Awos. 6:7 - Ebaibul

⁷ Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Awos. 6:7 Iomraidhean Croise

Akisy. 26:3

Kiboikin nakwap ŋin, ikiruki iwon, ido eketerereŋi ayoŋ iyoŋ, anerae aŋuna kon ka aŋuna a ŋiletok kon, akainakini akwap na daadaŋ, ido esiyookini akikoŋiet kaŋ ŋina abu ekoŋ neni a papa kon Aburaam.

Akisy. 28:13

Towo Ekapolon alodiyete keŋ tema, “Arae ayoŋ Ekapolon, Akuj ŋina ka Aburaam a papaa kon, Akuj ŋina ka Isaka. Akwap na ŋina iperyo iyoŋ, akainakini ayoŋ iyoŋ ka ŋiletok kon;

1 Ŋirw. 20:28

Bu ekile ŋolo arae ituŋanan ŋini ka Akuj diyete neni ayai erwosit a Isirael tema, “Ebala Akuj, ‘Aŋuna etamyata Ŋiramean atemar erae Ekapolon Akuj ŋina eyai lomukura, meere Akuj ŋina eyai neni emam ŋimukura, akajalakini ayoŋ iyoŋ ajore na ŋina alalan ŋin toar, ido nai iyenuni iyoŋ atemar arae ayoŋ Ekapolon.’ ”

1 Ŋirw. 8:60

ikotere nai ŋituŋa ka akwap a daadaŋ eyenunete atemar erae Ekapolon Akuj; mam Akuj ace.

Neem. 1:10

Erae ikes ŋiketiyak kon ka ŋituŋa kon ŋulu ibu iyoŋ tolaku ka apedor kon a ŋina etiron ka a agogoŋu kon.

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 81:6

ebala iŋes, “Abu ayoŋ olema egogos aloseketa kus; abu esieŋa ŋakan kus aloticisyo a ŋulu agogoŋok.

Awos. 13:14

Ani momit kikiŋit iyoŋ ikoku kon ebe, ‘Nyo apolou a ŋasuban a nu?’ Toboŋok iyoŋ iŋes ebe, ‘A apedori a ŋina ke Ekapolon, abu iŋes ikiyau isua alo Ijipit, anapitoonut.

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 14:18

Eyenunete Ŋijipitian atemar arae ayoŋ Ekapolon apaki ŋina eketopolooryata ayoŋ Parao ka ŋagaari keŋ ta ŋikametok ŋaŋolei keŋ.”

Awos. 14:4

Etogogoŋi ayoŋ akou a Parao, ido ikiwuapak iyes, ikotere ayoŋ oryamu apolou anakiloun Parao ka ŋasigarya keŋ daadaŋ ka eyenunete Ŋijipitian atemar arae ayoŋ Ekapolon.” Apotu Ŋisirael kitiyata ŋun.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Awos. 16:12

“Adau ayoŋ akiirar akiŋuruŋura a Ŋisirael, tolimok ikes ebe, ‘Ani eboŋ, inyamete iyes akiriŋ, ido ani taparacu, inyamete iyes akimuj ŋina iitanito; nen nai iyenuniata iyes atemar arae ayoŋ Ekapolon Akuj kus.’ ”

Awos. 16:6

Aŋun, apotu Moses ka Aron temasi neni a Ŋisirael a daadaŋ, “Takae eboŋ, iyenunete iyes atemar erae Ekapolon abu ikiyau iyes alo Ijipit,

Awos. 2:11

Kedau Moses apoloun, abu kilaar apei koloŋit lotuŋa keŋ, ido abu kiŋolik ŋiticisyo ŋulu areikinitae ikes akitiya. Kiŋolik Ejipitanoit ibuŋae Eburaniyat ŋolo arae epei a ŋituŋa keŋ.

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Awos. 7:17

Ŋakiro ŋuna irworo Ekapolon ikes nu: Iyenuni iyoŋ atemar erae iŋes Ekapolon anakiro a nu; kiŋolik, arami ayoŋ ŋakipi a Nile a ebela alo a ŋolo atiŋit, ido eruwor ŋakipi ŋaokot.

Isa. 41:20

ikotere iŋolikinete daadaŋ ka toyenut; ikotere etamatamaete ŋituŋa daadaŋ ka toyenut atemar Ekapolon etiya ŋun a apedor keŋ ka eyenunete atemar, Akuj ŋina asegan ŋina a Isirael iŋes emyek ŋun itiyakin.”

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 51:15

Arae ayoŋ Ekapolon Akuj kus, ŋolo ainakini ŋakipi a anam kimorokokokis ikotere totakanut ŋikaguragurae kec, erae ekiro kaŋ Ekapolon ŋolo a ŋajoresyo.

