Dan. 1:4 - Ebaibul

⁴ ŋikilyok ŋulusorok, ŋulu emam neni eŋwalit, ŋulu ebusak, ŋulu apiiryanak anaosou a daadaŋ, ŋulu epatana aryamun aosou ka ayenut itatamio ka ŋulu epedorito akitiya kai a erwosit, emaikina kitatamae ikes akigir ka akisyom ŋakiro ŋuna igiritae a ŋajep a Ŋibabiloniyae.

Dan. 1:4 Iomraidhean Croise

Akisy. 41:46

Arae ŋikaru a Yosepu ŋatomoniuni apaki ŋina alomarya lotic a Parao a erwosit a Ijipit. Torotok Yosepu aneni sek eboiyoto ka Parao, tolot kirimo nakwap a Ijipit daadaŋ.

2 Sam. 14:25

Ŋapakio ŋun, mam ituŋanan alo Isirael ŋini epuritoe nooi aŋuna ka akibuses, akilo Abusalom, ameun anakejen aneni dapal tari lotim keŋ, mam ibore abasi ŋituŋa arono.

Ŋakit. 22:29

Ianyunit mono iyoŋ ituŋanan ŋini epiiryana alotic keŋ a? Eruwor ituŋanan ŋini ikoni nen ŋini itiyae neni a ŋirwosi, nyiruwor ituŋanan ŋini ikoni nen ŋini itiyae neni a ŋituŋa car.

Ekal. 7:19

Einakini aosou agogoŋu neni a ŋini eos, ido iloi ŋin tari ŋikepukak ŋitomon ŋulu eya lotaun.

Isa. 36:11

Apotu nai Eliakim, Sebina ka Yoa tolimokis ekapolokiniton a ŋasigarya ka Asiriya temasi, “Ikilipit isua iyoŋ, kirwor a ŋaramaik neni kosi a ŋiketiyak kon, anerae ikiyeni isua aŋajep ŋin, nyirwor neni kosi a ŋajep a ŋituŋa a Yudaya epupete ŋituŋa ŋulu edokito arwatata.”

Yer. 5:15

Okoe ŋituŋa a Isirael, eyakuuni ayoŋ neni kus ŋituŋa ŋulu ka akwap a ŋina alwanan, erae ikes ŋituŋa ka akwap a ŋina agogoŋon ka ŋinaŋorot, erae ikes ŋituŋa ŋulu nyiyenete iyes aŋajep kec, kori nyipedorete iyes ayenun ŋakiro ŋuna irworosi ikes.

Dan. 2:10

Apotu ikes tolimokis erwosit temasi. “Mam ituŋanan anakwap epedori akisileereun ŋuna ecamit erwosit, kire jik mam tari erwosit ŋolo apolon nooi ka ŋolo ka apedor ŋolo eŋit ŋikekukujak, ŋimurok, ŋimurok ŋulu enyaraununeete ŋimuno, kori ŋolo eŋit ŋul ŋakiro ŋuna ikote nu.

Dan. 2:2

Aŋun, abu erwosit tolimu atemar tonyaraunae ŋikekukujak, ŋimurok ka ŋimurok ŋulu enyaraeneneete ŋimuno tolimokis iŋes ŋakiro ŋuna erujat iŋes. Ani epote ŋituŋa ŋul, apotu towua alokiŋaren erwosit.

Dan. 3:8

Apaki ŋin, apotu Ŋibabiloniyae ŋice potu kiŋaren, kisitakis Ŋiyudayan.

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Dan. 5:11

Eyai nakwap ŋina ipukat iyoŋ, ituŋanan ŋini eyakar etau ŋolo a ŋakujo a ŋuna asegak. Alorwa a ŋulu epukator papa kon akwap na, aponi toryamunae aneni a ekile a ŋol apiiryanut, ayenut ka aosou ŋina ikwaan ka ŋina a ŋakujo. Abu papa kon Nebukadinesar kituruwo iŋes ekapolokiniton ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok.

Dan. 5:7

Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”

Dan. 9:1

Alokaru a ŋolo ke epei ipukat Darius lokoku ka Aasuerus ŋolo arae Emedeit ŋolo abu kipuka Ŋibabiloniyae,

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Ŋitic. 7:20

Alorwa a ŋul, aponi kidounoe Moses, ebus iŋes nooi alokiŋaren Akuj; aponi kitanakae iŋes ŋilapyo ŋiuni alore a papa keŋ.

Ŋitic. 7:22

Kitatamae Moses ŋakiro daadaŋ ŋuna ka aosou a ŋina ka akwap a Ijipit, togogoŋior iŋes alorwor ka aloticisyo keŋ.

Ŋiep. 5:27

ikotere eyauni atukot a Ŋikristo neni keŋ erae ateran anakibuses keŋ a daadaŋ--tomam akemer, nyerinyit ereet, kori tomam ibore daadaŋ ŋini nyitesegi iŋes; aŋun, epedori ayakau kiŋaren keŋ erae ŋina ajokan nooi ka ŋina eseg alotau.

Ŋikat. 8:18

Kiŋit Gideon Salimuna ka Seba tema, “Ataŋae ekwaanatar ŋikilyok ŋulu iarete iyes alo Tabor? ” Toboŋokis ikes temasi, “Ekwaan ikes ka iyoŋ, atakanete ikes esibito ŋidwe a erwosit.”