1 Tema nai Ekapolon neni a Moses,
Apaki ŋin, ayakasi eema ke Ekapolon ŋolo kitiyauni Moses analoŋisat ka Namuroet ŋina apeyere ŋainakineta nakibois ŋina amukur alo Gibeon.
Eema ŋolokilipet, Asaduku ŋina ka Acamunet, akibois ŋina ka akisyonio ka ŋiboro ŋuluce daadaŋ ŋulu emaikina eya tooma Eema;
“Emaikina ŋituŋa daadaŋ alokidiŋ kus ŋulu epiiryaka akitiya ŋiboro potu kitiyaut ŋiboro daadaŋ ŋulu ikicik iwon Ekapolon akitiyaun lu:
Aŋun, aponi kirikakinae etic daadaŋ ŋolo ke Eema ŋolo iryamununoi aŋuna ke Ekapolon. Apotu Ŋisirael kitiyata etic daadaŋ lopite ŋolo ecikitor Ekapolon Moses.
Ani eanyuni Moses atemar erikakis ikes etic daadaŋ lopite ŋolo ecikitor Ekapolon iŋes, abu kiterereŋ ŋituŋa.
Ani edoli ŋirwa ke elap epei, elap ŋolo ke epei alokaru a ŋolo a ŋiarei kelomut Ŋisirael alo Ijipit, toris kirikakin akiduk Eema ŋolo iryamununoi.
“Ani edoli ŋirwa ke elap epei, elap ŋolo esyaunan, emaikina iyoŋ todukok Eema ŋolo iryamununoi.
