Dan. 10:16 - Ebaibul

¹⁶ Tosodi a nen, abu emalaika ŋolo esibit ituŋanan okotap ayoŋ ŋipon, ido abu ayoŋ oŋaa akituk kaŋ ikotere erworikini, olimok nai ayoŋ ŋolo awoi alodiyete kaŋ otema, “Ekapolon kaŋ, ekeilosi ayoŋ ŋakiro ŋuna ka akisileerekinet a ŋina abu ayoŋ eŋolik, ido adaun agogoŋ aneni kaŋ.

Dan. 10:16 Iomraidhean Croise

Awos. 4:10

Abu nai Moses tema neni a Ekapolon, “Okoe Ekapolon, nyapedorit ayoŋ erwori ejok ŋinapei koloŋ, tari tokona apaki na ŋina irworor iyoŋ neni a eketiyan kon. Eapi ayoŋ ŋakiro erworo ka aŋajepana ayoŋ.”

Awos. 4:13

Nai abu Moses tema, “Okoe Ekapolon kaŋ, ekemaimai ayoŋ iyoŋ, kiyakiya ituŋanan ice.”

Ekal. 1:18

anerae naosou ŋina alalan, iŋes pei elomunia aŋoit ŋina alalan; ŋulu iyasete aosou, iyasete akiyaloloŋ.

Isa. 6:7

Abu esubuna ŋol totap a aridet akituk kaŋ tema, “Ikwapei atapya aridet na ŋipon kon, nyeriŋa iyoŋ iyakar ekaile ka ikimookun iyoŋ anasecit kon.”

Yer. 1:9

Abu nai Ekapolon kiopeu akan keŋ totap akituk kaŋ, tosodi okolimok ayoŋ tema, “Tokona adau ayoŋ akiwuakin ŋakiro kaŋ nakituk kon.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 3:27

Nai ani ekesirworikini ayoŋ iyoŋ, alacakini ayoŋ aŋajep kon, ikotere iyoŋ tolimok ikes atemar ŋakiro ŋuna irworo Ekapolon Akuj ikes nu ebe, ‘Kimyekisi ŋulu iirarete kiirasi ka kimyekisi ŋulu eŋerete akiirar toŋero akiirar, anerae erae ikes ekal ŋolo aŋeron.’ ”

Esek. 33:22

Eboŋ sek eriŋa nyedolo akoloŋit ŋina abunio ekasiiunan ŋol alo Yerusalem, aris ayoŋ kayenu atemar ayai Ekapolon neni kaŋ, aris Ekapolon keŋaa akituk kaŋ eriŋa ekasiiunan ŋol nyedoluno neni kaŋ, akoloŋit ŋinace taparacu. Aŋun, aŋaara akituk kaŋ, pa nabo ekepiyorit ayoŋ akirworo.

Dan. 12:8

Abu ayoŋ eira, nai abu nyayenu apolou a ŋakiro a ŋun, aŋun abu ayoŋ eŋit otema, “Ekapolon kaŋ, anukiro epote ekaku a ŋakiro a nu?”

Dan. 4:19

Abu nai Daniel ŋolo arae ekiro keŋ ece Belitesasar tosiliyo adiouriyen ebulit nooi, apotu ŋatameta keŋ kitubulo iŋes. Tema nai erwosit neni keŋ, “Belitesasar, nyimyek ŋakiro ŋuna ka akiruja a ŋin, kori apolou kec ikitubulo iyoŋ.” Toboŋok Belitesasar tema, “Ekapolon kaŋ, kerae ca topedonor, keruwor ŋakiro ŋuna irujat iyoŋ ŋuna a ŋulu ikimanito iyoŋ ka keruwor apolou kec ŋina a ŋimoe kon.”

Dan. 7:15

Tolimu Daniel tema, “Ani eruwor ayoŋ, eryaŋakina etau kaŋ, eketubulito ayoŋ ŋakiro ŋuna abu ayoŋ eŋolik anakiruja.

Dan. 7:28

Ŋakiro daadaŋ ikes ŋun ŋuna aponi okolimokin ayoŋ apolou kec. Ani eruwor ayoŋ Daniel, apotu ŋatameta kaŋ eketubulo ayoŋ nooi, ido abu ereet kaŋ kilocokin, nai abu ayoŋ eric ŋakiro daadaŋ alotau kaŋ.

