Dan. 10:21 - Ebaibul

²¹ Nai akalimokini ayoŋ iyoŋ ŋakiro ŋuna igiritae lokitaabo ŋolo a ŋakiro a ŋuna a kire. Mam ice ekeŋarakini ayoŋ akitijiore ŋikapolok ŋul mati Mikael bon ŋolo erae ekapolon kon.”

Dan. 10:21 Iomraidhean Croise

Dan. 10:13

Nai alotooma ŋirwa ŋatomoniarei ke epei, abu emalaika ŋolo epolokinit apukan ŋina a Perisia eketepeg ayoŋ; nai abu Mikael, epei a ŋikapolokinitok ŋimalaikan, ekeŋarak ayoŋ, ido abu ayoŋ emyek iŋes aina kaapei ka emalaika ŋolo epolokinit apukan ŋina a Perisia,

Dan. 12:1

“Apaki ŋin, ebuni Mikael, ekarikon ŋolo apolon ŋolo erae ekedaran a ŋituŋa kon. Eyakaun apaki ŋina ka aryeba apaki ŋina nyeyakauna ŋinapei koloŋ kisyakiniata ŋapukasinei. Nai apaki ŋin, elakunio ŋituŋa kon, elakunio ŋituŋa daadaŋ ŋulu igiritae ŋirorwa kec lokitaabo.

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Dan. 8:26

Erae ŋuna a kire ŋakiro ŋuna a ŋakisileerekineta a ŋuna ka ataparacu ka a ŋuna ke eboŋ. Nai iyoŋ ŋolo ibu kiŋolik ŋakisileerekineta ŋun, kimunon ŋakiro ŋun, anerae elwaka ŋirwa ŋulu itiyakinotor ŋakiro ŋun.”

Dan. 9:22

Abu iŋes bu tema neni kaŋ, “Daniel, abunit tokona ayoŋ ainakin iyoŋ aosou ka ayenut.

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Ŋitic. 15:15

Ecamuna ŋakiro nu ka ŋuna a ŋikadwarak ŋuna igiritae ikona: ebala Akuj,

Ŋitic. 15:18

Ayoŋ Ekapolon, ŋolo aberakin koloŋ sek akiteyenun ŋakiro nu ŋuna etiyakini.’

Yud. 1:9

Tari Mikael emalaika ŋolo apolon nyitiya nu, ŋina apeganakinotor iŋes ka Satan ebasi ŋae alokidiŋ kec itemokino ya akuwan a Moses. Abu iŋes nyetitinyik atubokin Satan anakiyany, nai abu tema, “Ekapolon elope ikiyeyakini iyoŋ!”

Akis. 12:7

Kisyak nai ejiye anakuj. Kitijioto Mikael ka ŋimalaikan keŋ epiu, ido toboŋo epiu ka ŋimalaikan keŋ.