Isa. 60:16

Ikitanete iyes ŋituŋa a ŋakwapin lopite ŋolo itanakia toto ikoku. Ikitanete iyes ŋirwosi, ido iyenunete iyes atemar ayoŋ Ekapolon arae ekaiunan ka ekalakunan kus, Akuj ŋina etiron ŋina a Yakob.

Isa. 63:8

Abu iŋes tolimu tema, “Kire jik, erae ikes ŋituŋa kaŋ, ŋidwe ŋulu nyitiyaete ŋuna aronok;” ido abu iŋes toruwor ekaiunan kec

Yer. 30:22

Iruworosi nai iyes ŋituŋa kaŋ ka aruwor ayoŋ Akuj kus.”

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Esek. 20:19

Ayoŋ Ekapolon arae Akuj kus; kiwuapa ŋikisila kaŋ ka kiwuapa icoikinito nooi ŋakiro ŋuna akalimok ayoŋ iyes atemar kiwuapa.

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Ŋilep. 11:44

Arae ayoŋ Ekapolon Akuj kus; aŋun, kitaleutu ŋawat kus, toruworos ŋulu isegak, anerae aseg ayoŋ. Nyimunaarosi anakinyam, kori anakitap ŋisubuna ŋulu elosete alokwap.

Ŋilep. 11:45

Arae ayoŋ Ekapolon ŋolo abu okoyau iyes eketipeunio anakwap a Ijipit, ikotere oruwor Akuj kus; aŋun, toruworos ŋulu isegak, anerae aseg ayoŋ.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Ekim. 15:41

Arae ayoŋ Ekapolon Akuj kus ŋina akayauni iyes anakwap a Ijipit, ikotere ayoŋ aruwor Akuj kus. Arae ayoŋ Ekapolon Akuj kus.’ ”

Mat. 22:32

‘Arae ayoŋ Akuj ŋina ka Aburaam, ka Isaka, ta ŋina a Yakobo’ a? Meere iŋes Akuj a ŋikatwak, nai Akuj a ŋulu eyarete.”

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 26:18

Nakoloŋit na, icamunosi iyes ke Ekapolon, iruworosi iyes ŋituŋa keŋ ŋulu emina iŋes nooi, lopite ŋolo ikiikinia iŋes iyes ka iwuapete iyes ŋakiciketa keŋ;

Ŋikis. 29:12

icunakina iyes ne aŋuna ka akijaun acamunet ke Ekapolon Akuj kus, acamunet ŋina ikoŋitor Akuj aŋuna yok, ŋina icamunotor iyes ke Ekapolon Akuj kus nakoloŋit na;

Ŋikis. 29:13

ikotere ikituruwori iŋes iyes nakoloŋit na ŋituŋa keŋ ka toruwor iŋes Akuj kus, lopite ŋolo eikinitor ka ekoŋitor neni atapapaa kus Aburaam, Isaka ka Yakob.

Ŋikis. 29:5

Abu ayoŋ okorik iyes ŋikaru ŋatomoniomwon analoŋisat. Nyenyamuna ŋilowi anawat kus ka nyenyamuna ŋamuk anakejen kus;

Ŋikis. 4:20

Nai abu Ekapolon ikiyau iyes alo Ijipit aneni ikisicanitere iyes nooi, ikotere iruworosi ŋituŋa keŋ a elope, lopite ŋolo iraakatar ŋulu keŋ tokona.

Ŋikis. 7:6

anerae irae iyes ŋituŋa ŋulu asegak aneni ke Ekapolon Akuj kus, irae iyes ŋituŋa ŋulu ikiseu Ekapolon Akuj kus alotuŋa a ŋakwapin a daadaŋ anakwap aruwor ŋituŋa keŋ a alope, ŋituŋa keŋ ŋulu emina iŋes nooi.

Ŋibur. 11:16

Nai arae akibois ŋina ajokan akilo eitanito ikes, akibois ŋina eyai nakuj. Aŋun, nyirumito Akuj ŋileec enyarito ikes iŋes Akuj kec, anerae etemok etaun aŋuna kec.

1 Pet. 2:10

Koloŋ sek, pa irae iyes ŋituŋa ŋulu ka Akuj, nai tokona iruworosi ŋituŋa keŋ; koloŋ sek pa iyenete iyes akisyon ŋina ka Akuj, nai tokona iryamut akisyon keŋ.

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.

Akis. 21:7

Ŋini ilouni, eryamuni ŋun aneni kaŋ, aruwor ayoŋ Akuj keŋ ka eruwor iŋes lokoku kaŋ.