Awos. 9:18 - Ebaibul

¹⁸ Moi taparacu ŋisaae lupei lu, eyakuuni ayoŋ akiru ŋina a ŋakako ŋina alalan ŋina nyilima nakwap a Ijipit ŋinapei kesubere akwap ŋin tari tokona.

Awos. 9:18 Iomraidhean Croise

1 Ŋirw. 19:2

Aŋun, abu Yesebel kiyakiya ituŋanan neni ke Eliya alimokin iŋes ebe, “Elipi ayoŋ ekesican ayoŋ ŋakujo, nai nooi, erae pa kesikwaanik ayoŋ akiyar kon ka ŋina a ekadwaran a epei a ŋul moi taparacu esaa lopei lo.”

1 Ŋirw. 20:6

nai moi taparacu ŋisaae lupei lu, eyakuuni ayoŋ ŋiketiyak kaŋ neni kon, kiwarut ka tolemut alokai kon ka anakais a ŋiketiyak kon ŋiboro daadaŋ ŋulu ejoikinete ikes, ido yaasi.’ ”

2 Ŋirw. 7:1

Toboŋok Elisa tema, “Kiira ŋakiro ŋuna irworo Ekapolon! Moi taparacu esaa lopei lo, igyelete iyes alopuke a Samaria ŋaganoi ŋuna ajokak nooi ŋuna a ŋakiloi a ŋauni ka ŋikinyom Ŋulu ikote erau ŋulu a ŋakiloi a ŋakanikapei a ecekel ke epei.”

2 Ŋirw. 7:18

Aris sek Elisa kirwor neni ke erwosit ebala, “Moi taparacu esaa lopei lo igyelete iyes alopuke a Samaria ŋikinyom ŋulu ikote erau ŋulu a ŋakiloi a ŋakanikapei ka ŋaganoi ŋuna ajokak nooi ŋuna a ŋakiloi a ŋauni a ecekel ke epei.”

Yob 37:13

Itiyae Akuj ŋun erae akisicanet, kori aŋuna ka akitoodikin ŋituŋa ŋuna itiyae iŋes.

Yob 38:22

“Ilomarit mono iyoŋ neni iwuakinitae ekuno, kori iŋolikinit mono iyoŋ neni idyasitae ŋakako

Yob 38:23

ŋuna eŋadat ayoŋ aŋuna ka apaki a ŋinakisicanet ka akoloŋit ŋina a ejie a?

Ŋikiru. 83:15

kirit ikes a akiru a ŋina ekusi nooi, kitubul ikes ke ekuwuam kon a ŋolo ekusi nooi.

Awos. 10:14

Bu emaase nakwap a Ijipit daadaŋ, torubak eyai nen lotela ŋulu ka akwap a ŋin daadaŋ elal nooi isijisija. Nyetakanuna sek ekiŋaren emaase ŋolo etya ŋol nakwap ŋin, mam daŋ nyetakanuni nabo jik.

Awos. 10:6

Ilelebun nakais kon ka nakais a ŋulu ipukatotor iyoŋ ta ŋuna a Ŋijipitian a daadaŋ. Ŋakiro ŋun ikes ŋuna nyiŋolikina atapapa kon, kori atapapaa kon akisyakin akoloŋit ŋina keponiata ikes nakwap tari nakoloŋit na.” Torotok nai Moses aneni a Parao kimyek iŋes.

Awos. 11:6

Eyakaun nai akigworo ŋina apolon nakwap a Ijipit daadaŋ, akigworo ŋina nyiirara ŋinapei koloŋ ka nyiiraryo nabo jik.

Awos. 9:17

Nai eriŋa bo iyoŋ itopolooro imanit ŋituŋa kaŋ, ido nyicamit akimyekin ikes toloto.

Akis. 16:21

todout ŋakako ŋuna apolok nooi, ŋuna arae apotis a ŋinakakot ŋakiloi ŋuna edolito ŋatomonikan, todoto ikes kidiama lotuŋa eriŋa ikes icenete Akuj aŋuna ka akisicanet a ŋina a ŋakako, anerae arae ŋin akisicanet ŋina aronon nooi.