Dan. 10:12 - Ebaibul

¹² Tema iŋes neni kaŋ, “Daniel nyikuryaniar, anerae ameun akoloŋit ŋina esyaunan ŋina icamunia iyoŋ akitiditeun bon alokiŋaren Akuj ikotere iryamuni ayenut ŋakiro, eirar ŋakiro kon, ido abunit ayoŋ aŋuna a ŋakiro kon.

Dan. 10:12 Iomraidhean Croise

Ŋikiru. 69:10

Ani etiditeun ayoŋ bon eredak akiron, apotu ŋituŋa ekeyanya ayoŋ a ŋun.

Isa. 35:4

Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Isa. 58:9

Ipote nai iyes anyarare Ekapolon, ido ikiboŋok iŋes iyes; igworete iyes iŋitasi akiŋarakino, ido eboŋokini iŋes tema, “Ayoŋ lo.” Ani kilemasi iyes epite ŋolo iteryamunitotor ŋuluce ŋican, epite ŋolo idoditotor iyes ŋuluce ka irworotor,

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Dan. 10:11

Kirworik nai emalaika neni kaŋ tema, “Okoe Daniel irae iyoŋ ituŋanan ŋini ikimina Akuj nooi, topupok ejok ŋakiro ŋuna alosi ayoŋ alimokin iyoŋ. Towo, anerae ekeyakuunitae ayoŋ neni kon.” Ani eriŋa emalaika irworo neni kaŋ, abu ayoŋ onyou owo amarani.

Dan. 10:19

Tema iŋes neni kaŋ, “Nyikuryaniar, irae iyoŋ ituŋanan ŋini ikimina Akuj nooi, mam ŋace etakanunete neni kon. Togogoŋior ka totitinyor!” Ani irworikini iŋes neni kaŋ, abu ayoŋ ogogoŋior otema, “Kirworik Ekapolon kaŋ, anerae ikitogogoŋ iyoŋ ayoŋ.”

Ŋilep. 16:29

“Emaikina iyes kiwuapa ŋakiro ŋuna etubunitoe nu ŋikaru ka ŋikaru: Ani edoli ŋirwa ke elap ŋitomon, elap ŋolo a ŋikanikaarei, emaikina iyes kiredakis akiron, ido nyitiyata etic edio; kiraakasi Ŋisirael ŋulu ikiurito Ŋisirael, kori ŋigelanotin ŋulu iboiyete kaapei ka Ŋisirael;

Ŋilep. 16:31

Erae akoloŋit ŋin ŋina a Sabato, ŋina emaikina kieŋunere, ido emaikina iyes kiredakis akiron; erae ŋun ŋakiro ŋuna etubunitoe ŋuna a ŋikaru ka ŋikaru.

Ekim. 29:7

Ani edoli ŋirwa ke elap ŋitomon, elap ŋolo a ŋikanikaarei, tocunakinos kilipa, emaikina iyes kiredakis akiron ka nyilot loticisyo kus kitiyata.

Mat. 28:10

Tolimok Yesu ikes tema, “Nyikibul, toloto tolimokisi ŋikaitotoi kaŋ toloto Galileya, akaanyuwarete ikes ayoŋ aina.”

Mat. 28:5

Tolimok nai emalaika ŋaberu tema, “Nyikibul iyes, anerae ayeni ayoŋ atemar iwarito iyes Yesu ŋolo ebubukinio lomusalaba.

Mar. 16:6

Tolimok iŋes ikes tema, “Nyikibul! Ayeni ayoŋ atemar, iwarito iyes Yesu ŋolo a Nasaret, ŋolo ebubukinitoe lomusalaba. Ayaru iŋes, emam a ne. Kiŋolikisi neni eperikinitoe iŋes.

Luk. 1:13

Nai tolimok emalaika iŋes tema, “Nyikuryaniar Sakariya, anerae eira Akuj akonikilip, idouni akoniberu Elisabet ikoku ŋini sapat, ilimokini iyoŋ ekeekiro Yoana.

Luk. 1:30

Tolimok emalaika iŋes tema, “Nyikuryaniar Maria, anerae ikiseu Akuj iyoŋ,

Luk. 2:10

Tolimok emalaika ikes tema, “Nyikuryaketa, akainunit ayoŋ iyes Ŋakiro ŋuna Ajokak ŋuna italakarete nooi ŋituŋa daadaŋ.

Luk. 24:38

Nai tolimok Yesu ikes tema, “Anukiro eryebete ŋitai kus? Nyo elalaa aŋayaŋayat alotai kus?

Ŋitic. 27:24

tema, ‘Paulo, nyikibul! Itemokino iyoŋ towo alokiŋaren ekepukan a Roma. Kiira! Aŋuna kon, eiuni Akuj tari ŋituŋa daadaŋ ŋulu idokito ka iyoŋ ameeli.’

Akis. 1:17

Ŋinapei eŋolikinia ayoŋ iŋes, abu oramakin nakejen keŋ ekok ituŋanan ŋini atwan. Abu nai iŋes kiwuak akan keŋ ŋina aloteten neni kaŋ tema, “Nyikuryaniar! Arae ayoŋ ŋolo Eŋarenon ka ŋolo Esidyon.