Awos. 7:11 - Ebaibul

¹¹ Ekaku a ŋun, abu Parao tonyarau ŋikaosok ka ŋikekukujak, ido apotu ŋikekukujak a Ijipit daŋ kitiyata ŋakujuwuanisya ŋuna pei ŋun aloticisyo kec a ŋulu pa apatana ayenun.

Awos. 7:11 Iomraidhean Croise

Akisy. 41:8

Nyeyakaun etau a Parao ejok taparacu; aŋun, abu iŋes kiyaki ŋituŋa anyarare ŋikekukujak ŋulu aya Ijipit ka ŋikaosok keŋ daadaŋ. Tolimok Parao ikes ŋakirujaeta keŋ, nai mam ipei daŋ ŋini abu topedo akisileerekin Parao apolou a ŋakiro a ŋuna abu iŋes kiruja.

Awos. 7:12

Abu ŋinituŋanan alotooma kec kimasak ebela keŋ kwap, ido apotu toruworos ŋimuno, nai abu ŋolo ka Aron kiliko ŋulu kec.

Awos. 7:22

Nai apotu ŋikekukujak a Ijipit daŋ kitiyata ŋakujuwuanisya ŋunapei ŋun aloticisyo kec a ŋulu pa apatana ayenun. Aŋun, abu Parao kitogogoŋ akou keŋ nyepupok ŋakiro ata Moses, lopite ŋolo alimokinitor Ekapolon ikes.

Awos. 8:18

Kikatakis ŋikekukujak a Ijipit aloticisyo kec a ŋulu pa apatana ayenun akitiya akujuwuanut ŋinakitolomunet ŋilac, nai apotu nyepedosi. Apotu ŋilac pena lotuŋa ka lobaren daŋ.

Awos. 8:3

Eburusiyarete ŋakidodoka aŋolol; epete tari kai kon ŋina ka apukan, epete tari nagule kon ka lokitaada kon. Epete tari nakais a ŋikapolok a ŋulu ipukatotor iyoŋ ka nakais ŋuna a ŋituŋa kon; epete tari lokenoi ka loboro ŋulu emunaere ŋakirya.

Awos. 8:7

Nai apotu ŋikekukujak daŋ kitiyata ŋakujuwuanisya ŋunapei ŋun aloticisyo kec a ŋulu pa apatana ayenun; kitolomut ŋakidodoka anakwap a Ijipit.

Dan. 2:2

Aŋun, abu erwosit tolimu atemar tonyaraunae ŋikekukujak, ŋimurok ka ŋimurok ŋulu enyaraeneneete ŋimuno tolimokis iŋes ŋakiro ŋuna erujat iŋes. Ani epote ŋituŋa ŋul, apotu towua alokiŋaren erwosit.

Dan. 2:27

Toboŋok Daniel erwosit tema, “Emam ŋikaosok, ŋimurok ŋulu enyaraeneneete ŋimuno, ŋikekukujak, kori ŋikadwarak ŋulu epedorete akisileerekin erwosit ŋakiro ŋuna imunono ŋuna iŋita iŋes,

Dan. 4:6

Aŋun, abu ayoŋ otub atemar tonyaraunae ŋikilyok ŋulu erae ŋikaosok anakwap a Babilon daadaŋ potu neni kaŋ, ikotere okolimokis ayoŋ apolou a ŋakiro a ŋuna abu ayoŋ eruja.

Dan. 5:11

Eyai nakwap ŋina ipukat iyoŋ, ituŋanan ŋini eyakar etau ŋolo a ŋakujo a ŋuna asegak. Alorwa a ŋulu epukator papa kon akwap na, aponi toryamunae aneni a ekile a ŋol apiiryanut, ayenut ka aosou ŋina ikwaan ka ŋina a ŋakujo. Abu papa kon Nebukadinesar kituruwo iŋes ekapolokiniton ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok.

Dan. 5:7

Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Ŋigal. 3:1

Iyes Ŋigalatiyae, ŋibaŋaanotin! Ŋae ikirogat iyes? Arae kiŋaren kus a ŋilopeyek aponere kisileereunere ŋakiro ŋuna ka atwanare a Yesu Kristo alomusalaba!

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

2 Ŋites. 2:9

Ebuni Eketepegan ŋolo ka Akuj ŋol ka apedor a ŋina a Satan, akitiya ŋakujuwuanisya ka ŋaumonokineta ŋuna alalak ŋuna ka amodiyo

2 Tim. 3:8

Ikwaŋina aponiata Yane ka Yambure kitepega Moses, itepegete ŋikilyok ŋul daŋ ŋakiro ŋuna a kire--ŋikilyok ŋulu nyisitiyaete ŋatameta kec ka ŋulu enyasut anupit kec.

2 Tim. 3:9

Nai nyerubakinete ikes itiyaete ŋun, anerae eyenunete ŋituŋa daadaŋ abaŋao kec. Ŋunapei ŋun apotu totakanikis neni a Yane ka Yambure.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

1 Sam. 6:2

apotu Ŋipilistin kiyaketa ŋituŋa anyarare ŋisacaradotin ka ŋimurok kiŋita temasi, “Anukiro emaikina iwon etiyata aŋuna ka Asaduku a ŋina ke Ekapolon? Tolimokinae isua ibore ŋini itemokino yae kaapei ka Asaduku neni sek eyai Asaduku.”