Awos. 5:2 - Ebaibul

² Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Awos. 5:2 Iomraidhean Croise

2 Ŋirw. 18:35

Anu mono alotooma ŋakujo ŋun daadaŋ ŋuna a ŋakwapin apotu toiut ŋakwapin kec aneni kaŋ? Alipite nai elakunia Ekapolon Akuj Yerusalem aneni kaŋ?”

2 Ŋakiro a ŋirwa 32:14

Ŋae adio a ŋakujo a ŋun a daadaŋ a ŋuna a ŋakwapin a ŋuna apotu atapapaa kaŋ tomunaasi abu toiu ŋituŋa keŋ aneni kaŋ? Ikokini nai Akuj kus ikilakuni iyes anakan kaŋ ai?

2 Ŋakiro a ŋirwa 32:15

Aŋun nai, nyicamut Esekia ikimodikini iyes, ikitabaŋaaniya iyes lopite ŋolo iyakatar tokona. Nyinupa ŋakiro keŋ, anerae mam akuj a akwap, kori a apukan ka adio ŋina alaku ŋituŋa keŋ anakan kaŋ, kori anapedor atapapaa kaŋ. Nai ŋuna a kire ikes nu, nyepedori Akuj kus ŋin alakun iyes anapedor kaŋ!”

2 Ŋakiro a ŋirwa 32:19

Apotu ikes kirworo ŋakiro a Akuj a Yerusalem esibit irworosi ŋakiro a ŋakujo a ŋituŋa a ŋakwapin a ŋunace, a ŋakujo a ŋuna erae ituŋanan itiyaunit.

Neem. 9:10

Ibu iyoŋ kitiya ŋakitoodyanakineta ka ŋaumonokineta akisicania Parao ka ŋiketiyak keŋ daadaŋ ta ŋituŋa daadaŋ ŋulu a akwap keŋ, anerae iyeni iyoŋ atemar apotu ikes kiyata erono neni atapapaa kosi. Ibu iyoŋ kituruun bon a arwonu a ŋina arubaki tari nakoloŋit na.

Yob 15:25

Itiyakinosi ŋun neni kec, anerae apotu ikes kiniŋiniŋo ŋakan kec eremokino Akuj, ido apotu kitiyata esibito ŋikelounak Akuj ŋina etiron;

Yob 15:26

apotu tokera itoodiunito akisyaanu kec eremokino Akuj, eyakatar ŋaupala ŋunabutur ka iturosi.

Yob 21:15

Ŋae mono Akuj ŋina etiron, ŋina emaikina isua kitiyanakinae? Nyo ikiryamuni isua anakilip neni keŋ?’

Ŋikiru. 10:4

Iturosi ŋulu aronok, mam ŋuna ke Ekapolon ŋuna iwarito ikes; emam ŋadi daŋ ŋuna ka Akuj anatameta kec a daadaŋ.

Ŋikiru. 12:4

ŋuna ebasi “Eiunoi isua a ŋakituka kosi, erae ŋakituka kosi ŋuna kosi a ŋilopeyek, ŋae erae ekapolon kosi?”

Ŋikiru. 12:5

Ebala Ekapolon ebe, “Aŋuna eteryamunere ŋikulyak ŋican, aŋuna isiyaloloŋere ŋulu eyakatar akiitanit, abuni tokona ayoŋ oinak ikes aiuno ŋina iitanito.”

Ŋikiru. 14:1

Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

Awos. 3:19

Ayeni kire ayoŋ atemar nyikimyekini iyes erwosit a Ijipit toloto mati kereikin atemar ikimyek iŋes iyes toloto.

Awos. 7:17

Ŋakiro ŋuna irworo Ekapolon ikes nu: Iyenuni iyoŋ atemar erae iŋes Ekapolon anakiro a nu; kiŋolik, arami ayoŋ ŋakipi a Nile a ebela alo a ŋolo atiŋit, ido eruwor ŋakipi ŋaokot.

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Yer. 42:13

Nai ani kirubakis iyes ibasi, ‘Nyikirubakini isua ikiboi anakwap a na,’ irae ŋulu iŋerito akiwuap ŋakiro a Ekapolon Akuj kus

Yer. 48:26

“Kitemerakisi ŋituŋa keŋ, anerae apotu kitopoloor make kimana Ekapolon, kimyekisi ŋituŋa a Moab kibelibelo analyakan kec pei, eruwor ikes daŋ ŋulu ekyenare.

Dan. 3:15

Tokona, ani kitenito iyes aryedik ka akilip neni a etorube a ŋolo etiyaunit ayoŋ, emaikina kitiyata ŋun apaki ŋina eruunio amomwara a emesek, apilu, aujiwij, aduŋgu, ebur ka ŋolo a ŋiboro a daadaŋ a ŋulu eore, ejokyata ŋun, nai ani pa kilipa iyes neni a etorube a ŋol, ikimasakinio iyes atipei nakim ŋina a ekitet ŋina erirae, anikuj epedori aiun iyes anapedor kaŋ?”

Yoa. 16:3

Itiyaete ikes ŋun, anerae nyeyenuna ikes Papa kori ayoŋ.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Ŋikat. 2:10

Abu daŋ anyamet ŋin daadaŋ todaun, topolou nabo anyamet ace ŋina kitete, ŋina pa ayeni ŋakiro a Ekapolon, kori ŋiticisyo ŋulu abu Ekapolon kitiya aŋuna a Ŋisirael.

1 Sam. 2:12

Arae ŋidwe ke Eli ŋulusapa ŋidwe ŋulu aronok nooi, pa amisito ikes ŋakiro ŋuna ke Ekapolon;

1 Sam. 25:10

Nai toboŋok Nabal ŋiketiyak a Daudi tema, “Ŋae erae Daudi? Ŋae erae lokoku a Yese? Elalak ŋirwa lu ŋiketiyak ŋulu arotonokis aneni a ŋikapolok kec.