Awos. 7:19 - Ebaibul

¹⁹ Tema Ekapolon neni a Moses, “Tolimok Aron ebe, ‘Ya ebela kon toramya ŋakipi ŋuna eya Ijipit: Ŋakipi a ŋaŋololin, ŋakipi a ŋakitelesyo, ŋakipi a ŋataparin ka ŋuna a ŋakare daadaŋ, ikotere ŋakipi ŋun daadaŋ toruwor ŋaokot. Epete ŋaokot neni eya ŋakipi anakwap a Ijipit daadaŋ, epete tari loboro ŋulu itiyaunitae a ŋakito ka a ŋamoru.’ ”

Awos. 7:19 Iomraidhean Croise

Akisy. 1:10

Tolimok Akuj neni aonon alokwap “Akwap” ka tolimok neni ecunanakina ŋakipi “Ŋanamyo”, toanyu Akuj atemar ajokak ŋun.

2 Ŋirw. 4:29

Tolimok Elisa Geasi tema, “Toenik arokoba nacir kon, tolema ebela kaŋ, tosodi tolot. Nyiwo akimal idiotuŋanan. Ani kikimal ituŋanan iyoŋ, nyiboŋok. Tolot jik tari kai, tosodi kidokok ebela kaŋ loreet a idya.”

Awos. 10:12

Tema nai Ekapolon neni a Moses, “Kikyaa akan kon kidiama nakwap a Ijipit, ikotere ebuni emaase nakwap a Ijipit kirika ibore daadaŋ ŋini elomunit anakwap a ŋin, ibore daadaŋ ŋini apotu ŋakako kimyekis.”

Awos. 10:21

Tema nai Ekapolon neni a Moses, “Kikyaa akan kon kidiama, ikotere toburusiya akwap a Ijipit akiryonut ŋina epedori ainakin ŋituŋa ekabule.”

Awos. 14:16

Kikyaa akan kon kidiama anam itiŋit ebela kon, ikotere etyakasi ŋakipi ananam kitoro Ŋisirael neni eonit, todokasi yaye anam.

Awos. 14:21

Kikyaa nai Moses akan keŋ kidiama Nanam, ido abu Ekapolon akuwar ŋin daadaŋ totub ŋakipi ananam, kitoon nen a ekuwuam a ŋolo akutunit alo Kide.

Awos. 14:26

Tema nai Ekapolon neni a Moses, “Kikyaa akan kon kidiama Nanam, ikotere imorikinosi ŋakipi kitamata Ŋijipitian kaapei ka ŋikametok ŋagaari, tosiposi ŋagaari kec alokidiŋ Anam.”

Awos. 4:9

Ani pa kenupa ikes ŋakiro kon anakujuwanisya a ŋunaarei a ŋun, kori pa kiirasi ŋuna ibala iyoŋ, tooku ŋakipi ŋadi anaŋolol Nile, tobukok kwap neni aonon. Eruwor ŋakipi ŋun ŋaokot epete kwap.”

Awos. 8:16

Tema nai Ekapolon neni a Moses, “Tolimok Aron atemar kikyaa ebela keŋ, toram ŋalup topuruu apuwa, ikotere apuwa ŋin eruwor ŋilac anakwap a Ijipit a daadaŋ.”

Awos. 9:33

Aŋun, abu Moses torotok aneni ayai Parao, toloma kiŋa etaun, ido kikyaa ŋakan keŋ neni ke Ekapolon; kikwaa a kiru tojoŋoto ŋakako adoiunun, tojoŋo akiru abukuno nakwap ŋin.

Isa. 19:10

Ekadanakini ŋulu esonyete ŋilowi ka iyaloloŋete daadaŋ ŋulu itiyaete aŋuna ke eropit.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Abak. 3:8

Okoe Ekapolon itoŋoit mono iyoŋ ŋaŋololin a? Ayai mono anyunyura kon naŋololin a? Arae mono anam ikitoŋoit iyoŋ nooi apaki ŋina imyaarya ŋagaari ŋuna ke ejie akilounia ŋimoe kon a?