Awos. 40:18 - Ebaibul

¹⁸ Abu Moses todukok Eema ŋolo iryamununoi; kiwuak kwap keŋ ŋakito ŋuna epesyo, todukok ŋakito ŋuna esiposi ka ŋalodoi, ido tosipok ŋipirin.

Awos. 40:18 Iomraidhean Croise

2 Sam. 7:6

Ameun akoloŋit ŋina ayaunia ayoŋ ŋituŋa a Isirael alo Ijipit, nyeyakauna ayoŋ Kai tari nakoloŋit na. Arae ca loeema ayai ayoŋ eboiyo ka Ŋisirael.

Awos. 40:17

Ani edoli ŋirwa ke elap epei, elap ŋolo ke epei alokaru a ŋolo a ŋiarei kelomut Ŋisirael alo Ijipit, toris kirikakin akiduk Eema ŋolo iryamununoi.

Awos. 40:19

Kiwuak nai ŋanaŋgae kidiama ŋakito ke Eema a ŋolo iryamununoi, ido kiwuak ŋijamu ŋulu adaitae kidiama Eema ŋol, lopite ŋolo ecikitor Ekapolon iŋes.

Awos. 40:2

“Ani edoli ŋirwa ke elap epei, elap ŋolo esyaunan, emaikina iyoŋ todukok Eema ŋolo iryamununoi.

Isa. 33:24

Mam ituŋanan ŋini iboi a nen ŋini etemari, “Adyaka ayoŋ,” isyoniyo ŋasecisya a ŋituŋa a ŋulu iboiyete a nen.

Ŋilep. 26:11

Ewuakini ayoŋ akibois kaŋ ŋina eboiyo kidiŋ kus, ido nyakaŋeri ayoŋ iyes.

Mat. 16:18

Akalimokini ayoŋ iyoŋ atemar, irae iyoŋ Petero, (apolou keŋ atemar ataaba.) Nataaba ŋin iŋes adukokini ayoŋ akai kaŋ ka nyepedori atwanare akiloun iŋes.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

1 Tim. 3:15

ani keketididi ayoŋ, toyenu iyoŋ epite ŋolo itemokino iyoŋ kiboiyo alokidiŋ ŋituŋa ŋulu ka Akuj, ikes atukot a Ŋikristo ŋina erae ŋina ka Akuj a ŋina eyari. Atukot ŋin iŋes erae akigaŋet ka akiyokiyet ŋakiro ŋuna a kire.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.