Dan. 11:16 - Ebaibul

¹⁶ Nai ituŋanan daadaŋ ŋini ebuni akitijikin erwosit ŋolo alo Kuju, itiyae daadaŋ ŋuna ecamit iŋes ka mam ituŋanan itijikini iŋes. Ikamari iŋes ŋalup ŋuna ajokak anakwap a ŋin ka eruwor akwap ŋin daadaŋ ŋina keŋ.

Dan. 11:16 Iomraidhean Croise

Isa. 8:8

Egiraarete ikes akwap a Yudaya daadaŋ lopite ŋolo egiraarya akalele akwap toburusiya ibore daadaŋ.” Ikirukit isua ka Akuj, imukito ŋabebenuk keŋ akwap kosi.

Yer. 3:19

“‘Abu ayoŋ otam epite ŋolo eketuruworya iyes ŋidwe kaŋ, ido okoinak iyes akwap ŋina ajokan, akwap ŋina ajokan, akilo ŋakwapin daadaŋ. Abu ayoŋ otamak atemar ikinyaraete iyes ayoŋ papa kosi ka nyiŋerete iyes akiwuap ŋakiro kaŋ.

Dan. 11:3

Ekaku keŋ eyakaun erwosit ŋolo erae ekajion, ŋolo ipukae ka apedor a ŋina apolon ka itiyae ŋuna ecamit iŋes.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 11:41

Ebuni iŋes tari nakwap ŋina ebusan ka toar ŋituŋa ŋalipyo ka ŋalipyo, nai epuun ŋakwapin nu anapedor keŋ: Edom, Moab ka akwap ŋina a Ŋiamoni neni alalan neni idoŋit.

Dan. 11:45

Edukokini iŋes ŋiemae keŋ ŋulu ka apukan kidiŋ anam ka emukura ŋolo ebusan ka ŋolo asegan. Nai etwani iŋes, emam ituŋanan ebuni akiŋarakin iŋes.

Dan. 5:19

aŋuna ka arwonu a ŋina ainit Akuj iŋes, abu tobul ka apotu tokera iŋes ŋituŋa daadaŋ ŋulu irworosi ŋaŋajepa ŋuna egelegelya. Abu iŋes toar ŋulu acamit akiar, kimyek eyarete ŋulu acamit iŋes akimyekin eyarete, kitopoloo ŋulu acamit iŋes akitopoloor ka tolema apolou aneni a ŋulu acamit iŋes alemar apolou.

Dan. 8:4

Etiji emesek ŋol ewae ŋolo alo To, ŋolo alo Kuju ka ŋolo alo Kwap, mam etyaŋ apedori akitijikin iŋes ka mam idio apedori aiun ŋini ejioto iŋes. Etiyae iŋes ŋuna acamit daadaŋ ka abu iŋes togogoŋior.

Dan. 8:7

Abu ayoŋ eŋolik iŋes eapiyari lomesek. Anyunyura ekoroe nooi ka abu tonaŋ emesek, tobila ŋamomwar keŋ ŋunaarei; todaun emesek agogoŋu ŋinakitijikinet ekoroe. Abu ekoroe tonaŋ emesek tocakak kwap kicak alokwap, mam idio ŋini abu topedo aiun emesek anagogoŋu a ekoroe.

Dan. 8:9

Alotooma apei a ŋamomwar a ŋun, abu amomwara tolomu, ŋina abu togogoŋior nooi kiteorite lowae ŋolo alo Kwap, lowae ŋolo alo Kide ka lowae ŋolo ka akwap a ŋina ebusan.

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.