Dan. 11:24 - Ebaibul

²⁴ Ebuni iŋes pa eyenio kikama ŋakiboisyo ŋuna elal abaru anakwap, ido itiyae iŋes ŋuna nyitiya idio a ŋulu abu iŋes kilunyokin lorot kec. Ekorakini iŋes ŋirukitos keŋ ŋiboro ka abaru daadaŋ ŋina eŋatunitae alojie. Eyeuni iŋes epite ŋolo emunaarya ŋaduketa ŋunajiet, nai nyerubakini iŋes eye ŋun.

Dan. 11:24 Iomraidhean Croise

Neem. 9:25

Apotu Ŋisirael kikamanasi ŋitaunio ŋulu adukitoe ŋaduketa ŋunajiet, kikamasi akwap ŋina ajokan a ŋalup, kituruwosi ŋakais ŋuna elelebitae ŋiboro ŋulu ajokak daadaŋ ŋuna kec, ŋakare, ŋimanikorin ŋulu a ŋikito a epiini, ŋulu a ŋikito ka Olipa ka ŋulu a ŋikito a ŋaraito ŋulu alalak; aŋun apotu ikes kimuja kimwoko ka totuma, tolelyana aŋuna ka ajokis kon a ŋina apolon.

Ŋakit. 17:8

Alotuŋa a ŋulu einanakinete ŋakaluŋuluŋui, ikwaan akaluŋuluŋut ka ekitoe ŋolo ekokoyere ŋiboro alotuŋa a ŋuluce, neni daadaŋ elosi ituŋanan ŋini isitiyae akaluŋuluŋut, nyipiyori aryamun ŋuna ecamit.

Ŋakit. 19:6

Iitanito ŋituŋa ŋulu alalak aryamun ajokis aneni a ŋituŋa a ŋulu erae ŋikapolok, ido erae ŋinituŋanan ekone a ŋini einanakini ŋuluce ŋainakineta.

Ŋakit. 23:7

aŋuna eraakar iŋes ituŋanan ŋini erimaana, ŋini etamatamae a ŋinapaki etyae ŋolo egyelitor iŋes akimuj ŋin. Epedori iŋes alimokin iyoŋ ebe, “Kimuj ka tomat,” nai ŋuna etami iŋes alotau keŋ aŋuna kon, erae ŋuna aronok.

Esek. 34:14

Eyoki ayoŋ ikes neni eyakasi ŋinya ŋulu ajokak, eyakaun ŋinya kec naitae ŋuna a ŋikamukumukui a Isirael, euryanikin neni eya ŋinya ŋulu ajokak, enyamete ŋinya ŋulu etumak alokidiama ŋikamukumukui a Isirael.

Esek. 38:10

“Alimu Ekapolon Akuj atemar, akoloŋit ŋina ilosyoto iyes, epote ŋatameta nakyes kus, ido igeunete iyes akituk akitiya ŋuna aronok.

Dan. 11:23

Ani kedau iŋes acamun ka ŋituŋa a ŋakwapin, itiyae iŋes neni a ŋuluce ka amodiyo, aŋun eruwor iŋes ŋolo agogoŋon ŋolo eyakar ŋituŋa ŋidikudyo.

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Ekim. 13:20

ka toanyut kejokak ŋalup a akwap a ŋin, kori keroko, keya ŋikito nakwap ŋin, kori kemam. Totitiny iyes, ido yaut ŋaraito ŋadi ŋuna ka akwap a ŋin.” Arae apaki ŋin apaki ŋina akokitotor ŋaraito ŋuna esyaunak ŋuna ke epiini.

Mat. 9:4

Nai ikwapei ayenia Yesu ŋuna atamete ikes, tolimok ikes tema, “Kaanukiro itamyata iyes ŋuna aronok alotai kus?

Ŋikat. 9:4

Inakis ikes iŋes Ŋisilipae ŋatomonikanikaarei alokai ka akuj a ŋina anyaritae Baal-Beris. Abu Abimelek kisitiya esilipa ŋol akipaŋgaunia ŋikilyok ŋulucaryo ŋulu apotu toruworos ŋirukitos keŋ.