Awos. 6:12 - Ebaibul

¹² Abu nai Moses kiŋit Ekapolon tema, “Ani nai kewounito Ŋisirael apupokin ŋakiro kaŋ, alipite nai epupokinia Parao ŋakiro kaŋ a ŋolo nyayeni erwor ejok?”

Awos. 6:12 Iomraidhean Croise

Awos. 3:11

Nai, abu Moses tolimok Akuj tema, “Ŋae mono ayoŋ ŋolo emaikina olot neni a Parao, oyau Ŋisirael anakwap a Ijipit?”

Awos. 3:13

Tolimok Moses Akuj tema, “Ani bo kalot ayoŋ neni a Ŋisirael otema neni kec, ‘ekeyakuu ayoŋ Akuj atapapaa kus,’ ido ekeŋita ikes ayoŋ temasi, ‘Ŋae ekiro keŋ?’ Anukiro nai alimokini ayoŋ ikes?”

Awos. 4:1

Tolimo nai Moses Akuj tema, “Ani bo pa kecamut Ŋisirael akinup ŋakiro kaŋ, kori pa kecamut apupokin ŋuna erworo ayoŋ, ido temasi, ‘Nyetakanuna Ekapolon neni kon.’ Anukiro itiyakin?”

Awos. 4:10

Abu nai Moses tema neni a Ekapolon, “Okoe Ekapolon, nyapedorit ayoŋ erwori ejok ŋinapei koloŋ, tari tokona apaki na ŋina irworor iyoŋ neni a eketiyan kon. Eapi ayoŋ ŋakiro erworo ka aŋajepana ayoŋ.”

Awos. 6:13

Kicik nai Ekapolon Moses ka Aron tema, “Tolimokisi Ŋisirael ka Parao erwosit ŋolo a Ijipit atemar akalimok ayoŋ iyes akiya Ŋisirael anakwap a Ijipit.”

Awos. 6:30

Nai abu Moses alokiŋaren Ekapolon kiŋit iŋes tema, “Ikwapei ayenia ayoŋ atemar nyerworo ayoŋ ejok, alipite nai epupokinia Parao ŋakiro kaŋ?”

Awos. 6:9

Abu nai Moses tolimok Ŋisirael ŋakiro ŋun, nai apotu ikes nyepupokis ŋuna abala Moses aŋuna abunio akigeno todaun aneni kec ka aŋuna ke epite a ŋolo ka apitoonut kec a ŋina esicanitere ikes nooi.

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Yer. 1:6

Abu nai ayoŋ otema, “Okoe Ekapolon Akuj! Kire jik, nyayeni ayoŋ erwor, anerae eriŋa ayoŋ arae idya.”

Yer. 6:10

Kiŋit Yeremia Ekapolon tema, “Ŋae emaikina ayoŋ olimok tocoik ŋakiro nu? Ŋae iirari ŋakiro kaŋ? Agol ikes ŋaki kec, aŋun, nyepedorete akiirar. Ejamuwarito ikes akirot ŋina ke Ekapolon, nyitojokito ikes akirot a Ekapolon.

Yer. 9:26

Ŋituŋa a Ejipit, a Yudaya, a Edom, Ŋiamoni, ŋituŋa a Moab ka daadaŋ ŋulu iboiyete analoŋisat anakiboisyo a ŋuna alwanak, anerae mam kire jik nyileŋeritae ŋituŋa ŋul daadaŋ ka ŋituŋa a Isirael daŋ mam nyiwuapito acamunet kaŋ.”

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.