Awos. 5:3 - Ebaibul

³ Temasi ikes neni a Parao, “Adau Akuj a Ŋiburaniyae atakanun neni kosi. Kimyekinae isua tolotoi naloŋisat alosit kosi ŋina a ŋirwa a ŋiuni, ikotere einakinio ŋamuronisya neni a Ekapolon Akuj kosi; ani pa kikokis nen, epedori iŋes akiar isua a ŋidekesyo, kori a ekileŋ.”

Awos. 5:3 Iomraidhean Croise

2 Ŋirw. 17:25

Apaki ŋina alomiata ikes nen, apotu nyemitakis akilipenen neni ke Ekapolon, ido abu Ekapolon kiyakik ikes ŋiŋatunyo ŋulu apotu toara ŋituŋa ŋul ŋice.

2 Ŋakiro a ŋirwa 30:8

Nyitogogoŋo tokona ŋakyes kus lopite ŋolo etogogoŋitotor atapapaa kus, nai inakinos neni ke Ekapolon, potu nakibois keŋ ŋina asegan, ŋina adau iŋes akitaleun ŋikaru ka ŋikaru, ido kitiyanakis Ekapolon Akuj kus, ikotere elemari iŋes aŋoit keŋ ŋina aryenyaanan aneni kus.

Esir 7:23

Ibore daadaŋ ŋini elimunit Akuj ŋina anakuj, emaikina kitiyae alotooma ainakina aŋuna ka Akai ka Akuj a ŋina anakuj, ani pa kitiyata iyes ŋun, ebuni iŋes aŋoikin apukan a erwosit ka ŋulu ilunyokin lokicoloŋ keŋ akipuka.

Awos. 3:18

Iirarete ikes ŋuna irworo iyoŋ, ido irukorete iyoŋ ka ŋikasikou a Ŋisirael neni a erwosit a Ijipit tolimokis iŋes ebe, ‘Adau Ekapolon Akuj a Ŋiburaniyae atakanikin neni kosi, kimyekinae isua tolotoi alosit ŋina a ŋirwa a ŋiuni naloŋisat, ikotere ikiinakini amuronot neni a Ekapolon Akuj kosi.’

Awos. 7:16

Tema iyoŋ neni keŋ, ‘ekeyakuu ayoŋ Ekapolon Akuj a Ŋiburaniyae neni kon alimokin iyoŋ atemar kimyek ŋituŋa kaŋ toloto, ikotere ilipete neni kaŋ analoŋisat nai tari tokona iwou iyoŋ akiirar ŋakiro ŋun.’

Awos. 8:1

Tema nai Ekapolon neni a Moses, “Ape neni a Parao tolimok iŋes atemar ŋakiro ŋuna irworo Ekapolon ikes nu, kimyek ŋituŋa kaŋ toloto, ikotere ilipete neni kaŋ.

Awos. 8:20

Tema nai Ekapolon neni a Moses, “Tonyou moi taparacu eriŋa ataparacu kitoodiyar neni a Parao apaki ŋina elomarya iŋes kiŋa nakipi a aŋolol Nile, tolimok iŋes atemar ŋakiro ŋuna irworo Ekapolon ikes nu, kimyek ŋituŋa kaŋ toloto, ikotere ilipete neni kaŋ.

Awos. 8:27

Emaikina isua kisyakinae alosit kosi ŋina a ŋirwa a ŋiuni analoŋisat, ido oinakisi ŋamuronisya neni a Ekapolon Akuj kosi ikwapei ikicikakinitere isua.”

Esek. 6:11

“Ŋakiro ŋuna irworo Ekapolon Akuj ikes nu, ‘Kibapibapakisi ŋakan kus, topeto akwap a ŋakejen, kikaloutu iyaloloŋete aŋuna ka aronis a daadaŋ ka asiilyo ŋina etiyata Ŋisirael, anerae emunyari ikes ekileŋ ka akoro ta edeke.

Ŋilep. 26:25

Emyekini ayoŋ ŋimoe kus itoar iyes aŋuna imyekiniata iyes acamunet kaŋ ka iyes. Ani kiema iyes tolomasi lotaunio kus, ayauni ayoŋ edeke neni kus, kitiditeu ekimar kus ikilout ŋimoe kus.

Ŋikis. 28:21

Imyekini Ekapolon edeke torubak aneni kus, tari ŋina ikimunyarya edeke ŋol iyes anakwap a ŋina ilosete iyes alomar akituruwor ŋina kus.