Awos. 8:28 - Ebaibul

²⁸ Aŋun, abu Parao tema, “Ekemyekini ayoŋ iyes toloto inakis ŋamuronisya neni a Ekapolon Akuj kus analoŋisat, erae ca pa kiloto iyes neni elwana nooi. Kilipakinae ayoŋ.”

Awos. 8:28 Iomraidhean Croise

1 Ŋirw. 13:6

Tema erwosit neni a ekile a ŋol a ŋolo arae ituŋanan ŋini ka Akuj, “Kilip tokona neni ke Ekapolon Akuj kon, kilipakinae ayoŋ, ikotere tojokyar akan kaŋ.” Aŋun, abu ekile ŋolo arae ituŋanan ŋini ka Akuj kilip neni ke Ekapolon, ido abu akan a erwosit tojokyar, kikok nenipei sek.

Esir 6:10

ikotere einakinete ikes ŋamuronisya ŋuna elakara Akuj ŋina anakuj einakinio kilipa aŋuna ka akiyar a erwosit ka ŋidwe keŋ.

Awos. 10:17

Kisyoni ayoŋ anasecit kaŋ anapei ca a na bon, kilipa neni ke Ekapolon Akuj kus tolema akisicanet ŋina aaran na aneni kaŋ.”

Awos. 3:19

Ayeni kire ayoŋ atemar nyikimyekini iyes erwosit a Ijipit toloto mati kereikin atemar ikimyek iŋes iyes toloto.

Awos. 7:13

Tari ŋina aponiata ŋakiro kikokis nen, abu Parao kitogogoŋ akou keŋ, nyepupok ŋakiro ata Moses, lopite ŋolo alimokinitor Ekapolon ikes.

Awos. 8:15

Nai ani eanyuni Parao atemar eeŋa iŋes alocan a ŋul, abu kitogogoŋ akou keŋ; nyepupok ŋakiro ŋuna erworosi Moses ka Aron ka abu kitiya lopite ŋolo sek alimunitor Ekapolon.

Awos. 8:29

Tema nai Moses, “Arotokin ayoŋ aneni kon bon, elipi ayoŋ neni a Ekapolon, ikotere ŋicuc torotokis moi taparacu aneni a Parao, aneni a ŋikapolok a ŋulu ipukatotor iŋes ka alotuŋa keŋ. Nai emaikina iyoŋ Parao nyilyokon, towou akimyekin Ŋisirael toloto ainakin ŋamuronisya neni a Ekapolon.”

Awos. 8:8

Abu nai Parao tonyarau Moses ka Aron tema, “Kilipa neni a Ekapolon tolema ŋakidodoka aneni kaŋ ka alotuŋa kaŋ, ido emyekini ayoŋ Ŋisirael toloto kitiyata amuronot neni a Ekapolon.”

Awos. 9:28

Kilipa neni ke Ekapolon! Akalalaki ayoŋ nooi agiro ka ŋakako ŋuna eyaunit Ekapolon! Nyekemyekini ayoŋ iyes kiboiyoto a ne adiopaki nabo.”

Ekal. 6:10

Ibore daadaŋ ŋini eyai tokona, ayai sek ekiŋaren ka elimokinitae ekiro, ido eyenio atemar nyo erae ŋituŋa; mam ituŋanan epedori akisinda ka ŋini egogoŋ akilo iŋes.

Yer. 42:2

neni a ekadwaran Yeremia, tolimokis iŋes temasi, “Kitiya ejok, topupok adyekitoi kosi, kilip neni a Ekapolon Akuj kon aŋuna kosi aŋuna a ŋipiya a lu a daadaŋ, anerae ikidoŋ isua ikirae ŋidikudyo bon, alotooma ŋikalalak, lopite ŋolo iteo iyoŋ.

Osea 10:2

Aŋun, ileleba alyokonu lotai kec, aŋun emaikina tokona ikes kidaŋidaŋa ekaile ŋolo ka asecit kec. Ebwaŋabwaŋaari Ekapolon ŋamuroeta kec tomunaa ŋipirin kec.

Ŋitic. 8:24

Toboŋok Simoni tema, “Kilipa neni ke Ekapolon aŋuna kaŋ, ikotere nyitiyakin idiobore ŋini ilimu iyoŋ neni kaŋ.”