Awos. 7:3 - Ebaibul

³ Nai eturuwori ayoŋ iŋes ŋolo egogoŋ akou, ido etiyakini ayoŋ ŋakujuwuanisya ka ŋaumonokineta ŋuna alalak nakwap a Ijipit.

Awos. 7:3 Iomraidhean Croise

Neem. 9:10

Ibu iyoŋ kitiya ŋakitoodyanakineta ka ŋaumonokineta akisicania Parao ka ŋiketiyak keŋ daadaŋ ta ŋituŋa daadaŋ ŋulu a akwap keŋ, anerae iyeni iyoŋ atemar apotu ikes kiyata erono neni atapapaa kosi. Ibu iyoŋ kituruun bon a arwonu a ŋina arubaki tari nakoloŋit na.

Ŋikiru. 135:9

Abu iŋes kiyaku nakwap a Ijipit, ŋakujuwuanisya ka ŋaumonokineta, aŋuna ka akisicania Parao ka ŋulu epukatotor iŋes.

Ŋikiru. 78:12

Abu Akuj kitiya ŋakujuwuanisya iteete atapapaa kec, anakwap a Ijipit, anakibois a ŋina a Soan.

Awos. 11:10

Apotu Moses ka Aron kitiyata ŋaumonokineta ŋun daadaŋ alokiŋaren a Parao, nai abu Ekapolon kitogogoŋ akou a Parao, nyecamak Ŋisirael toloto anakwap keŋ.

Awos. 11:9

Tema Ekapolon neni a Moses, “Nyepupokini Parao ŋakiro kon, anerae emaikina ŋaumonokineta kaŋ tolalata anakwap a Ijipit.”

Awos. 14:4

Etogogoŋi ayoŋ akou a Parao, ido ikiwuapak iyes, ikotere ayoŋ oryamu apolou anakiloun Parao ka ŋasigarya keŋ daadaŋ ka eyenunete Ŋijipitian atemar arae ayoŋ Ekapolon.” Apotu Ŋisirael kitiyata ŋun.

Awos. 3:20

Aŋun, esitiyae ayoŋ apedor kaŋ, esicani ŋituŋa a Ijipit alorotin a ŋulu ka aumokin a ŋulu alosi ayoŋ akitiyanakin neni kec. Ekaku a ŋun, ikimyekini Parao iyes toloto.

Awos. 4:21

Tema Ekapolon neni a Moses, “Ani iboŋori iyoŋ Ijipit, emaikina kitiya alokiŋaren a Parao ŋakujuwuanisya daadaŋ ŋuna akainak ayoŋ iyoŋ apedor akitiya. Nai eturuwori ayoŋ iŋes ŋolo egogoŋ akou, ikotere nyecamak Ŋisirael toloto anakwap keŋ.

Awos. 4:29

Torotokis nai Moses ka Aron a nen, toloto tocunakis ŋikasikou a Ŋisirael daadaŋ.

Awos. 4:7

Tema nai Ekapolon neni keŋ, “Kinyakak akan kon lolou kon.” Aŋun, abu Moses kinyakak akan keŋ lolou keŋ, ido ani elemuni kiŋa, toryamu kitaŋaleun, kikwaanikin ka akuwan keŋ neni ce.

Awos. 7:13

Tari ŋina aponiata ŋakiro kikokis nen, abu Parao kitogogoŋ akou keŋ, nyepupok ŋakiro ata Moses, lopite ŋolo alimokinitor Ekapolon ikes.

Awos. 9:16

Nai ŋakiro nu ikes pa akaarya ayoŋ iyoŋ: Erae aŋuna ka akisitiya iyoŋ etoodiunia apedor kaŋ ka ikotere kiseraere ekiro kaŋ anakwap a daadaŋ.

Ŋakit. 21:1

Erae Ekapolon itenit ŋatameta a erwosit, itenit iŋes ŋatameta a erwosit lopite ŋolo itenikinia ayonae ŋakipi toleleiya neni ecamit iŋes.

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Mika 7:15

Ekapolon, kitiya ŋakujuwuanisya aŋuna kosi, lopite ŋolo ibunio iyoŋ kitiyaa apaki ŋina ikiyaunia isua alo Ijipit.

Yoa. 4:48

Tolimok Yesu iŋes tema, “Ani pa kiŋolikis iyes ŋakujuwuanisya ka ŋaumonokineta, nyinupete.”

Ŋitic. 2:22

Topupokisi ŋakiro nu, iyes ŋituŋa a Isirael! Arae Yesu ŋolo a Nasaret ituŋanan ŋini eyakuunit Akuj. Abu iŋes kiteyenik ŋakiro neni kus alotooma ŋakujuwuanisya ka ŋaumonokineta ta ŋakitoodikineta ŋuna abu Akuj kitiya alotooma keŋ. Iyenete iyes ŋilopeyek ŋun.

Ŋitic. 7:36

Abu Moses kiten Ŋisirael, kitiya ŋakujuwuanisya ka ŋaumonokineta alo Ijipit ka ananam a ŋina enyaritae Anam ŋina Areŋan ta analoŋisat ŋikaru ŋatomoniomwon.

Ŋirom. 15:19

alotooma ŋakitoodikineta ka ŋakujuwuanisya ŋuna apolok ka anapedor a ŋina ke Etau a ŋolo Asegan. Aŋun, abu ayoŋ erim nooi, ameun alo Yerusalem tari neni enyaritae Illirikom ka adau a nen akiserakin Ŋakiro ŋuna Ajokak ŋuna a Kristo.

Ŋirom. 9:18

Aŋun nai, isyoni Akuj ŋini ecamit iŋes ka itininiki ŋatameta a ŋini ecamit iŋes.

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikis. 7:19

totamunito ŋakikatanakineta ŋuna apolok, ŋuna ipotu iyes kiŋolikis a ŋakonyen kus, totamunito ŋakujuwuanisya ŋaumonokineta ka apedor keŋ ŋina etiron ta agogoŋu keŋ ŋina abunio Ekapolon Akuj kus ikiyaunia iyes alo Ijipit. Itiyae Ekapolon Akuj kus ŋunapei neni a ŋituŋa a daadaŋ a ŋulu ikuryaka iyes aŋuna kec.