Awos. 40:20 - Ebaibul

²⁰ Tolemu Moses ŋamoru ŋunadapal ŋunaarei; kiwuak tooma Asaduku ŋina ka Acamunet. Kirepak ŋipirin neni aorori asibit ŋikabobooe a Nasaduku, ido torapak akibois ŋina a akisyonio kidiama Asaduku ŋina ka Acamunet.

Awos. 40:20 Iomraidhean Croise

1 Ŋirw. 8:9

Mam ibore ice ayai tooma Asaduku, ŋamoru ŋunaarei bon ŋunadapal ŋuna egiritae ŋakiciketa ŋuna kiwuakini Moses nen alomoru a ŋolo enyaritae Oreb (iŋes Sinai), neni kebunio Ekapolon tocamunotor ka Ŋisirael kedaut alomun anakwap a Ijipit.

1 Ŋakiro a ŋirwa 15:3

Abu nai Daudi tocunak Ŋisirael daadaŋ Yerusalem aŋuna ka ayaun Asaduku ke Ekapolon alo Kirias-Yearim, nakibois ŋina abu Daudi kitemok aŋuna ka Asaduku a ŋin.

2 Ŋakiro a ŋirwa 5:10

Mam ibore ice ayai tooma Asaduku ŋin, ŋamoru ŋaarei bon ŋunadapal ŋuna egiritae Ŋakiciketa ayakasi tooma. Moses kiwuakini ŋamoru ŋun nen alomoru a ŋolo enyaritae Oreb (iŋes Sinai), neni kebunio Ekapolon tocamunotor ka Ŋisirael kedaut alomun alo Ijipit.

Ŋikiru. 40:8

‘Alakara ayoŋ akitiya ŋuna icamit iyoŋ, okoe Akuj kaŋ, ewuakinit ayoŋ ŋikisila kon lotau kaŋ.’”

Awos. 16:34

Abu nai Aron kitiya lopite ŋolopei alimokinitor Moses iŋes, tosipok amot ŋina ayai Manna kiŋaren Asaduku ŋina a Acamunet, ikotere kidarae a nen.

Awos. 26:34

Kiwuak akibois ŋina ka akisyonio kidiama Asaduku ŋina ka Acamunet ŋina eyai tooma nakibois ŋina Asegan nooi ŋin.

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Awos. 40:19

Kiwuak nai ŋanaŋgae kidiama ŋakito ke Eema a ŋolo iryamununoi, ido kiwuak ŋijamu ŋulu adaitae kidiama Eema ŋol, lopite ŋolo ecikitor Ekapolon iŋes.

Awos. 40:3

Kiwuak tooma keŋ Asaduku ŋina ka Acamunet, kiriwok anaŋga kidiŋ Eema ŋol kiteriboo Asaduku ŋina ka Acamunet.

Mat. 3:15

Nai toboŋok Yesu iŋes tema, “Kimyek kitiyakin ikona tokona. Anerae erae epite lo iŋes ikisiyookinio iwon ŋuna ecamit Akuj daadaŋ.” Kimyek nai iŋes kitiyakin.

Ŋirom. 10:4

Anerae adau Kristo ayaun ekisal ŋolo a Ŋikisila, ido nai ituŋanan ŋini enupit ituruworyo ŋini iyookino alokiŋaren Akuj.

Ŋirom. 3:25

Abu Akuj kipoto Yesu Kristo, ikotere akeetwanare eruwor ŋina isyoniyere ŋasecisya a ŋituŋa a ŋulu enupete iŋes. Abu Akuj kitiya ŋun, ikotere kitoodiunia atemar iyookino iŋes alope. Koloŋ sek abu Akuj totitinyik ka nyemitak ŋasecisya a ŋituŋa.

Ŋikis. 10:5

Abu nai ayoŋ oboŋu otiyaun alomoru, ido ewuak ŋamoru ŋun nasaduku ŋina etiyauni ayoŋ, tosodi eya tokona nen, lopite ŋolo akalimokinia Ekapolon ayoŋ.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.

1 Yoa. 2:2

Iŋes erae amuronot ŋina isyoniyere ŋasecisya yok; meere ŋasecisya yok bon, nai ŋasecisya a ŋituŋa a daadaŋ.