Dan. 11:36 - Ebaibul

³⁶ “Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 11:36 Iomraidhean Croise

Ŋikiru. 136:2

Okoe tolakaros neni ka Akuj a ŋakujo, anerae, erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Ŋakit. 19:21

Epedori ituŋanan ayere anatameta keŋ akitiya ŋakiro ŋuna alalak, nai erae ŋuna ecamit Ekapolon ikes bon itiyakin.

Isa. 10:23

anerae Ekapolon Akuj ŋina a ŋajoresyo iŋes itasaluni ibore daadaŋ lopite ŋolo alimunio iŋes aŋuna ka akwap daadaŋ.

Isa. 10:25

anerae alotooma apaki ŋina euruwuana ajoŋoe ayoŋ aŋoikinit iyes ka eruwor ikes anyunyurikin ayoŋ omunya.

Isa. 10:5

Okoe iyes ŋituŋa ka Asiriya! Anaŋoit kaŋ, ekesitiyae ayoŋ iyes, napedor kus eyai ebela ŋolo ka anyunyura kaŋ.

Isa. 14:13

Itami sek iyoŋ alotau kon ebe, ‘Alosi ayoŋ kidiama, etopoloor ayoŋ bon, ewuak neni epukator kidiama ŋikacer a Akuj, eboikin ayoŋ kidiama emoru ŋolo ecunanakin ŋituŋa, eboikin ayoŋ naitae ŋuna a Sapon.

Isa. 14:14

Adokari ayoŋ kidiama ŋidouwon, ikikwaanikin ayoŋ ka Akuj ŋina eyai kidiama nooi.’

Isa. 26:20

Potu ŋituŋa kaŋ, tolomasi nagulei kus, togolokis ŋikekya kus kidaut alomar tooma, toŋopa apaki adio akitodol ŋina edaunor anyunyura ŋina ka Akuj.

Isa. 30:33

Itemokinitoe sek ka aŋorot akibois, itemokinitoe akibois ŋin aŋuna a erwosit ka Asiriya. Ecukul ka elapat neni inokakinitae akim ŋin ka elal akim a nen ka elalak ŋakito. Ekieŋanu a Ekapolon itule akim ŋin torirau ikwa apetoron.

Isa. 46:10

Abu ayoŋ olimu ŋakiro ŋuna esidyok anakisyakinet ka abu ayoŋ alimu anapakio a ŋuna akoloŋ ŋakiro ŋuna ariŋa nyitiyakina otema, ‘Iyookin ŋakiro ŋuna ayeunit ayoŋ ka erikakini akitiya ŋuna acamit kitiyakin.’

Isa. 57:9

Ipotu iyes toloto neni a Molek itiŋito akimyet ka ipotu kitalalata ŋamyeta ŋuna akukunyok. Ipotu iyes kiyakiyasi ŋituŋa neni alwanan, ipotu kiyakiyasi tari tooma nakibois a ŋikatwak.

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 35:13

Idaut iyes erwor iturosi nooi ikimanito ayoŋ, iyatakis iyes ŋakiro kus ŋuna ikimanitotor ayoŋ, adau ayoŋ akiirar ŋun.

Dan. 11:16

Nai ituŋanan daadaŋ ŋini ebuni akitijikin erwosit ŋolo alo Kuju, itiyae daadaŋ ŋuna ecamit iŋes ka mam ituŋanan itijikini iŋes. Ikamari iŋes ŋalup ŋuna ajokak anakwap a ŋin ka eruwor akwap ŋin daadaŋ ŋina keŋ.

Dan. 11:3

Ekaku keŋ eyakaun erwosit ŋolo erae ekajion, ŋolo ipukae ka apedor a ŋina apolon ka itiyae ŋuna ecamit iŋes.

Dan. 11:37

Nyitopoloori iŋes ŋakujo atapapaa keŋ, kori akuj ŋina ilipete ŋaberu, mam akuj epoloor aneni a erwosit a ŋol, anerae itopoloor iŋes bon akilo ŋakujo daadaŋ.

Dan. 12:7

Abu nai ekile ŋolo anapit ŋilowi ŋulu amilimilak, ŋolo awoi alokidiama ŋakipi kikyaa ŋakan keŋ kidiama, ido abu ayoŋ eira iŋes ikoŋi alokiro a Akuj a ŋina eyari ŋikaru ka ŋikaru ebala, “Erae ŋakiro nu ŋuna a ŋikaru a ŋiuni ka atutubet. Ani edaun apedor a ŋituŋa a Akuj, itiyakinio ŋakiro nu daadaŋ.”

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Dan. 5:19

aŋuna ka arwonu a ŋina ainit Akuj iŋes, abu tobul ka apotu tokera iŋes ŋituŋa daadaŋ ŋulu irworosi ŋaŋajepa ŋuna egelegelya. Abu iŋes toar ŋulu acamit akiar, kimyek eyarete ŋulu acamit iŋes akimyekin eyarete, kitopoloo ŋulu acamit iŋes akitopoloor ka tolema apolou aneni a ŋulu acamit iŋes alemar apolou.

Dan. 5:20

Nai aŋuna abunio iŋes kiturokin, kitogogoŋ akou keŋ, kitiya ŋakiro anakituro, aponi tolemarae iŋes alokicoloŋ keŋ a ŋolo ka apukan ka aponi tolemarae apolou keŋ.

