Awos. 39:3 - Ebaibul

³ Kityeku iŋes egolid ŋolobenen kiwuanak narapet ŋina aya ŋiraŋgi lu: Ŋolopus, ŋolo kipurat-areŋan ka ŋolo areŋan narapet ŋina amilimilan ŋina adonyunit ituŋanan ŋini eyeni akidony ejok nooi.

Awos. 39:3 Iomraidhean Croise

Ŋikiru. 45:13

Elomunit ateran a erwosit kai ka apukan nooi neni ebusan; edonyonokinitoe lolowi keŋ ŋulu aoyak ŋausyo ŋuna ke egolid.

Awos. 25:4

Kijaununu ŋilowi ŋulu amilimilak, ŋulupusiyek, ŋulu kipura-areŋak ka ŋausi ŋuna areŋak ta ŋajul a ŋamee.

Awos. 26:1

“Emaikina iyoŋ kitiyau Eema ŋolo iryamununoi a ŋanaŋgae a ŋatomon a ŋuna itiyatae ejok, a ŋuna amilimilak, a ŋunapusiyek, a ŋuna kipura-areŋak ka a ŋuna areŋak. Inak ituŋanan ŋini eyeni akiciere, kiciek Ŋisubuna loeema ŋol.

Awos. 36:8

Apotu ŋipiiryanotin daadaŋ alotooma ŋikadukok todukut Eema ŋolo iryamununoi kiwuakis ŋanaŋgae ŋatomon; etiyaunitae ŋanaŋgae ŋun erae ŋuna amilimilak ŋuna ajokak, ŋunapusiyek ka ŋunakipura-areŋak ta ŋuna areŋak, ido eciekinit ituŋanan ŋini eyeni akiciere Ŋisubuna nen.

Awos. 39:2

Abu nai Besalel kitiyau arapet ