Dan. 11:35 - Ebaibul

³⁵ Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Dan. 11:35 Iomraidhean Croise

2 Ŋakiro a ŋirwa 32:31

Ani tari iyakuunete ŋikepukak a Babilon ŋituŋa kec neni a Esekia akiŋit iŋes akujuwuanut ŋina abu kitiyakin nakwap keŋ, abu Akuj tocamak iŋes akitiya ŋuna acamit aŋuna ka akikatakin iŋes, anerae acamit Akuj aanyun ŋakiro daadaŋ ŋuna ayakasi lotau a Esekia.

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Dan. 11:27

Iboikinosi iwapei ŋirwosi ŋuluarei ŋul ŋulu iwuakinito ŋuna aronok natameta kec, ido kirworo emodyanakin make. Nai mam ibore itiyakin anakiro a ŋuna eyeete ikes, anerae ebuni asalunet anapaki a ŋina itemokinitoe.

Dan. 11:29

“Ani edoli apaki ŋina etubunitoe, eboŋori nabo erwosit lowae ŋolo alo Kwap, nai nyitiyakin ŋakiro apaki ŋin lopite ŋolo aponiata kitiyakinotor ekiŋaren,

Dan. 11:33

Itatamete ŋulu aosok alotuŋa ŋituŋa ŋulu alalak toyenut ŋakiro, tari daŋ keponio akiar ikes a ekileŋ, kori akicuny ikes, kori akikamar ikes, kori aŋatar ikes.

Dan. 11:40

“Ani edoli apaki ŋina esidyon itijikini erwosit ŋolo alowae a ŋolo alo Kwap erwosit ŋolo alo Kuju. Nai eemi erwosit ŋolo alo Kuju neni keŋ lopite ŋolo ekerya ekuwuam ŋolo ipiripiri, emotun iŋes eyakar ŋagaari ŋuna iritae a ŋaŋolei ka ŋikametok ŋaŋolei ta ŋameeli ŋuna alalak. Elosi iŋes akirem ŋakwapin, itorete ikes nakwapin ŋun esibito akalele.

Dan. 12:3

Ecaunete ŋikaosok lopite ŋolo ecaya akoloŋ alokidiama, ido ecaunete ŋikaru ka ŋikaru ŋulu erikunete ŋulu alalak nakiyookino lopite ŋolo ecayata ŋikacer.

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Dan. 8:10

Abu amomwara ŋin tooyaar nooi todol kidiama neni a ŋimalaikan ka ŋikacer, tocaku ŋimalaikan ka ŋikacer ŋice kwap, kipuda ikes alokwap.

Dan. 8:17

Aŋun, abu Gabriel toapu neni awoya ayoŋ, ani ebuni iŋes, abu okobul ayoŋ nooi, oper ka akook alokwap. Nai abu iŋes tema neni kaŋ, “Okoe lokoku a ituŋanan, toyenu atemar erae akisileerekinet ŋin ŋina a ŋakiro a ŋuna ka asalunet a akwap.”

Dan. 8:19

Okolimok nai iŋes ayoŋ tema, “Topupok, akalimokini ayoŋ iyoŋ ŋakiro ŋuna itiyakin moi anapakio a ŋuna ka anyunyura, anerae erae ŋakiro akisileerekinet ŋuna ka apaki a ŋina esalunia akwap.

Dan. 9:27

Iwuakini nai ekarikon ŋol acamunet ŋina agogoŋon ka ŋituŋa ŋulu alalak, acamunet ŋina iboi ŋikaru ŋikanikaarei, ani elunyar atutubet apei ŋina a ŋikaru a ŋul, elemari iŋes ŋamuronisya ka ŋainakineta. Iwuakinio neni sek eayeneneo ikes etorube ŋolo aronon ŋolo asiilyanan ŋolo eyauni ekasile. Erubakini iŋes eyai nen akitodol ŋina emunaarya Akuj ŋini abu kiwuak etorube ŋolo nen, itiyakin ŋun lopite ŋolo etubunitor Akuj.”

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Mat. 16:17

Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.

Mat. 26:56

Nai etiyakinosi nugu daadaŋ kiyookinotor ŋuna igirito ŋikadwarak.” Toesikis nai ŋikasyomak daadaŋ iŋes kielaros.

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Yoa. 20:25

Aŋun, tolimokis ŋikasyomak ŋuluce Tomas temasi, “Ikianyu isua Ekapolon.” Nai abu Tomas tolimok ikes tema, “Mati keŋolik ayoŋ ŋapores ŋuna a ŋisumar anakan keŋ, ka ewuak ekimoin kaŋ napores ŋuna a ŋisumar ka ewuak akan kaŋ losyepi keŋ, nyanupi ayoŋ.”

Ŋitic. 13:13

Torotokis nai Paulo ka ŋirukitos keŋ ka ameeli alo Papos, potu lotaun Periga ŋolo anakwap a Pampilia, neni abunio Yoana Mariko toesikinia ikes toboŋo Yerusalem.

Ŋikis. 8:16

ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.

Yak. 1:2

Ŋikaitotoi, kimarakisi erae ŋakiro ŋuna ilelyaniata apaki ŋina iryamuniata iyes ŋakikatakineta ŋuna egelegelya;

Akis. 14:15

Abu emalaika ece tolomu alo Kai ka Akuj, kiworou a etoil a ŋolo apolon neni a ŋini eboi alodou tema, “Kisitiya ekileŋ kon ŋolo ŋeret alemia, anerae adolu apaki ŋina lemet. Akono akwap, etemokin akilem!”

Akis. 17:17

Anerae adau Akuj akiwuakin lotai kec akitiya acamit keŋ, ŋina erae akimorikina kaapei, inakis etyaŋ apedor kec akipukaa akitodol ŋina iyookinotor ŋakiro ŋuna ka Akuj.

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.