Awos. 7:17 - Ebaibul

¹⁷ Ŋakiro ŋuna irworo Ekapolon ikes nu: Iyenuni iyoŋ atemar erae iŋes Ekapolon anakiro a nu; kiŋolik, arami ayoŋ ŋakipi a Nile a ebela alo a ŋolo atiŋit, ido eruwor ŋakipi ŋaokot.

Awos. 7:17 Iomraidhean Croise

1 Ŋirw. 20:28

Bu ekile ŋolo arae ituŋanan ŋini ka Akuj diyete neni ayai erwosit a Isirael tema, “Ebala Akuj, ‘Aŋuna etamyata Ŋiramean atemar erae Ekapolon Akuj ŋina eyai lomukura, meere Akuj ŋina eyai neni emam ŋimukura, akajalakini ayoŋ iyoŋ ajore na ŋina alalan ŋin toar, ido nai iyenuni iyoŋ atemar arae ayoŋ Ekapolon.’ ”

2 Ŋirw. 19:19

Tokona Ekapolon, iyoŋ ŋolo irae Akuj kosi, tolakunae isua aneni a Senakerib, ikotere toyenut ŋakwapin a daadaŋ atemar iyoŋ bon irae Akuj.”

Ŋikiru. 105:29

Abu Akuj kituruwo ŋakipi ŋuna ka akwap kec ŋaokot, ido apotu ŋikolya totwaka.

Ŋikiru. 78:44

Abu Akuj kituruwo ŋakipi aŋaŋololin a Ŋijipitian ŋaokot, nyepedosi ikes akimat ŋakipi aŋaŋololin kec.

Ŋikiru. 83:18

Kimyek ikes toyenut atemar iyoŋ bon ŋolo erae ekiro kon Ekapolon iŋes erae ŋolo alokidiama nooi, ŋolo ipukat akwap daadaŋ.

Ŋikiru. 9:16

Eyenen Ekapolon alotooma akiyookino keŋ; ikamunete ŋulu aronok ŋakiro kec ŋuna etiyata ikes.

Awos. 1:22

Abu nai Parao kicik ŋituŋa keŋ daadaŋ tema, “Ikoku ŋinisapat daadaŋ ŋini euruunito Ŋiburaniyae, emaikina iyes kimasakis naŋolol Nile, nai kimyekisi ŋulupesur toyara.”

Awos. 10:2

ka emaikina nai iyes kitatamyanakis ŋidwe kus ka ŋipapae kus epite ŋolo abunio ayoŋ esicania Ŋijipitian aryenyaana ka ŋolo abunio ayoŋ etiyaa ŋakujuwuanisya kaŋ neni kec, ido iyenunete iyes atemar arae ayoŋ Ekapolon.”

Awos. 4:9

Ani pa kenupa ikes ŋakiro kon anakujuwanisya a ŋunaarei a ŋun, kori pa kiirasi ŋuna ibala iyoŋ, tooku ŋakipi ŋadi anaŋolol Nile, tobukok kwap neni aonon. Eruwor ŋakipi ŋun ŋaokot epete kwap.”

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Awos. 7:20

Apotu Moses ka Aron kitiyata ŋun lopite ŋolo ecikitor ikes Ekapolon. Abu Aron kikyaa ebela keŋ alokiŋaren Parao ka ŋulu apolok anapukan keŋ, toram ŋakipi a aŋolol Nile, ido apotu ŋakipi daadaŋ anaŋolol toruworos ŋaokot.

Awos. 7:5

Eyenunete Ŋijipitian atemar arae ayoŋ Ekapolon apaki ŋina esicania ayoŋ ŋituŋa a Ijipit, ido oyau Ŋisirael a nen anakwap a Ijipit.”

Esek. 25:17

Alosi ayoŋ akitiya anyaŋan ŋina apolon neni kec esican ikes anyunyurikinit. Eyenunete nai ikes atemar arae ayoŋ Ekapolon. Eyenunete ikes ŋun apaki ŋina eyakaunor anyaŋan neni kec.”

Esek. 29:9

eruwor akwap a Ijipit ŋina asilon ka eruwor akoŋinait. Apaki nai ŋin eyenuniata Ŋijipitian atemar arae ayoŋ Ekapolon.’ “Aŋuna abunio Parao tolimu ebe, ‘Erae aŋolol Nile ŋina kaŋ, ayoŋ etiyauni iŋes,’

Esek. 30:19

Ani esicani ayoŋ Ijipit akoloŋit ŋin, eyenunete ikes atemar arae ayoŋ Ekapolon. ”

Esek. 30:8

Eyenuniate nai ikes atemar arae ayoŋ Ekapolon apaki ŋina enokakinia ayoŋ Ijipit a akim, ido omunya ŋulu iŋarakinito iŋes daadaŋ.

Esek. 32:15

Ani eturuwori ayoŋ akwap a Ijipit ŋina emam ibore eyai, apaki ŋina edaunor ibore eyai tooma keŋ, apaki ŋina aarya ayoŋ ibore daadaŋ ŋini sek ayari alotooma keŋ, eyenunete nai Ŋijipitian atemar arae ayoŋ Ekapolon.’

Esek. 32:6

Epapauni ayoŋ ŋalup a ŋaokot a ŋuna eleleunete aneni kon, edolete ŋaokot ŋun tari lokamukumukui, ilelebun akuwan kon nayona ŋuna eya ŋakipi.

Esek. 38:23

Alopite a ŋol, etoodikini ayoŋ ŋituŋa a ŋakwapin daadaŋ apolou kaŋ ka atemar apol ayoŋ nooi ka arae ayoŋ Akuj ŋina asegan. Eyenunete nai ikes atemar arae ayoŋ Ekapolon.”

Esek. 39:28

Eyenunete nai Ŋisirael atemar arae ayoŋ Ekapolon Akuj kec, anerae abu ayoŋ eela ikes nakwapin ka abu ayoŋ ocunu ikes anakwapin esiboik nakwap kec. Nyemyekini ayoŋ ikes tari ipei anakwapin a ŋunagelae;

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Dan. 5:21

Aponi kiritarae iŋes alotuŋa a ŋuluce, aponi kisikwaanikinae ŋatameta keŋ ka ŋuna a etyaŋ. Abu iŋes kiboi aneni iboiyoto ŋityaŋ ŋulu ka ariet ŋulu ikwaan ka ŋisigirya, ido enyami ŋinya ikwa ŋaatuk, aponi akuwan keŋ kitopalalae a ŋakopi a ŋuna alokidiama, akitodol ŋina ayenunia iŋes atemar Akuj ŋina alokidiama iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Akis. 11:6

Eyakatar ikes apedor ŋinagolyet adis, ikotere nyilim akiru apaki ŋina elimonokiniata ikes ŋakiro ŋuna ka Akuj. Eyakatar ikes tari apedor lolelyan ŋulu a ŋakipi akituluwor ikes ŋaokot; eyakatar ikes tari apedor ŋinakisicanet akwap a ŋakisicaneta a daadaŋ ŋapakio daadaŋ ŋuna ecamitotor ikes.

Akis. 8:8

Abu emalaika ŋolo a ŋiarei tokutak arupepe keŋ. Aponi ibore ŋini ekoni emoru ŋolo apolon nooi, ŋolo anoki akim, kimasakinae nanam. Abu atutubet apei ŋina ka anam alotooma ŋunauni toruwor ŋaokot bon,