Dan. 10:8 - Ebaibul

⁸ Aŋun, abu ayoŋ edoŋ bon, ikotere eŋolikini akisileerekinet ŋina etubulon ŋin. Abu agogoŋu todaun aneni kaŋ, kilocokin etakane kaŋ, tolilimiyo akuwan kaŋ.

Dan. 10:8 Iomraidhean Croise

Akisy. 32:31

Aris akoloŋ kelomu apaki ŋina atubio Yakob alo Peniel icodo, anerae awanan ekalokot keŋ.

Awos. 3:3

Tema nai Moses, “Emaikina ayoŋ olot diyete eŋolik ibore ŋin ŋini ka aumokin ŋini enoki ŋin, ido oanyu ŋakiro ŋuna nyenomya amoni.”

Dan. 10:16

Tosodi a nen, abu emalaika ŋolo esibit ituŋanan okotap ayoŋ ŋipon, ido abu ayoŋ oŋaa akituk kaŋ ikotere erworikini, olimok nai ayoŋ ŋolo awoi alodiyete kaŋ otema, “Ekapolon kaŋ, ekeilosi ayoŋ ŋakiro ŋuna ka akisileerekinet a ŋina abu ayoŋ eŋolik, ido adaun agogoŋ aneni kaŋ.

Dan. 10:17

Ekapolon kaŋ, ekokini ayoŋ eketiyan kon ikirworo ka iyoŋ a? Anerae amarani ayoŋ, adaun agogoŋu aneni kaŋ ka eeŋa ayoŋ etedukae.”

Dan. 7:28

Ŋakiro daadaŋ ikes ŋun ŋuna aponi okolimokin ayoŋ apolou kec. Ani eruwor ayoŋ Daniel, apotu ŋatameta kaŋ eketubulo ayoŋ nooi, ido abu ereet kaŋ kilocokin, nai abu ayoŋ eric ŋakiro daadaŋ alotau kaŋ.

Dan. 8:27

Aŋun, abu ayoŋ Daniel eyaloloŋ nooi, odyakakin oper ŋirwa ŋulu alalak; ekaku abu ayoŋ onyou, olot akitiya ŋiticisyo a erwosit. Nai abu akisileerekinet anakiruja a ŋin okoinak ayoŋ akitakadakinet, ido pa apedorit ayoŋ ayenun apolou keŋ.

Dan. 8:7

Abu ayoŋ eŋolik iŋes eapiyari lomesek. Anyunyura ekoroe nooi ka abu tonaŋ emesek, tobila ŋamomwar keŋ ŋunaarei; todaun emesek agogoŋu ŋinakitijikinet ekoroe. Abu ekoroe tonaŋ emesek tocakak kwap kicak alokwap, mam idio ŋini abu topedo aiun emesek anagogoŋu a ekoroe.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Mat. 17:6

Ani iirarete ŋikasyomak ŋakiro ŋun, toramakinos kwap kijuuroto ebulit.

Mar. 9:6

Kire pa ayeni Petero ŋunalimuno, anerae abu tobul ikes nooi.

Yoa. 16:32

Ebunit apaki, kire adolu apaki ŋina ikielarere iyes, ŋina elosyo ŋinituŋanan lore keŋ, okoesikin ayoŋ bon; nai nyedoŋi ayoŋ bon, anerae ikirukit Papa ka ayoŋ.

2 Ŋikor. 12:7

Aŋuna ka akiretakin ayoŋ nyeturo, aŋuna ka alalau a ŋakitoodikineta, aponi okoinakin ayoŋ apipilu ŋina ikoni aremot ŋina ke ekukwae, apipilu ŋina erae Satan iyakuunit, akisican ka akiretakin ayoŋ nyeturo.

Akis. 1:17

Ŋinapei eŋolikinia ayoŋ iŋes, abu oramakin nakejen keŋ ekok ituŋanan ŋini atwan. Abu nai iŋes kiwuak akan keŋ ŋina aloteten neni kaŋ tema, “Nyikuryaniar! Arae ayoŋ ŋolo Eŋarenon ka ŋolo Esidyon.