Awos. 8:22 - Ebaibul

²² Nai akoloŋit ŋin, nyepete ŋicuc ŋul nakwap a Gosen, neni iboiyoto ŋituŋa kaŋ, ŋun nai ikitoodikinete iyoŋ atemar ayoŋ Ekapolon ayakar apedor anakwap.

Awos. 8:22 Iomraidhean Croise

Akisy. 46:34

Toboŋokisi iŋes temasi, ‘Isua ŋiketiyak kon, ikirae ŋikeyokok a ŋibaren ŋinapei anasorokanut kosi tari tokona, isua kaapei ka atapapaa kosi.’ Tolimutu ŋun ikotere ilomete nakwap ŋina a Gosen, anerae aneni a Ŋijipitian, erae ŋikeyokok a ŋamesekin ŋisiilyanotin.”

Ŋikiru. 110:2

Iatakini Ekapolon apedor ŋina ka apolou kon alo Sion tari nakiboisyo ŋace; ipukae iyoŋ ŋimoe kon ŋulu eya diyete kon.

Ŋikiru. 74:12

Torae bo iyoŋ Akuj erwosit kaŋ ŋinapei koloŋ, idau iyoŋ akiŋarakin isua akiloun ŋimoe kosi anakwap kosi.

Awos. 10:23

Mam ituŋanan apedori akiŋolikin ŋinice, kori mam ŋini abu torotok iwace anakibois keŋ alotooma ŋirwa ŋul ŋiuni. Nai ayai akica nakiboisyo daadaŋ ŋuna aya Ŋisirael.

Awos. 12:13

Eruwor ŋaokot emacar ŋolo itoodiunit ŋakais ŋuna iyes. Ani eŋolikini ayoŋ ŋaokot, alunyar ayoŋ aneni kus, ido mam ŋican eyakaun neni kus apaki ŋina ayaunia ayoŋ akisicanet nakwap a Ijipit.

Awos. 19:5

Ani tokona kiwuapa iyes ŋakiro kaŋ nooi, ido kirica Acamunet kaŋ, iruworosi iyes ŋituŋa kaŋ ŋulu amina ayoŋ nooi alotuŋa a daadaŋ anakwap. Kire erae akwap daadaŋ ŋina kaŋ,

Awos. 20:11

anerae ŋirwa ŋikanikapei, abu Ekapolon kitiya, tosub nakuj, akwap, anam ka ibore daadaŋ ŋini eyai tooma kec. Aŋun, abu Ekapolon kiterereŋ akoloŋit ŋina a Sabato kitesegu.

Awos. 7:17

Ŋakiro ŋuna irworo Ekapolon ikes nu: Iyenuni iyoŋ atemar erae iŋes Ekapolon anakiro a nu; kiŋolik, arami ayoŋ ŋakipi a Nile a ebela alo a ŋolo atiŋit, ido eruwor ŋakipi ŋaokot.

Awos. 7:5

Eyenunete Ŋijipitian atemar arae ayoŋ Ekapolon apaki ŋina esicania ayoŋ ŋituŋa a Ijipit, ido oyau Ŋisirael a nen anakwap a Ijipit.”

Awos. 8:10

Tema Parao, “Moi taparacu.” Tema Moses, “Etiyae ayoŋ ikwapei ilimunio iyoŋ! Aŋuna ka akitaanyun iyoŋ atemar, mam ituŋanan epedoryo akisikwaanikin ka Ekapolon Akuj kosi.

Awos. 8:21

Ani pa kicamak iyoŋ ikes toloto, eyakuuni ayoŋ ŋicuc ŋulu alalak nooi neni kon, neni a ŋikapolok a ŋulu ipukato ka iyoŋ, lotuŋa kon, ka nakais kus; ilelebun ŋicuc ŋulu alalak nooi nakais a Ŋijipitian ka akwap kec daadaŋ neni iboiyoto ikes.

Awos. 8:23

Eketaanyikini ayoŋ iyoŋ atyeketait ŋina eyai kidiŋ ŋituŋa kaŋ ka ŋulu kon. Etakanuni akujuwuanut ŋin moi taparacu.”

Awos. 9:26

Nakibois a Gosen bon neni aya Ŋisirael, iŋes abu akiru ŋina a ŋakako ŋin nyilim.

Awos. 9:29

Tema Moses neni keŋ, “Alomar a ne alotaun bon, ekyaari ayoŋ ŋakan kaŋ neni ke Ekapolon; ido todaun agiro ka mam nabo ŋakako eyakaun. Aŋun, iyenuni iyoŋ atemar erae akwap daadaŋ ŋina ke Ekapolon.

Awos. 9:4

Nai iwuakini Ekapolon atyakatait kidiŋ ŋibaren a Ŋisirael ka ŋulu a Ŋijipitian; ikotere nai nyetwana ibarasit idio alobaren a Ŋisirael.”

Awos. 9:6

Akoloŋit ŋina atupakini ŋin, abu Ekapolon kitiya ŋakiro ŋun; apotu ŋibaren a Ŋijipitian daadaŋ totwaka, nai mam ŋini a Ŋisirael ipei daŋ ŋini abu totwana.

Esek. 30:19

Ani esicani ayoŋ Ijipit akoloŋit ŋin, eyenunete ikes atemar arae ayoŋ Ekapolon. ”

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”