Dan. 1:17 - Ebaibul

¹⁷ Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Dan. 1:17 Iomraidhean Croise

1 Ŋirw. 3:12

akainakini ayoŋ iyoŋ ŋuna iŋita. Akainakini ayoŋ iyoŋ ŋatameta ŋuna ka aosou ŋuna eyenete ŋuna ajokak ka ŋuna aronok; mam ituŋanan ice ŋini ekoni iyoŋ kori mam ice ŋini ikoni iyoŋ ŋini eyakaun ekaku kon.

1 Ŋirw. 3:28

Kiirasi Ŋisirael daadaŋ epite ŋolo kebunio erwosit totubio ŋakiro ŋun; min akereru neni kec aŋuna a erwosit, anerae apotu ikes kiŋolikis aosou ŋina ka Akuj ŋinatubet ŋakiro iyookino eyai neni a erwosit.

2 Ŋakiro a ŋirwa 1:10

Inakinae ayoŋ aosou ka ayenut, ikotere apedori akirik ŋituŋa lu, anerae ŋae epedori akipuka ŋituŋa kon lu ŋulu alalak?”

2 Ŋakiro a ŋirwa 1:12

adau ayoŋ ainakin iyoŋ aosou ka ayenut. Akainakini daŋ ayoŋ iyoŋ ŋiboro, ebari ka apolou, ŋulu emam erwosit aryamu ŋinapei koloŋ, ido emam erwosit eryamuni ekaku kon.”

2 Ŋakiro a ŋirwa 26:5

Abu iŋes kitiyanak Akuj anakikinyomit alorwa a ŋulu a Sakariya a ŋolo abu kitatam iŋes akitopoloorit Akuj; ŋirwa daadaŋ ŋulu etiyanakinia iŋes Ekapolon, abu Akuj kiterereŋ iŋes.

Yob 32:8

Nai erae etau ŋolo ka Akuj ŋolo eyai neni a ituŋanan, erae ekieŋanu ŋolo ka Akuj a ŋina etiron ikiini ayenun ŋakiro.

Ŋakit. 2:6

Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

Ekal. 2:26

Iyookino ŋun, anerae einanakini Akuj aosou, ayenut ka alakara neni a ŋini elakara Akuj aŋuna keŋ. Nai einanakini Akuj ikasecan etic ŋolo ka akiriraunun ka akiŋadanakin ŋiboro aŋuna a ituŋanan a ŋini elakara Akuj aŋuna keŋ. Erae ŋun daŋ ŋakoŋinae ŋuna ikwaan ka akirisit ekuwuam.

Isa. 28:26

Itiyaete ikes ŋun, anerae itatamitae ikes ejok; itatami Akuj kec ikes.

Esek. 28:3

Kire jik, ioso iyoŋ akilo Daniel; mam ŋakiro ikimunonitae iyoŋ;

Dan. 1:18

Ekaku a ŋikaru a ŋiuni a ŋulu sek atubunit erwosit atemar kiboiyoto ikes eriŋa nyeyauna neni keŋ, abu ekapolokiniton akai a erwosit ya ŋisorok ŋul neni a Nebukadinesar,

Dan. 1:20

Anakiro a daadaŋ ka aosou ta anayenut daadaŋ ŋuna iŋisi erwosit ikes, abu erwosit toryamu atemar eloito ikes nooi ŋarwa ŋatomon ŋimurok ŋulu edwarete daadaŋ ka ŋimurok ŋulu a akwap keŋ.

Dan. 1:4

ŋikilyok ŋulusorok, ŋulu emam neni eŋwalit, ŋulu ebusak, ŋulu apiiryanak anaosou a daadaŋ, ŋulu epatana aryamun aosou ka ayenut itatamio ka ŋulu epedorito akitiya kai a erwosit, emaikina kitatamae ikes akigir ka akisyom ŋakiro ŋuna igiritae a ŋajep a Ŋibabiloniyae.

Dan. 10:1

Alokaru a ŋolo a ŋiuni ipukat erwosit Cirus ŋolo a Perisia aponi kisileerekinoe akirot neni a Daniel a ŋolo anyaritae Belitesasar. Arae akirot ŋin ŋina a kire, arae akirot ŋina ke ejie a ŋolo apolon. Abu Daniel toyenu akirot ŋin kedau aryamun ayenun ŋakiro anakisileerekinet.

Dan. 2:19

Aponi nai kisileerekinoe Daniel anakiruja nakwaare ŋakiro ka abu Daniel kipur Akuj ŋina anakuj.

Dan. 2:21

Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Dan. 2:23

Neni kon okoe Akuj atapapaa kaŋ ainakini ayoŋ alakara ka akipuro, ikiinak iyoŋ ayoŋ aosou ka apedor, ikisileerek tokona iyoŋ ayoŋ ŋuna sek ikiŋisit isua iyoŋ, anerae ikisileerek iyoŋ isua ŋuna ecamit erwosit ayenun.”

Dan. 2:30

Nai ani eruwor ayoŋ, adaun akisileerekin ŋakiro ŋun, meere aŋuna aosyo ayoŋ akilo ŋituŋa daadaŋ anakwap, nai erae ikotere iyenunia iyoŋ okoe erwosit apolou a ŋakiro a ŋun ka ikotere iyenunia iyoŋ ŋuna apotu ŋatameta kon totamatamata.

Dan. 4:6

Aŋun, abu ayoŋ otub atemar tonyaraunae ŋikilyok ŋulu erae ŋikaosok anakwap a Babilon daadaŋ potu neni kaŋ, ikotere okolimokis ayoŋ apolou a ŋakiro a ŋuna abu ayoŋ eruja.

Dan. 5:14

Adau ayoŋ akiirar atemar eyai etau a ŋakujo neni kon ka atemar iyakar iyoŋ apiiryanut, ayenut ka aosou ŋina apolon nooi.

Dan. 7:1

Alokaru a ŋolo esyaunan ipukat Belisasar Babilon, abu Daniel kiruja ka abu kiŋolik ŋakisileerekineta apaki ŋina aperyo iŋes alokitaada. Abu nai iŋes kigir ŋakiro ŋuna erujae iŋes tema,

Dan. 8:1

Alokaru a ŋolo a ŋiuni ipukat erwosit Belisasar, abu akisileerekinet ŋina a ŋaarei anakiruja bu neni kaŋ.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Ŋitic. 6:10

Nai inak Etau ŋolo Asegan Stepano aosou ŋina pa apedoryata ikes akitepeg, kilouniata iŋes.

Ŋitic. 7:10

toiu Akuj iŋes alocan a daadaŋ. Inak Akuj iŋes aosou, ido tominak Parao ekepukan a Ijipit iŋes, kituruwo ekapolon ŋolo ka akwap ka ŋirerya keŋ daadaŋ.

Ŋitic. 7:22

Kitatamae Moses ŋakiro daadaŋ ŋuna ka aosou a ŋina ka akwap a Ijipit, togogoŋior iŋes alorwor ka aloticisyo keŋ.

Ŋikol. 1:9

Aŋun, ameun anakoloŋit a ŋina eirarere isua ŋuna itiyaete iyes, ikilipanakini isua iyes jwi jwi. Ikilipi isua neni ka Akuj ikiinak iyes aosou ka ayenut daadaŋ, ŋina ebunit aneni ke Etau keŋ, ikotere nai toyenut ejok acamit keŋ.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.