Dan. 11:27 - Ebaibul

²⁷ Iboikinosi iwapei ŋirwosi ŋuluarei ŋul ŋulu iwuakinito ŋuna aronok natameta kec, ido kirworo emodyanakin make. Nai mam ibore itiyakin anakiro a ŋuna eyeete ikes, anerae ebuni asalunet anapaki a ŋina itemokinitoe.

Dan. 11:27 Iomraidhean Croise

2 Sam. 13:26

Tema Abusalom, “Ani pa kilosi iyoŋ, kimyek lokaapa kaŋ Aminon orukosi ka isua.” Kiŋit erwosit iŋes tema, “Kaanukiro emaikina iŋes torukosi ka iyoŋ?”

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋikiru. 52:1

Kaanukiro ituror iyoŋ aŋuna ka aronis, iyoŋ ekile lo ŋolo igogoŋ akilo? Erae Akuj ŋina esyonion ŋikaru ka ŋikaru.

Ŋikiru. 58:2

Mam, itamete iyes alotai kus akitiya ŋuna nyiyookino. Itiyaete ŋakan kus ŋakiro ŋuna ka aryenyeo anakwap.

Ŋikiru. 62:9

Erae ŋituŋa daadaŋ ŋulucaryo ekieŋanu koŋin, erae ŋituŋa daadaŋ ŋulu itopolooritae ŋikoŋinae tari ketemar akipim anakilo, erae ikes koŋin ecaryooko ikes daadaŋ akilo tari ekieŋanu.

Ŋikiru. 64:6

Ŋae epedori aripirip ŋakiro ŋuna aronok ŋuna itiyao iwon? Adaun iwon atamun erot ŋolo ejok ŋolo ecamunit ŋinituŋanan.” Anerae etau ka ŋatameta a ituŋanan, eyakatar ŋakiro ŋuna imunono.

Ŋakit. 12:20

Eyai amodiyo natameta a ŋulu eyeete akitiya aronis, nai eyai alelyanu neni a ŋulu itiyaete aŋuna a ekisil.

Ŋakit. 19:21

Epedori ituŋanan ayere anatameta keŋ akitiya ŋakiro ŋuna alalak, nai erae ŋuna ecamit Ekapolon ikes bon itiyakin.

Ŋakit. 26:23

Ituŋanan ŋini itojoka irworo nai toyakar ŋiman lotau keŋ, ikwaan ka eraŋgi ŋolo ebusan ŋolo iwosakinitae namot.

Esek. 17:9

“Tolimok ikes atemar, ŋakiro ŋuna alimu Ekapolon Akuj ikes nu, ‘Erubakini kire ekitoe a epiini ŋol eyari ka epoloe a? Nyerutoryo mono iŋes ka tobosiyasi ŋaraito keŋ ka toiniya iŋes a? Enyaŋaaniyarete ŋakwii ŋuna alomunak alokitoe a ŋol. Emam akan ŋina agogoŋon kori ŋasigarya ŋuna agogoŋok ŋuna iitanio arutun iŋes.

Dan. 10:1

Alokaru a ŋolo a ŋiuni ipukat erwosit Cirus ŋolo a Perisia aponi kisileerekinoe akirot neni a Daniel a ŋolo anyaritae Belitesasar. Arae akirot ŋin ŋina a kire, arae akirot ŋina ke ejie a ŋolo apolon. Abu Daniel toyenu akirot ŋin kedau aryamun ayenun ŋakiro anakisileerekinet.

Dan. 11:28

Eboŋori nai erwosit ŋolo alo Kuju nakwap keŋ eyakar ebari ŋolo alalan nooi, nai erubakini iŋes alotau keŋ imanit ŋituŋa ŋulu ka Akuj. Itiyae iŋes ŋuna italakarito iŋes, ido toboŋo nakwap keŋ.

Dan. 11:29

“Ani edoli apaki ŋina etubunitoe, eboŋori nabo erwosit lowae ŋolo alo Kwap, nai nyitiyakin ŋakiro apaki ŋin lopite ŋolo aponiata kitiyakinotor ekiŋaren,

Dan. 11:35

Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Dan. 11:40

“Ani edoli apaki ŋina esidyon itijikini erwosit ŋolo alowae a ŋolo alo Kwap erwosit ŋolo alo Kuju. Nai eemi erwosit ŋolo alo Kuju neni keŋ lopite ŋolo ekerya ekuwuam ŋolo ipiripiri, emotun iŋes eyakar ŋagaari ŋuna iritae a ŋaŋolei ka ŋikametok ŋaŋolei ta ŋameeli ŋuna alalak. Elosi iŋes akirem ŋakwapin, itorete ikes nakwapin ŋun esibito akalele.

Dan. 8:17

Aŋun, abu Gabriel toapu neni awoya ayoŋ, ani ebuni iŋes, abu okobul ayoŋ nooi, oper ka akook alokwap. Nai abu iŋes tema neni kaŋ, “Okoe lokoku a ituŋanan, toyenu atemar erae akisileerekinet ŋin ŋina a ŋakiro a ŋuna ka asalunet a akwap.”

Dan. 8:19

Okolimok nai iŋes ayoŋ tema, “Topupok, akalimokini ayoŋ iyoŋ ŋakiro ŋuna itiyakin moi anapakio a ŋuna ka anyunyura, anerae erae ŋakiro akisileerekinet ŋuna ka apaki a ŋina esalunia akwap.

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Ŋitic. 1:7

Tolimok Yesu ikes tema, “Etubunit Akuj Papa ŋirwa ka ŋapakio keŋ. Nyerae ŋuna kus ayenut ŋuna itemokinit iŋes anapedor keŋ.

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

1 Ŋites. 5:1

Ŋikaitotoi kaŋ, nyitemokino ayoŋ ekegirak iyes ŋakiro ŋuna a ŋirwa kori a ŋapakio a ŋuna itiyakinotor ŋakiro ŋun.