Dan. 11:17 - Ebaibul

¹⁷ Iwuakini iŋes natameta keŋ abunore a agogoŋ a ŋituŋa a akwap keŋ a daadaŋ; eyauni iŋes ŋakiro ŋuna a ekisil ka itiyakini iŋes ŋun. Einakini erwosit ŋolo alo Kuju nakoku keŋ neni a erwosit a ŋolo alowae a ŋolo alo Kwap aŋuna ka akikamarya apukan keŋ, nai nyiyookin ayeunet keŋ ka nyiŋarakinete iŋes ŋun.

Dan. 11:17 Iomraidhean Croise

2 Ŋirw. 12:17

Alorwa a ŋul, abu Asael ŋolo arae erwosit ka Aram torem etaun ŋolo anyaritae Gas, kikama. Ani irikakin, kiitan akirem Yerusalem.

2 Ŋakiro a ŋirwa 20:3

Tobul Yeosapat, toseu alotau keŋ akiŋit Ekapolon ŋakiro; tolimu atemar torono ŋituŋa a Yudaya daadaŋ.

Ŋikiru. 56:9

Eboŋorete nai ŋimoe kaŋ akoloŋit ŋina akanyaraa ayoŋ iyoŋ. Ayeni ayoŋ atemar itiyakin ŋun, anerae ikirukit ayoŋ ka iyoŋ.

Ŋakit. 19:21

Epedori ituŋanan ayere anatameta keŋ akitiya ŋakiro ŋuna alalak, nai erae ŋuna ecamit Ekapolon ikes bon itiyakin.

Esek. 17:17

Nyepedorete Parao ka ŋasigarya keŋ ŋuna alalak ka ŋirukitos keŋ ŋulu alalak akiŋarakin iŋes alojie a ŋolo edukitotor Ŋibabiloniyae ŋakititisyo ka ŋarwatatain aŋuna ka amunyarya ŋikalalak.

Esek. 25:2

“Lokoku a ituŋanan, kiŋoliya lowae ŋolo eya Ŋiamoni, ido todwar ŋakiro nu neni kec itoroniyarit ikes.

Esek. 4:3

Tolemu asaani ŋina erae asuwat kiwuak kidiŋ kon ke etaun erae arwatata ŋina eyai kidiŋ iyoŋ ke etaun. Emaikina iyoŋ kiŋoliya lotaun, kiŋolik iŋes erae ŋolo irikaunitae, torae iyoŋ pei irikaunit iŋes. Erae ŋol epite ŋolo itoodikinitere Ŋisirael ŋakiro ŋuna itiyakin.

Esek. 4:7

Emaikina iyoŋ iŋoliyarit lowae ŋolo irikaunitere Yerusalem, ido todwar itoroniyarit Yerusalem, nyiyakar ibore idio nakan irworo iniŋiniŋi akan kon.

Dan. 11:19

Eboŋori nai iŋes naduketa keŋ ŋunajiet, nai ilounio iŋes nyiŋolikin nabo jik.

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Abak. 1:9

Elosete ŋasigarya kec ŋaren ikamanarete ŋakwapin daadaŋ ka aryenyeo, ido emini akuryanu neni a ŋinituŋanan apaki ŋina edolunioto ikes. Ecunete ikes ŋirikon kec ikwa ecunere asinyon.

Mat. 12:30

“Ituŋanan ŋini nyeyai lowae kaŋ, akaŋerit ayoŋ, nabo ituŋanan ŋini nyekeŋarakinit ayoŋ akicun, ielieli.

Luk. 11:23

“Ituŋanan ŋini nyeyai lowae kaŋ, akaŋerit ayoŋ; nabo ituŋanan ŋini nyekeŋarakinit ayoŋ akicun, ielieli.”

Luk. 9:51

Ani eapuunete ŋirwa ŋulu boŋoret Yesu nakuj, abu iŋes totyaku alosit Yerusalem.

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?