Awos. 7:5 - Ebaibul

⁵ Eyenunete Ŋijipitian atemar arae ayoŋ Ekapolon apaki ŋina esicania ayoŋ ŋituŋa a Ijipit, ido oyau Ŋisirael a nen anakwap a Ijipit.”

Awos. 7:5 Iomraidhean Croise

Ŋikiru. 138:7

Tari daŋ kayai ayoŋ locan, ikiiunit iyoŋ ayoŋ iretakinit iyoŋ ka apedor kon anyunyura a ŋimoe kaŋ a ŋulu ekemanito ayoŋ. ikiunit iyoŋ ayoŋ a apedor kon.

Ŋikiru. 9:16

Eyenen Ekapolon alotooma akiyookino keŋ; ikamunete ŋulu aronok ŋakiro kec ŋuna etiyata ikes.

Awos. 10:2

ka emaikina nai iyes kitatamyanakis ŋidwe kus ka ŋipapae kus epite ŋolo abunio ayoŋ esicania Ŋijipitian aryenyaana ka ŋolo abunio ayoŋ etiyaa ŋakujuwuanisya kaŋ neni kec, ido iyenunete iyes atemar arae ayoŋ Ekapolon.”

Awos. 10:7

Kiŋita ŋulu epukatotor Parao iŋes temasi, “Tari ori erubakinit ekile lo ikiteryamunit iwon ŋican? Emyekisi ŋituŋa toloto, ikotere ilipete neni ke Ekapolon Akuj kec. Eriŋa mono iyoŋ nyiŋolikina atemar enyasun Ijipit a?”

Awos. 14:18

Eyenunete Ŋijipitian atemar arae ayoŋ Ekapolon apaki ŋina eketopolooryata ayoŋ Parao ka ŋagaari keŋ ta ŋikametok ŋaŋolei keŋ.”

Awos. 14:4

Etogogoŋi ayoŋ akou a Parao, ido ikiwuapak iyes, ikotere ayoŋ oryamu apolou anakiloun Parao ka ŋasigarya keŋ daadaŋ ka eyenunete Ŋijipitian atemar arae ayoŋ Ekapolon.” Apotu Ŋisirael kitiyata ŋun.

Awos. 18:8

Kitatamik nai Moses lokamuran keŋ ŋakiro daadaŋ ŋuna etiya Ekapolon neni a Parao ka neni a Ŋijipitian aŋuna a Ŋisirael. Kitatamik tari ŋatyokisyo ŋuna kepotu Ŋisirael toryamut alorot ka epite ŋolo abunio Ekapolon toiunia ikes anatyokisyo a ŋun.

Awos. 3:20

Aŋun, esitiyae ayoŋ apedor kaŋ, esicani ŋituŋa a Ijipit alorotin a ŋulu ka aumokin a ŋulu alosi ayoŋ akitiyanakin neni kec. Ekaku a ŋun, ikimyekini Parao iyes toloto.

Awos. 6:1

Tema nai Ekapolon neni a Moses, “Iŋolikini tokona iyoŋ ŋuna etiyakini ayoŋ neni a Parao: Kire jik, areikini ayoŋ iŋes kimyek ŋituŋa kaŋ toloto, kire areikini ayoŋ iŋes kirita ŋituŋa kaŋ torotokis anakwap keŋ.”

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Awos. 7:17

Ŋakiro ŋuna irworo Ekapolon ikes nu: Iyenuni iyoŋ atemar erae iŋes Ekapolon anakiro a nu; kiŋolik, arami ayoŋ ŋakipi a Nile a ebela alo a ŋolo atiŋit, ido eruwor ŋakipi ŋaokot.

Awos. 8:10

Tema Parao, “Moi taparacu.” Tema Moses, “Etiyae ayoŋ ikwapei ilimunio iyoŋ! Aŋuna ka akitaanyun iyoŋ atemar, mam ituŋanan epedoryo akisikwaanikin ka Ekapolon Akuj kosi.

Awos. 8:19

Temasi ŋikekukujak neni a Parao, “Akuj etiya ŋakiro nu a akan keŋ!” Nai abu Parao torubak itogogoŋit akou keŋ, abu nyepupok ŋakiro ata Moses ka abu kitiya lopite ŋolo sek alimunitor Ekapolon.

Awos. 8:22

Nai akoloŋit ŋin, nyepete ŋicuc ŋul nakwap a Gosen, neni iboiyoto ŋituŋa kaŋ, ŋun nai ikitoodikinete iyoŋ atemar ayoŋ Ekapolon ayakar apedor anakwap.

Esek. 25:17

Alosi ayoŋ akitiya anyaŋan ŋina apolon neni kec esican ikes anyunyurikinit. Eyenunete nai ikes atemar arae ayoŋ Ekapolon. Eyenunete ikes ŋun apaki ŋina eyakaunor anyaŋan neni kec.”

Esek. 28:22

Tolimok ikes atemar, alimu Ekapolon Akuj ŋakiro nu, ‘Okoe ŋituŋa a Sidon, ekemanit ayoŋ iyes, eketopoloorete ayoŋ ŋituŋa kon. Eyenunete ikes atemar arae ayoŋ Ekapolon, eyenunete ikes ŋun apaki ŋina esicania ayoŋ ikes, etoodiun ayoŋ neni kec arae ŋolo asegan alotooma Sidon.

Esek. 32:15

Ani eturuwori ayoŋ akwap a Ijipit ŋina emam ibore eyai, apaki ŋina edaunor ibore eyai tooma keŋ, apaki ŋina aarya ayoŋ ibore daadaŋ ŋini sek ayari alotooma keŋ, eyenunete nai Ŋijipitian atemar arae ayoŋ Ekapolon.’

Esek. 36:23

Etoodiuni ayoŋ asegis ŋina a ekiro kaŋ a ŋolo apolon nooi, a ŋolo ajamuwasi ŋakwapin ka a ŋolo ijamuwasi iyes alotuŋa a ŋakwapin. Eyenunete nai ŋituŋa a ŋakwapin atemar arae ayoŋ Ekapolon apaki ŋina etoodiunor ayoŋ aneni kus neni kec arae ŋolo aseg.

Esek. 39:22

Ameun akoloŋit ŋin tari lorwa ŋulu eponito, eyenunete Ŋisirael atemar arae ayoŋ Ekapolon Akuj kec.

Esek. 39:7

“Etaanyuni ayoŋ ŋituŋa kaŋ Ŋisirael ekiro kaŋ ŋolo asegan; nyacamuni nabo ayoŋ tojamuwarae ekiro kaŋ ŋolo asegan, eyenunete ŋituŋa a ŋakwapin atemar arae ayoŋ Ekapolon, Akuj ŋina asegan ŋina ayai Isirael.