Dan. 11:2 - Ebaibul

² “Akalimokini tokona ayoŋ iyoŋ ŋakiro ŋuna a kire. Eyakaunosi ŋirwosi ŋice ŋiuni Perisia, ebuni ŋolo a ŋiomwon ŋolo ebarit akilo ŋirwosi ŋulu esyaunak ŋuluuni daadaŋ. Kedau iŋes agogoŋior aŋuna ka abaru keŋ, ecunakini iŋes ŋituŋa daadaŋ akitijikin ekepukan ka Akaia.

Dan. 11:2 Iomraidhean Croise

Esir 4:24

Apaki ŋin, aponi kimyekinae etic ŋolo ka akiduk a Akai ka Akuj, torubak jik etic ŋol egolokinitoe akitodol ekaru ŋolo a ŋiarei ipukat erwosit Darius ŋolo a Perisia.

Esir 4:7

Tosodi alorwa a ŋulu epukator Aritaseses apotu Bisilam, Misiredas, Tabeel kaapei ka ŋirukitos kec ŋuluce, kigira abaruwa neni a erwosit Aritaseses a ŋolo a Perisia; egiritae abaruwa ŋin a Ŋaramaniae ka amaikina kibelekinoe naŋajep ŋina a ŋituŋa a Perisia apaki ŋina eswomere.

Esta 1:1

Apotu ŋakiro nu kitiyakinos alorwa a ŋulu araakar Ausero. erwosit ŋolo epukat ŋakwapin amiat ka ŋatomoniarei ka ŋakanikaarei; akisyakin alo India tari Esiopia (Iŋes Kus).

Ŋakit. 22:21

aŋuna ka akitoodikinia iyoŋ ŋuna iyookino ka ŋuna a kire, ikotere nai iyoŋ inyakari ŋakiro ŋuna a kire neni a ituŋanan a ŋini ikiyaki iyoŋ.

Dan. 10:1

Alokaru a ŋolo a ŋiuni ipukat erwosit Cirus ŋolo a Perisia aponi kisileerekinoe akirot neni a Daniel a ŋolo anyaritae Belitesasar. Arae akirot ŋin ŋina a kire, arae akirot ŋina ke ejie a ŋolo apolon. Abu Daniel toyenu akirot ŋin kedau aryamun ayenun ŋakiro anakisileerekinet.

Dan. 11:25

Ecunakini iŋes ajore ŋina alalan elosikinit akitijikin erwosit ŋolo alowae a ŋolo alo Kwap. Elosi erwosit ŋolo alowae a ŋolo alo Kwap lojie eyakar ŋasigarya ŋuna alalak ŋuna agogoŋok. Nai nyilouni iŋes, anerae eyeunete aruruma.

Dan. 7:5

Totakanu nabo etyaŋ ece ŋolo a ŋiarei ŋolo ekwaan ka etyaŋ ŋolo adedeŋan, aponi etyaŋ kitonyounoe ke epeiwae, ayakar etyaŋ ŋol ŋikyal ŋiuni ŋulu apolok nakituk keŋ ŋina aya ŋikyal ŋuluce ka aponi tolimokinae ebe, ‘Tonyou tonyam ŋawat ŋuna alalak.’

Dan. 8:21

Tosodi etoodiunit ekoroe erwosit a Yapan, erae amomwara ŋina alokidiŋ ŋakonyen a ekoroe, erwosit ŋolo a ekiŋaren.

Dan. 8:26

Erae ŋuna a kire ŋakiro ŋuna a ŋakisileerekineta a ŋuna ka ataparacu ka a ŋuna ke eboŋ. Nai iyoŋ ŋolo ibu kiŋolik ŋakisileerekineta ŋun, kimunon ŋakiro ŋun, anerae elwaka ŋirwa ŋulu itiyakinotor ŋakiro ŋun.”

Dan. 8:4

Etiji emesek ŋol ewae ŋolo alo To, ŋolo alo Kuju ka ŋolo alo Kwap, mam etyaŋ apedori akitijikin iŋes ka mam idio apedori aiun ŋini ejioto iŋes. Etiyae iŋes ŋuna acamit daadaŋ ka abu iŋes togogoŋior.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Yoa. 10:35

(Ikiyeni atemar iyookino Ŋakigireta kire;) ido abu Akuj tonyara ŋituŋa ŋulu alimokinio ŋakiro keŋ, ŋakujo.

Akis. 21:5

Tolimu nai ŋolo eboi alokicoloŋ a ŋolo ka apolou tema, “Kiŋolik! Tokona eturuwo ayoŋ ŋiboro daadaŋ ŋikitet!” Abu iŋes nabo okolimok ayoŋ tema, “Kigir ŋun, anerae erae ŋakiro ŋuna a kire ŋuna epedoryo akikinyom.”