Awos. 4:1 - Ebaibul

¹ Tolimo nai Moses Akuj tema, “Ani bo pa kecamut Ŋisirael akinup ŋakiro kaŋ, kori pa kecamut apupokin ŋuna erworo ayoŋ, ido temasi, ‘Nyetakanuna Ekapolon neni kon.’ Anukiro itiyakin?”

Awos. 4:1 Iomraidhean Croise

1 Ŋirw. 13:3

Abu ekile ŋol kitoodiu akoloŋit ŋinapei emacar a ŋakiro a ŋun tema, “Erae lo emacar a ŋakiro a ŋun ŋolo itookiunit atemar adau Ekapolon alimun ŋun, ‘Ebwaŋabwaŋaryo Namuroet na, ido ebukoryo ekuron ŋolo eyai kidiama keŋ.’”

Awos. 2:14

Toboŋok ekile ŋol Moses kiŋit tema, “Ŋae ikituruwori iyoŋ ekapolon kosi ka ekatubon ŋakiro kosi? Icamit iyoŋ akiar ayoŋ daŋ lopite ŋolo bien ibunio toarya Ejipitanoit a?” Aŋun, abu Moses kiil nooi totamatama tema, “Kire jik, keyenut ŋituŋa ŋuna etiyat ayoŋ.”

Awos. 3:15

Tema nabo Akuj neni a Moses, “Tolimok iyoŋ Ŋisirael ebe, ‘ekeyakuu ayoŋ neni kus Ekapolon Akuj atapapaa kus, Akuj ka Aburaam, Akuj a Isaka ka Akuj a Yakob.’ ” Ekiro kaŋ ŋol ŋikaru ka ŋikaru. Akanyaraete ayoŋ ŋanyameta daadaŋ a ekiro a ŋol.

Awos. 3:16

“Ape tocunak ŋikasikou a Ŋisirael, tolimok ikes ebe, ‘Abu Ekapolon Akuj totakanu neni kaŋ, Akuj ka Aburaam, Akuj a Isaka ka Akuj a Yakob, ebala; adau ayoŋ akiŋolikin iyes ka aanyun ŋuna adaun akitiya neni kus anakwap a Ijipit.

Awos. 3:18

Iirarete ikes ŋuna irworo iyoŋ, ido irukorete iyoŋ ka ŋikasikou a Ŋisirael neni a erwosit a Ijipit tolimokis iŋes ebe, ‘Adau Ekapolon Akuj a Ŋiburaniyae atakanikin neni kosi, kimyekinae isua tolotoi alosit ŋina a ŋirwa a ŋiuni naloŋisat, ikotere ikiinakini amuronot neni a Ekapolon Akuj kosi.’

Awos. 4:10

Abu nai Moses tema neni a Ekapolon, “Okoe Ekapolon, nyapedorit ayoŋ erwori ejok ŋinapei koloŋ, tari tokona apaki na ŋina irworor iyoŋ neni a eketiyan kon. Eapi ayoŋ ŋakiro erworo ka aŋajepana ayoŋ.”

Awos. 4:30

Tolimok Aron ŋituŋa ŋakiro daadaŋ ŋuna kebu Ekapolon tolimok Moses, ido kitiya ŋakujuwuanisya alokiŋaren ŋituŋa.

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Awos. 6:12

Abu nai Moses kiŋit Ekapolon tema, “Ani nai kewounito Ŋisirael apupokin ŋakiro kaŋ, alipite nai epupokinia Parao ŋakiro kaŋ a ŋolo nyayeni erwor ejok?”

Awos. 6:30

Nai abu Moses alokiŋaren Ekapolon kiŋit iŋes tema, “Ikwapei ayenia ayoŋ atemar nyerworo ayoŋ ejok, alipite nai epupokinia Parao ŋakiro kaŋ?”

Yer. 1:6

Abu nai ayoŋ otema, “Okoe Ekapolon Akuj! Kire jik, nyayeni ayoŋ erwor, anerae eriŋa ayoŋ arae idya.”

Esek. 3:14

Abu nai Etau ŋolo ka Akuj ekekyaa ayoŋ kidiama okoya a nen, abu ayoŋ onyunyur ka abu etau kaŋ toŋo aŋuna eketiŋakinitor Ekapolon ayoŋ ŋuna acamit iŋes.

Ŋitic. 7:25

Atami Moses atemar kori eyenete ŋituŋa keŋ atemar esitiyae Akuj iŋes aiun ikes, nai apotu ikes nyeyenut.

Ŋikat. 6:17

Tema Gideon, “Ani kikiryamunit iyoŋ ayoŋ ajok aneni kon, kitoodikinae ayoŋ akitoodikinet adio oyenunia atemar erae iyoŋ Ekapolon ikirworo ka ayoŋ.