Awos. 4:11 - Ebaibul

¹¹ Kiŋit nai Ekapolon iŋes tema, “Ŋae ainakini ituŋanan erwor? Ŋae ituruwonori iŋes ŋini nyirworo, kori ŋini ekiŋimana, ŋini ekyenyi, kori ŋini emudukana? Erae ayoŋ Ekapolon ainakini.

Awos. 4:11 Iomraidhean Croise

Akisy. 11:7

Potu oloto kwap, enyala aŋajep kec, ikotere tojoŋoto apupo make.”

Akisy. 18:14

Eyai mono ibore ŋini etyono aneni ke Ekapolon a? Aboŋuni ayoŋ neni kon apaki ŋina itemokinitoe, apaki ŋina ejokunia ekaru ŋina ieteunio, apaki ŋin, eyakaunor Sara ikoku ŋinisapat.”

Ŋikiru. 146:8

itekenyununui ŋakonyen a ŋimudukanotin, iŋaranakini ŋulu adaun akitapapanun, emina Ekapolon ŋulu iyookino.

Ŋikiru. 51:15

Okoe Ekapolon, toŋaa ŋipon kaŋ, ikotere esera ayoŋ ŋakiro ŋuna ka akipuro iyoŋ.

Ŋikiru. 94:9

Nyepupi mono Akuj ŋina abu kiwuak akit a? Nyite mono Akuj ŋina abu kiwuak akoŋu a?

Ŋakit. 20:12

Adau Ekapolon ainakin ituŋanan, ŋaki ŋuna epupyo ŋakiro ka ŋakonyen ŋuna iteo ŋinibore.

Isa. 42:7

ikotere itekyenyunete ŋakonyen a ŋulu emudukaka, ikotere ilakunete ŋienan ŋulu iboiyete anakiryonut.

Isa. 6:7

Abu esubuna ŋol totap a aridet akituk kaŋ tema, “Ikwapei atapya aridet na ŋipon kon, nyeriŋa iyoŋ iyakar ekaile ka ikimookun iyoŋ anasecit kon.”

Yer. 1:6

Abu nai ayoŋ otema, “Okoe Ekapolon Akuj! Kire jik, nyayeni ayoŋ erwor, anerae eriŋa ayoŋ arae idya.”

Yer. 1:9

Abu nai Ekapolon kiopeu akan keŋ totap akituk kaŋ, tosodi okolimok ayoŋ tema, “Tokona adau ayoŋ akiwuakin ŋakiro kaŋ nakituk kon.

Esek. 33:22

Eboŋ sek eriŋa nyedolo akoloŋit ŋina abunio ekasiiunan ŋol alo Yerusalem, aris ayoŋ kayenu atemar ayai Ekapolon neni kaŋ, aris Ekapolon keŋaa akituk kaŋ eriŋa ekasiiunan ŋol nyedoluno neni kaŋ, akoloŋit ŋinace taparacu. Aŋun, aŋaara akituk kaŋ, pa nabo ekepiyorit ayoŋ akirworo.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Luk. 1:20

Tokona aŋuna iwuounia iyoŋ akinup ŋakiro kaŋ ŋuna iyookin apeikoloŋit, ikisililiŋio iyoŋ nyirworik akitodol akoloŋit ŋina iyookinotor ŋakiro ŋun.”

Luk. 1:64

Anenipei tolacakin aŋajep a Sakariya, toŋaar etoil keŋ, togeu iŋes akipuro Akuj.

Yoa. 10:21

Nai temasi ŋice, “Kire, nyepedori ituŋanan ŋini eyai ekipye neni keŋ, erwor ikona. Epedori ekipye akitekienyun emudukanot a?”