Awos. 8:18 - Ebaibul

¹⁸ Kikatakis ŋikekukujak a Ijipit aloticisyo kec a ŋulu pa apatana ayenun akitiya akujuwuanut ŋinakitolomunet ŋilac, nai apotu nyepedosi. Apotu ŋilac pena lotuŋa ka lobaren daŋ.

Awos. 8:18 Iomraidhean Croise

Akisy. 41:8

Nyeyakaun etau a Parao ejok taparacu; aŋun, abu iŋes kiyaki ŋituŋa anyarare ŋikekukujak ŋulu aya Ijipit ka ŋikaosok keŋ daadaŋ. Tolimok Parao ikes ŋakirujaeta keŋ, nai mam ipei daŋ ŋini abu topedo akisileerekin Parao apolou a ŋakiro a ŋuna abu iŋes kiruja.

Awos. 10:23

Mam ituŋanan apedori akiŋolikin ŋinice, kori mam ŋini abu torotok iwace anakibois keŋ alotooma ŋirwa ŋul ŋiuni. Nai ayai akica nakiboisyo daadaŋ ŋuna aya Ŋisirael.

Awos. 7:11

Ekaku a ŋun, abu Parao tonyarau ŋikaosok ka ŋikekukujak, ido apotu ŋikekukujak a Ijipit daŋ kitiyata ŋakujuwuanisya ŋuna pei ŋun aloticisyo kec a ŋulu pa apatana ayenun.

Awos. 7:12

Abu ŋinituŋanan alotooma kec kimasak ebela keŋ kwap, ido apotu toruworos ŋimuno, nai abu ŋolo ka Aron kiliko ŋulu kec.

Awos. 8:7

Nai apotu ŋikekukujak daŋ kitiyata ŋakujuwuanisya ŋunapei ŋun aloticisyo kec a ŋulu pa apatana ayenun; kitolomut ŋakidodoka anakwap a Ijipit.

Awos. 9:11

Apotu ŋikekukujak nyepedosi aponare neni ayai Moses, anerae ayakatar ikes ŋilepunoe, apotu ŋilepunoe kiteryamut ŋikekukujak kaapei ka ŋituŋa a Ijipit daadaŋ ŋican.

Isa. 19:12

Ai bo tokona eyakasi ŋikaosok kus? Kimyekisi ikes ikilimokis iyes toyenut ŋakiro ŋuna ayeu Ekapolon ŋolo a ŋajoresyo akitiya imanit ŋituŋa a Ijipit.

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Dan. 5:8

Apotu nai ŋikaosok a erwosit daadaŋ potu neni ayai iŋes, nai apotu nyepedosi asyomun ŋakiro ŋuna egiritae ŋun ka apotu nyepedosi alimokin erwosit apolou a ŋakiro a ŋun.

Luk. 10:18

Tema iŋes ebe, “Eŋolikinit ayoŋ Satan ecakun anakuj ikoni akimilyaunet.