Dan. 7:8

Ani eriŋa ayoŋ ete ŋamomwar a etyaŋ a ŋol, abu ayoŋ eŋolik amomwara ace ŋina adit alokidiŋ ŋamomwar ŋunatomon. Abu amomwara ŋin kilunyokin neni a ŋamomwar a ŋauni a ŋuna aponi toditarae anakou a etyaŋ. Aya daŋ namomwara ŋin ŋakonyen ŋuna ekwaan ka ŋuna a ituŋanan, ayakar daŋ etyaŋ ŋol akituk ŋina erworo ŋakiro ŋuna ka akituro.”

Dan. 8:19

Okolimok nai iŋes ayoŋ tema, “Topupok, akalimokini ayoŋ iyoŋ ŋakiro ŋuna itiyakin moi anapakio a ŋuna ka anyunyura, anerae erae ŋakiro akisileerekinet ŋuna ka apaki a ŋina esalunia akwap.

Dan. 8:4

Etiji emesek ŋol ewae ŋolo alo To, ŋolo alo Kuju ka ŋolo alo Kwap, mam etyaŋ apedori akitijikin iŋes ka mam idio apedori aiun ŋini ejioto iŋes. Etiyae iŋes ŋuna acamit daadaŋ ka abu iŋes togogoŋior.

Sakar 11:16

anerae alosi ayoŋ alemun ekeyokon ŋolo iyoki akwap, nai nyepedori iŋes akiyok ŋulu adaut aoliyor, kori akiwarar ŋulu cicik, kori akimadun ŋulu ewanan, kori akitan ŋulu eŋaleete, nai enyami iŋes akiriŋ a ŋamesekin a ŋuna atumak, erutonori ŋigece kec.

Yoa. 5:30

“Emam idiobore ŋini apedori ayoŋ akitiya aŋuna ka apedor kaŋ bon. Atubonokini ayoŋ ikwaŋina akalimokinitere; eriyan ekaatubokine, anerae nyewarit ayoŋ ŋuna acamit, nai acamit a ŋolo ekeyakuunit ayoŋ.

Yoa. 6:38

anerae nyabunit ayoŋ anakuj akitiya acamit kaŋ, nai akitiya acamit a ŋolo ekeyakuunit ayoŋ.

Ŋitic. 4:28

Apotu ikes tocunakinos akitiya ŋakiro daadaŋ ŋuna koloŋ itubuni iyoŋ ka apedor ka acamit kon atemar itiyakin.

Ŋikis. 10:17

anerae erae Ekapolon Akuj kus Akuj a ŋakujo, Ekapolon a ŋikapolok, Akuj ŋina apolon, ŋina etiron ka ŋina etubulon, ŋina etubi ŋakiro iyookino ka eŋerit akaluŋuluŋut,

2 Ŋites. 2:3

Nyikimodik iyes idiotuŋanan alopite a edio daŋ, anerae nyebuni Akoloŋit ŋin, mati kedol mono apaki ŋina eŋeryoto ŋituŋa ŋulu alalak Akuj, ido totakanu nai Eketepegan ŋolo ka Akuj, ŋolo emaikina tocakakinae nakim ŋina nyeduŋe.

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.

2 Ŋites. 2:8

Kisileereunoe nai Eketepegan Akuj; nai ani ebuni Ekapolon Yesu, eari Eketepegan ŋol a ekuwuam a ŋolo ka akituk keŋ ka inyasuni Yesu iŋes ka akica a ŋina enwakinwaki a ŋina ebunio iŋes.

Yos. 22:22

“Akuj ŋina Etiron, Ekapolon! Akuj ŋina Etiron, Ekapolon! Iŋes bon eyeni ŋuna ikiinakis isua akitiya nu ka emaikina Ŋisirael daŋ toyenut ŋunapei ŋun. Ani kikiŋerit isua Ekapolon, kimyekinitae akiwuap ŋakiro keŋ, tomunyarae isua nakoloŋit na!

Akis. 10:7

Nai, ani ekutakini emalaika ŋolo a ŋikanikaarei arupepe keŋ, irikakini Akuj ŋakiro ŋuna ka akimunono ŋuna elosikinit iŋes akitiya, ikwaŋinapei alimokinitor ŋikadwarak ŋulu erae ŋiketiyak keŋ.

Akis. 12:14

Aponi inakinae aberu ŋin ŋabebenuk ŋaarei ŋuna ke egole a ŋolo apolon, ikotere topororia tolosio nakibois keŋ naloŋisat neni etemokinit Akuj aŋuna keŋ; neni iyokiyere iŋes ŋikaru ŋiuni ka atutubet nyewania epiu iŋes.

Akis. 13:1

Abu oanyuwa etyaŋ elomuni ananam. Ayakar ŋamomwar ŋatomon ka ŋakyes ŋakanikaarei; a ŋinamomwara ayakar atoriet ka ŋinakou ayakar ekiro ŋolo eyanyit Akuj.

Akis. 17:17

Anerae adau Akuj akiwuakin lotai kec akitiya acamit keŋ, ŋina erae akimorikina kaapei, inakis etyaŋ apedor kec akipukaa akitodol ŋina iyookinotor ŋakiro ŋuna ka Akuj.

Akis. 17:3

Abu Etau min neni kaŋ, okoya emalaika naloŋisat. Oanyuwa ayoŋ aina aberu ŋina eboi alokidiama etyaŋ ŋolo areŋan ŋolo egiritae lowaetin keŋ daadaŋ ŋirorwa ŋulu iyanyitere Akuj. Ayakar etyaŋ ŋakyes ŋakanikaarei ka ŋamomwar ŋatomon.