Dan. 8:15

Kadau ayoŋ Daniel akiŋolikin akisileerekinet ŋin, abu ayoŋ ekatak ayenun apolou keŋ. Abu nai ice ŋini ekwaan ka ituŋanan totakanu neni kaŋ, towo alodiyete kaŋ.

Dan. 8:17

Aŋun, abu Gabriel toapu neni awoya ayoŋ, ani ebuni iŋes, abu okobul ayoŋ nooi, oper ka akook alokwap. Nai abu iŋes tema neni kaŋ, “Okoe lokoku a ituŋanan, toyenu atemar erae akisileerekinet ŋin ŋina a ŋakiro a ŋuna ka asalunet a akwap.”

Dan. 8:18

Ani eriŋa iŋes irworo neni kaŋ, apotu ŋajo ekekamut ayoŋ ojotoor nooi, oper alokwap abuburiyara, nai abu Gabriel okotap ayoŋ, eketonyou ayoŋ owo.

Dan. 8:27

Aŋun, abu ayoŋ Daniel eyaloloŋ nooi, odyakakin oper ŋirwa ŋulu alalak; ekaku abu ayoŋ onyou, olot akitiya ŋiticisyo a erwosit. Nai abu akisileerekinet anakiruja a ŋin okoinak ayoŋ akitakadakinet, ido pa apedorit ayoŋ ayenun apolou keŋ.

Dan. 9:21

ka ani eriŋa ayoŋ erworo elipi, bu Gabriel ŋolo sek eŋolikinit ayoŋ anakisileerekinet neni kaŋ ekeri nooi topori, abu iŋes bu neni kaŋ, apaki ŋina einanakinere amuronot ŋina ke eboŋ.

Luk. 1:64

Anenipei tolacakin aŋajep a Sakariya, toŋaar etoil keŋ, togeu iŋes akipuro Akuj.

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Yoa. 20:28

Tolimok Tomas Yesu tema, “Ekapolon kaŋ, Akuj kaŋ!”

Yos. 5:14

Toboŋok ekile ŋol iŋes tema, “Meere ayoŋ epei alokidiŋ kus, kori emoit, nai ayoŋ arikit ŋasigarya a Ekapolon Akuj, abu tokona ayoŋ.” Toryedik nai Yosua kijuuru todol ereet kwap, kilip neni a ekile a ŋol, kiŋit tema, “Arae ayoŋ eketiyan kon Ekapolon, nyo icamit iyoŋ ayoŋ etiya?”

Akis. 1:13

Alokidiŋ ŋawuoeta ŋun ayai ŋini ekoni ituŋanan, ŋini anapit elou ŋolo aoyan, ŋolo adolit kwap ŋakejen keŋ ka tonapite alokore keŋ arokoba ŋina etiyaunitae a egolid.

Ŋikat. 13:8

Todyek nai Manoa Ekapolon tema, “Okoe Ekapolon, ekelipi kimyek ekile ŋolo erae ituŋanan ŋini ka Akuj ŋolo iyakuunit iyoŋ bu neni kosi nabo ka ikitatam isua ŋuna emaikina isua kitiyae aŋuna a edya a ŋolo idounio.”

Ŋikat. 6:13

Tolimok Gideon emalaika tema, “Nai okoe ekapolon, ani kire kikiya isua ka Ekapolon, kaanukiro etiyakinotor ŋakiro nu daadaŋ neni kosi? Nyaalu ŋiticisyo keŋ ŋulu ka aumokin, ŋulu ikilimokinito isua atapapaa kosi ebasi, ‘Meere Ekapolon ikiyauni iwon anakwap a Ijipit a?’ Nai tokona ikicaka Ekapolon isua, ikipotok isua napedor a Ŋimidian.”

Ŋikat. 6:15

Tolimok Gideon Ekapolon tema, “Nai okoe Ekapolon, ekokini ayoŋ alakuni Ŋisirael ai? Erae ateker kaŋ ŋina nyegogoŋ nooi alotooma ŋatekerin a Manase daadaŋ ka nabo daŋ arae ayoŋ ŋolo adit alokal kosi.”