Awos. 8:15 - Ebaibul

¹⁵ Nai ani eanyuni Parao atemar eeŋa iŋes alocan a ŋul, abu kitogogoŋ akou keŋ; nyepupok ŋakiro ŋuna erworosi Moses ka Aron ka abu kitiya lopite ŋolo sek alimunitor Ekapolon.

Awos. 8:15 Iomraidhean Croise

Awos. 14:5

Ani elimokinio erwosit a Ijipit atemar kesiwa Ŋisirael, kibelekis iŋes ka ŋulu epukatotor ŋatameta kec, temasi iŋitasi, “Nyo etiyae iwon, ŋini ikisimyek iwon Ŋisirael torotokis anakitiyanakin iwon?”

Awos. 4:21

Tema Ekapolon neni a Moses, “Ani iboŋori iyoŋ Ijipit, emaikina kitiya alokiŋaren a Parao ŋakujuwuanisya daadaŋ ŋuna akainak ayoŋ iyoŋ apedor akitiya. Nai eturuwori ayoŋ iŋes ŋolo egogoŋ akou, ikotere nyecamak Ŋisirael toloto anakwap keŋ.

Awos. 7:4

Ani pa kiira Parao ŋakiro kon, atiŋi ayoŋ Ijipit neni aronon, ido oyau Ŋisirael ŋituŋa kaŋ a nen a ŋatukon esibit ajore, tolomut anakwap Ijipit anapedor kaŋ a ŋina apolon, a ŋina esicania Ijipit.

Awos. 8:14

Totukonokis ŋituŋa ŋakidodoka ŋuna apotu kitobosut akwap ŋin tul.

Awos. 8:16

Tema nai Ekapolon neni a Moses, “Tolimok Aron atemar kikyaa ebela keŋ, toram ŋalup topuruu apuwa, ikotere apuwa ŋin eruwor ŋilac anakwap a Ijipit a daadaŋ.”

Awos. 8:28

Aŋun, abu Parao tema, “Ekemyekini ayoŋ iyes toloto inakis ŋamuronisya neni a Ekapolon Akuj kus analoŋisat, erae ca pa kiloto iyes neni elwana nooi. Kilipakinae ayoŋ.”

Awos. 8:29

Tema nai Moses, “Arotokin ayoŋ aneni kon bon, elipi ayoŋ neni a Ekapolon, ikotere ŋicuc torotokis moi taparacu aneni a Parao, aneni a ŋikapolok a ŋulu ipukatotor iŋes ka alotuŋa keŋ. Nai emaikina iyoŋ Parao nyilyokon, towou akimyekin Ŋisirael toloto ainakin ŋamuronisya neni a Ekapolon.”

Awos. 8:32

Nai abu Parao apaki daŋ ŋin kitogogoŋ akou keŋ, nyecamak Ŋisirael toloto.

Awos. 8:8

Abu nai Parao tonyarau Moses ka Aron tema, “Kilipa neni a Ekapolon tolema ŋakidodoka aneni kaŋ ka alotuŋa kaŋ, ido emyekini ayoŋ Ŋisirael toloto kitiyata amuronot neni a Ekapolon.”

Ŋakit. 26:11

Lopite ŋolo eboŋonokinio iiŋok akinyam ŋalyakan keŋ, eboŋonokini ibaŋaanot daŋ akitiya abaŋao keŋ.

Ŋakit. 29:1

Ituŋanan ŋini erubakinit isyaana tari kelimokin atemar toesik akisyaanu, ewana akoloŋit apei todaun tari epite ŋolokitaŋaleunet.

Ekal. 8:11

Aŋuna nyisicanere atipei ituŋanan ŋini itiyae aronis, eyai lotai a ŋituŋa atenit akitiya aronis.

Isa. 26:10

Ani kitoodikin ajokis neni a ŋituŋa a ŋulu itiyaete aronis, nyeyenunete ŋituŋa ŋul ŋuna ka akiyookino; itiyaete ikes ŋuna aronok tari eyakasi nakwap a ŋulu iyookino, nyemitakinito ailiil ŋina ke Ekapolon.

Osea 6:4

Abu Ekapolon tema, “Anukiro etiyakini ayoŋ neni kon, okoe Epuraim? Anukiro etiyakini ayoŋ neni kon, okoe Yudaya? Ikwaan amina kus ayoŋ ka ekuno ŋolo ka ataparacu, ikwaan amina kus ayoŋ ka ŋakopi ŋuna edaun eriŋa ataparacu.”

Ŋibur. 3:15

Ebasi Ŋakigireta ebe, “Ani kiirasi etoil ka Akuj nakoloŋit na, nyitininika ŋatameta kus, lopite ŋolo koloŋ etiyaata atapapaa kus apaki ŋina ekatakinitotor Akuj.”

Ŋibur. 3:8

nyitininika ŋatameta kus, lopite ŋolo koloŋ etiyaata atapapaa kus apaki ŋina akaŋeritotor ayoŋ. Nyitiyata ŋuna ikote ŋuna apotu ikes kitiyata analoŋisat apaki ŋina ekekatakinitotor ayoŋ.

Akis. 16:9

Aponi kicunyae ikes ka amwanis a ŋina arirae. Kiceno ikes ekiro ŋolo ka Akuj, a ŋina arae iŋes eyakuunit ŋakisicaneta ŋun daadaŋ. Nai apotu nyekiwa akitiya ŋasecisya ka apotu nyipuro ka nyitopoloosi Akuj.

1 Sam. 6:12

Torotokis ŋaatuk ŋun, kidiiriyasi Bes-Semes emeto erot, erwosi erot daadaŋ. Nyeriwo ikes alorot teten, kori kedyeny, kiwuapasi ŋikapolok a Ŋipilistin ŋaatuk ŋun tari lokukoru ŋolo a Bes-Semes.

1 Sam. 6:3

Toboŋokis ikes temasi, “Ani kinyakarete iyes Asaduku ŋina ka Akuj a Ŋisirael, nyinyakasi emam ibore iyaete kaapei ka iŋes, nai ŋuna itemokino iyes kitiyata jik iŋes ainakin Akuj ainakinet adio aŋuna ke ekaile a ŋolo ka asecit kus. Ikotere nai ikitaŋaleunio ka ikilakunio, ido iyenunete ŋakiro ŋuna abunio Akuj torubakinia ikitiŋit iyes erono nooi.”

1 Sam. 6:6

Kaanukiro itogogoŋitotor iyes ŋakyes kus ikwa aponiata Ŋijipitian ka Parao kitiyaata? Pa mono apotu ikes kimyekis Ŋisirael toloto apaki ŋina atiŋia Akuj ikes ka aryenyeo a?

1 Sam. 6:9

nai kiteosi iŋes, ani kiyoor nakwap keŋ lowae ŋolo eyai Bes-Semes, apolou keŋ atemar Ekapolon kebu yau ŋican lu neni yok. Nai ani pa kelot nen, ikiyenuni iwon atemar meere Ekapolon abu itotiŋ iwon neni aronon nooi, kicwanyunio iwon ŋican ŋul erae akicwanyun.”