Awos. 40:34 - Ebaibul

³⁴ Ekaku, kimuko edou Eema ŋolo iryamununoi, kilelebikin akica ŋina ke Ekapolon ŋina akwaŋan kya tooma Eema ŋolo iryamununoi.

Awos. 40:34 Iomraidhean Croise

2 Sam. 7:6

Ameun akoloŋit ŋina ayaunia ayoŋ ŋituŋa a Isirael alo Ijipit, nyeyakauna ayoŋ Kai tari nakoloŋit na. Arae ca loeema ayai ayoŋ eboiyo ka Ŋisirael.

2 Ŋakiro a ŋirwa 5:13

Toeikis kaapei ejok nooi ŋulu akusete ŋarupepe ka ŋikaeok ŋuluce ipurosi ka elakara neni ke Ekapolon. Ani ikeunete ikes eete eosi a ŋarupepe, a ŋitworoi ka ŋiboro ŋice ŋulu eore, apotu kipuro Ekapolon ebasi: “Ejok Ekapolon, anerae erubakinit amina keŋ ŋina nyiryaŋiryaŋa eyai ŋikaru ka ŋikaru.” Aneni pei, toburusiya adis Akai ke Ekapolon,

2 Ŋakiro a ŋirwa 7:2

Aŋuna abunio akica a Ekapolon kilelebun Kai ka Akuj, apotu ŋisacaradotin nyepedosi alomar Kai ka Akuj.

Ŋikiru. 26:8

Okoe Ekapolon, amina ayoŋ Akai kon ŋina iboiyo iyoŋ ka akibois ŋina iyai iyoŋ icai nooi.

Awos. 14:24

Ani eapuuni akiwalar, toripiu Ekapolon kwap anadis ka anarira, kiŋolik ŋasigarya a Ŋijipitian, kisibiler ikes.

Awos. 16:10

Ani eriŋa Aron isirwori Ŋisirael daadaŋ, kiŋoliyasi ikes lowae ŋolo ka aloŋisat, kileereu Ekapolon anakica a ŋina ayai lodou.

Awos. 25:8

Emaikina kitiyaut ŋituŋa akibois kaŋ ŋina Asegan, ikotere nai ayoŋ eboi kaapei ka ikes.

Awos. 29:43

Nen iŋes ikiryamun ayoŋ ka Ŋisirael, ido ituruwori apolou kaŋ nen akibois ŋina italeuno.

Awos. 33:9

Alomar Moses tooma Eema bon, amina edou abunenen min lopuke ke Eema a ŋolo iryamununoi, ido kisirwor Ekapolon Moses.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 6:4

Aŋuna ke ecelet a ŋisubuna a ŋul, apotu ŋipirin alopuke a Akai tomaranikis, ido kilelebikin apuru Kai.

Esek. 10:4

Abu nai akica ŋina ka Akuj tolomu aneni a ŋisubuna a ŋulu a ŋabebenuk, min lopuke ŋolo ka Akai ka Akuj; kilelebun edou Kai ka Akuj ka kilelebun akwaŋis ŋina ka akica a Ekapolon nalapatu ŋina ka Akai ka Akuj.

Ŋilep. 16:2

Tema Ekapolon neni a Moses, “Tolimok lokaato kon Aron atemar nyeloma adiopaki nakibois ŋina asegan nooi, nyeloma yaye anaŋga kiŋaren ekicoloŋ ŋolo ka akisyonio ŋolo eyai kidiama Asaduku ŋina ka Acamunet, ani kebu nen, etwani, anerae atakanuni ayoŋ alodou omin kidiama ekicoloŋ ŋol.

Agai 2:7

Eiŋiiŋakini ayoŋ ŋakwapin daadaŋ, ikotere ebari a ŋakwapin a daadaŋ ebuni, ido elelebik ayoŋ akibuses Kai na.

Agai 2:9

Ilouni akibuses a Akai a na a ŋinakitete akibuses a Akai a ŋina a ekiŋaren, ido ayauni ayoŋ ekisil nakibois na.’ ”

Ekim. 7:89

Apaki ŋina alomarya Moses loeema ŋolokilipet akirwor ke Ekapolon, abu iŋes kiira etoil irworo neni keŋ alokidiama akibois ŋina ka akisyonio ŋina ayai kidiama Asaduku ŋina ka Acamunet, abunit etoil ŋol alokidiŋ Ŋisubuna ŋulu a ŋabebenuk ŋuluarei kirwor neni keŋ.

Ŋirom. 9:4

Ikes erae ŋituŋa ŋulu a Isirael ŋulu eseunit Akuj kituruwo ŋidwe keŋ ka kitoodik apolou keŋ neni kec. Abu iŋes bu neni kec inak ikes Acamunet ka Ŋikisila daŋ. Eyenete ikes kire epite ŋolo kilipet; aryamut ikes ŋakiikineta ŋuna ka Akuj.

Akis. 15:8

Kilelebun Kai ka Akuj apuru ŋina abunit anakica ka anapedor a ŋina ka Akuj. Amam ituŋanan ŋini apedori alomar Kai ka Akuj akitodol ŋina asaluniata ŋakisicaneta ŋunakanikaarei ŋuna ayaunete ŋimalaikan ŋulukanikaarei.

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.