Dan. 11:34 - Ebaibul

³⁴ Apaki ŋina earere ikes, eryamunete ikes akiŋarakinet adio cici ido epote ŋulu alalak akimorikin ka ikes emodiuna,

Dan. 11:34 Iomraidhean Croise

Dan. 11:21

Ilunyokin lorot keŋ ekile ŋolo ejamuwaritae ŋolo nyeinakinitae apedor ŋinakipukaet, ikamari iŋes apukan pa eyenio, ido toruwor ekepukan anakitojoka.

Dan. 11:32

Alososwae, emodiyari erwosit ŋol ŋituŋa ŋulu nyeriŋa iwuapito acamunet a ŋituŋa kec ka Akuj, nai ŋituŋa ŋulu iwuapito ŋuna ka Akuj kec, erubakinete iwuapito ŋuna ka Akuj ka eŋerito ŋuna a erwosit.

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Ŋirom. 16:18

Anerae nyerae Kristo itiyanakinete ŋituŋa ŋulu ikote ŋul, nai itiyanakinete etic ŋolo ka akiwarit akimuj. Irworosi ikes ŋakiro ŋuna abobok, kirapirapete ŋituŋa alorwor kec ecamito amodikin ŋituŋa ŋulu epalag!

Ŋigal. 2:4

Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

2 Tim. 4:3

Anerae ebuni apaki ŋina nyepupokiniata ŋituŋa ŋakiro ŋuna erae ŋuna a kire, nai iwuapete ekibure kec a ŋilopeyek ka ecununete aŋuna kec ŋiketatamak ŋulu alalak ŋulu elimokinete ikes ŋuna ecamito ŋaki kec akiirar.

Tito 1:11

Emaikina kiretakinae ikes alorwor kec, anerae eguryakis ikes ŋikalya daadaŋ, aŋuna itatamyata ŋakiro ŋuna nyitemokino kitatamae. Itatamete ikes ŋakiro ŋun aŋuna ca ka aryamunia ŋisiliŋa.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

1 Yoa. 4:5

Erae ikes ŋulu ka akwap, aŋun, ŋuna irworosi ikes, erae ŋuna ka akwap ka epupi akwap ŋakiro kec.

2 Yoa. 1:7

Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.

Akis. 12:13

Ani eanyuni epiu atemar ekemasun iŋes kwap, abu kisyak akiwuapit aberu ŋina edouni ikoku ŋini sapat.

Akis. 2:20

Nai eketoroniyarit ayoŋ iyoŋ a ŋakiro a nu: “Icamakinit iyoŋ aberu ŋina enyaritae Yesabel, ŋina ebala ebe arae iŋes akadwaran. Anakitatam keŋ, ecocoiya ŋiketiyak kaŋ, aya akitiya amalao ka akinyam ŋamuja ŋuna einakinitae ŋakujo ŋace.