŋuna iritae a ŋaŋolei ka ŋikametok ŋaŋolei ta ŋameeli ŋuna alalak. Elosi iŋes akirem ŋakwapin, itorete ikes nakwapin ŋun esibito akalele.

Dan. 11:40 Iomraidhean Croise

Isa. 21:1

Ŋakiro ŋuna adwarit Ekapolon aŋuna ka aloŋisat a ŋina alodiyete anam. Ebuni ekenyasunan analoŋisat anakwap a ŋina adedeŋan, lopite ŋolo ekutunia ekuwuam ŋolo ekusi egogoŋ nooi kipiripiri epye akwap alo Negeb.

Isa. 5:28

Ipenara ŋikaleŋeleŋe kec esubakina ŋakawo a ŋikaleŋeleŋe kec. Egogoŋ ŋimolokony a ŋaŋolei kec ikote itaaba, irimete ŋakejen a ŋagaari kec ikwa ekuwuam ŋolo ipiripiri.

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Esek. 38:4

Ekesirimirimokini ayoŋ iyoŋ, ewuak ŋikodoce loŋitiny kon okoriku iyoŋ kiŋa kaapei ka ŋasigarya kon daadaŋ, ŋaŋolei kon ka ŋikametok ŋaŋolei, ikes daadaŋ ŋulu enapito ŋiboro ŋulujiet, asepic ŋina alalan nooi ŋin, ŋina eyakar ŋaupala ŋuna apolok ka ŋulu cicik, ikes ŋul daadaŋ ŋulu epwasete ŋileŋia kec.

Esek. 38:9

Ilosete iyoŋ ka ŋasigarya kon daadaŋ ta ŋituŋa a ŋakwapin a ŋuna alalak a ŋuna iriitotor iyoŋ akitijiore Isirael, ilosete iyes ilalak nooi esibit akiru ijukuna, ilosete iyes iburiyarito akwap esibit edou eburiyarit akwap.

Dan. 11:10

“Ekaku, ecunakinete ŋidwe a erwosit a ŋolo alo Kuju ŋulusapa ŋasigarya ŋuna alalak nooi toloto esibit akalele ka mam ibore iretakini ikes, ejiyorosi ikes jik tari naduketait ŋinajiet.

Dan. 11:11

Tosodi anaŋoit keŋ ebuni erwosit ŋolo alowae a ŋolo alo Kwap akitijikin erwosit ŋolo alo Kuju ŋolo eyauni ŋasigarya keŋ ŋuna alalak, nai ilounio erwosit ŋolo a ŋasigarya a ŋuna alalak.

Dan. 11:13

Ecunakini nabo erwosit ŋolo alo Kuju ŋasigarya ŋace ŋuna alalak ŋuna nyetya ŋuna sek a ekiŋaren, ani elunyar ŋikaru ŋidi, eboŋori iŋes erukito ka ŋasigarya ŋuna alalak nooi ka ŋiboro ŋulu iitana alojie ŋulu alalak nooi.

Dan. 11:22

Emunyari iŋes ŋasigarya ŋuna alalak alokiŋaren keŋ, eari iŋes tari esacaradoti ŋolo ke Ekapolon ŋolo apolon nooi.

Dan. 11:25

Ecunakini iŋes ajore ŋina alalan elosikinit akitijikin erwosit ŋolo alowae a ŋolo alo Kwap. Elosi erwosit ŋolo alowae a ŋolo alo Kwap lojie eyakar ŋasigarya ŋuna alalak ŋuna agogoŋok. Nai nyilouni iŋes, anerae eyeunete aruruma.

Dan. 11:35

Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Dan. 11:39

Itijikini iŋes ŋaduketa ŋunajiet ŋuna agogoŋok etami atemar ekeŋarakinit akuj ŋinagela. Itabari iŋes nooi ŋulu ecamunito iŋes erae erwosit kec. Iwuakini ikes topolokis ŋituŋa ŋulu alalak, ido tokoranak ikes akwap ikwapei etacit kec.”

Dan. 11:7

“Nai ebuni ipei alokidiŋ ŋidwe keŋ a arwosit a ŋin akipuka kilunyokin lorot keŋ. Itijikini iŋes ŋasigarya ŋuna a erwosit ka elomari naduketait ŋinajiet ŋina ke erwosit a ŋolo alo Kuju, itijikini iŋes ikes kilou.

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Dan. 12:9

Abu iŋes tema, “Tolot a ne Daniel, anerae emaikina ŋakiro nu kidoŋo erae ŋuna imunono ka togolitetei jik tari akoloŋit ŋina esalunia akwap.

Dan. 8:17

Aŋun, abu Gabriel toapu neni awoya ayoŋ, ani ebuni iŋes, abu okobul ayoŋ nooi, oper ka akook alokwap. Nai abu iŋes tema neni kaŋ, “Okoe lokoku a ituŋanan, toyenu atemar erae akisileerekinet ŋin ŋina a ŋakiro a ŋuna ka asalunet a akwap.”

Abak. 3:14

Ibu iyoŋ toar ekarikon a ŋasigarya a ŋulu aronok a ŋikaleŋeleŋe keŋ pei, ekarikon ŋol ŋolo abu kipiripiriu ikwa ekuwuam akielar isua, abunit iŋes alelyani ecamit amunyar ŋulu a ŋican ŋulu aŋopito,

Sakar 9:14

“Etakanuni Ekapolon eyai kidiama ŋituŋa keŋ; egumuni iŋes ŋikaleŋeleŋe keŋ ikwaan ka akimilyaunet. Ekutakini Ekapolon ŋolo Etiron arupepe; ebuni iŋes alokuwuamin a ŋulu alo Kwap a ŋulu ipiripirete.

Akis. 16:12

Abu emalaika ŋolo a ŋikanikapei tobukok anyunyura ŋina ka Akuj anabakule keŋ naŋolol ŋina enyaritae Eupurate. Abu aŋolol kijuwa toono deu aŋuna ka akitemokin neni itorete ŋirwosi ŋulu epote alo Kide.

Akis. 9:16

Aponi okolimokin ayoŋ ekimar ŋolo a ŋituŋa a ŋulu etemokinitoe aŋuna ke ejiye: arae ikes ŋamilyonin ŋamiae ŋaarei.