Awos. 5:22 - Ebaibul

²² Kirworik nai Moses nabo neni a Ekapolon kiŋit tema, “Okoe Ekapolon, kaanukiro isicania iyoŋ ŋituŋa lu? Kaanukiro ikiyakiyarya iyoŋ ayoŋ neni kec?

Awos. 5:22 Iomraidhean Croise

1 Ŋirw. 19:10

Toboŋok iŋes tema, “Alelakinit ayoŋ nooi Ekapolon Akuj ŋina etiron; anerae emyekis Ŋisirael ŋuna apotu tocamut, abwaŋabwaŋaasi Ŋamuroeta kon, ido adaut akiar ŋikadwarak kon ke ekileŋ. Ayoŋ bon edoŋ ka iwarito ikes akiar ayoŋ.”

1 Ŋirw. 19:4

Nai tolot iŋes ka a keŋ akoloŋit apei analoŋisat. Ani edoli iŋes iwace neni ayai ekitoe ŋolo esibit epetet kiboikin kwap ekitoe ŋol, kilip a nen egasi atwanare tema, “Etemokin tokona, okoe Ekapolon, tolema akiyar kaŋ, anerae nyajok ayoŋ akilo atapapaa kaŋ.”

Ŋikiru. 73:25

Ŋae mono ikeŋarakinan kaŋ ice eyai nakuj, meere iyoŋ bon a? Aŋuna ikirukitor ayoŋ ka iyoŋ, mam ibore ice eitanit ayoŋ anakwap.

Awos. 17:4

Aŋun, abu Moses kikalou neni ke Ekapolon kiŋit tema, “Nyo emaikina ayoŋ etiya neni a ŋituŋa a lu? Etenito ikes akicak ayoŋ a ŋamoru.”

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Yer. 20:7

Okoe Ekapolon ikisupa iyoŋ ayoŋ ka adau ayoŋ akisuparo ikilou iyoŋ ayoŋ ka iruwor iyoŋ ekelounan. Aruwor ayoŋ ŋolo akakyenare apaaran jwii; akajamuwarito ayoŋ ŋituŋa daadaŋ.

Yer. 4:10

Abu nai ayoŋ otema, ‘Okoe, Ekapolon Akuj, kire idau iyoŋ amodikin ŋituŋa a Yerusalem analimokin ikes atemar emam ŋace eyakaun neni kus,’ toarete bo ŋimoe ikes!”

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Ekim. 11:11

Aŋun, abu Moses kiŋit Ekapolon tema, “Kaanukiro itiyaa iyoŋ neni a eketiyan kon erono nooi ikona? Kaanukiro pa aryamunitor ayoŋ alakara aloŋaren kon? Kaanukiro ikiinakinia iyoŋ ayoŋ akidaŋidaŋ ŋakiro daadaŋ aŋuna a ŋituŋa a lu?

Yos. 7:7

Tolimu Yosua tema, “Okoe Ekapolon Akuj! Kaanukiro bo ibunio iyoŋ kitodokunia ŋituŋa lu lokekwat lo alo Yorodan? Arae mono akipotor isua ikimunyasi Ŋiamori a? Okoe, kerae bo oyenunito daŋ, kikidoŋit ekekwaye Yorodan!

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.