Awos. 4:15 - Ebaibul

¹⁵ Itemokino iyoŋ kirwor neni ka Aron, tolimok ŋakiro ŋuna emaikina iŋes kirwor. Ekeŋarakini ayoŋ iyes ka eketatami ayoŋ iyes ŋuna emaikina kitiyata.

Awos. 4:15 Iomraidhean Croise

2 Sam. 14:3

Ape neni a erwosit, tolimok iŋes ŋakiro ŋuna akalimokini ayoŋ iyoŋ.” Tolimok Yoab aberu ŋin ŋakiro daadaŋ ŋuna amaikina tolimok erwosit.

Ŋikiru. 25:12

Ikes ŋulu itopoloorito Ekapolon, itatamikini Ekapolon ikes erot ŋolo emaikina ikes toseut.

Ŋikiru. 51:15

Okoe Ekapolon, toŋaa ŋipon kaŋ, ikotere esera ayoŋ ŋakiro ŋuna ka akipuro iyoŋ.

Awos. 3:12

Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Awos. 4:12

Torotok tokona, ekeŋarakini ayoŋ iyoŋ topedo erwor ka akalimokini ayoŋ iyoŋ ŋuna emaikina tolimu.”

Awos. 4:28

Kitatamik Moses Aron ŋakiro a Ekapolon daadaŋ ŋuna eyakitor Ekapolon iŋes. Kitatamik tari ŋakujuwuanisya ŋuna abu Ekapolon kicik iŋes akitiya.

Awos. 4:30

Tolimok Aron ŋituŋa ŋakiro daadaŋ ŋuna kebu Ekapolon tolimok Moses, ido kitiya ŋakujuwuanisya alokiŋaren ŋituŋa.

Isa. 51:16

Ewuak ayoŋ ŋakiro kaŋ nakituk kon, ekewua ayoŋ iyoŋ alotolim a akan kaŋ, adau ayoŋ apetakin kidiama ka ewuak ŋawoeta a akwap, ido adau alimokin ŋituŋa a Sion ebe, “Irae iyes ŋituŋa kaŋ.”

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Yer. 1:9

Abu nai Ekapolon kiopeu akan keŋ totap akituk kaŋ, tosodi okolimok ayoŋ tema, “Tokona adau ayoŋ akiwuakin ŋakiro kaŋ nakituk kon.

Yer. 36:32

Abu nai Yeremia tolemu ekitaabo ece, inak nen a Baruk alokoku a Neria, a ŋolo arae ekegirigiran, a ŋolo abu kigir lokitaabo ŋol ŋakiro daadaŋ ŋuna alimonokini Yeremia iŋes, kigir Baruk nen ŋakiro daadaŋ ŋuna sek egiritae lokitaabo ŋolo abu erwosit Yeoiakim ŋolo a Yudaya kicunya a akim, aponi daŋ kiyatakinae ŋakiro ŋace ŋuna ekwaan ka ŋunapei a ekiŋaren.

Ekim. 16:28

Tema nai Moses, “Ŋakiro nu iŋes iyeuniata iyes atemar ekeyakuu ayoŋ Ekapolon akitiya ŋiticisyo ŋul daadaŋ, meere ayoŋ bon alemikina lotic ŋol:

Ekim. 22:38

Toboŋok Balaam Balak tema, “Abu ayoŋ neni kon tokona, nai ayakar mono ayoŋ apedori adio ŋina a ŋakiro a ŋadi a? Akirot ŋina akalimokini ayoŋ Ekapolon, iŋes emaikina ayoŋ olimu.”

Ekim. 23:12

Toboŋok Balaam tema, “Nyemaikina mono ayoŋ ocoite alimun ŋakiro ŋuna akalimokini Ekapolon ayoŋ a?”

Ekim. 23:16

Kiryamun Balaam a Ekapolon, ido tolimok Ekapolon Balaam tema, “Toboŋo neni a Balak, ŋakiro nu ikes emaikina iyoŋ tolimok iŋes.”

Ekim. 23:5

Tolimok Ekapolon Balaam tema, “Toboŋo neni a Balak, ŋakiro nu ikes emaikina iyoŋ tolimok iŋes.”

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

1 Ŋikor. 11:23

Anerae abu ayoŋ ejau aneni ke Ekapolon ŋakiro nu ŋuna adau ayoŋ akikobakin iyes. Abu Ekapolon Yesu ataboŋ ŋina alukinere, tolemu amugati,

1 Ŋikor. 15:1

Ŋikaitotoi kaŋ, acamit ayoŋ akitatamun iyes Ŋakiro ŋuna Ajokak ŋuna abu ayoŋ okolimok iyes, ŋuna ipotu iyes tocamut, ŋuna tokona icasitor anupit kus.

Ŋikis. 18:18

Aseuni ayoŋ alokidiŋ kec ka aŋuna kec ekadwaran ŋolo ikwaan ka iyoŋ; alimokini ayoŋ ekadwaran ŋol ŋakiro kaŋ ka ebuni iŋes alimokin ikes ŋakiro daadaŋ ŋuna alimokini ayoŋ iŋes.

Ŋikis. 5:31

Nai iyoŋ, towo a ne alodiyete kaŋ, tosodi akalimokini ayoŋ iyoŋ ŋakiciketa daadaŋ, ŋakiro ŋuna etubunitoe ka ŋikisila ŋulu emaikina iyoŋ kitatam ikes, ikotere iwuapete ikes anakwap a ŋina ainakini ayoŋ ikes toruwor ŋina kec.”

1 Sam. 16:3

Tonyarau Yese bu namuronot ŋin, ido eketoodikini ayoŋ iyoŋ ŋuna emaikina iyoŋ kitiya. Emaikina iyoŋ kiosak akimyet aŋuna kaŋ neni a ituŋanan a ŋini akalimokini ayoŋ iyoŋ.”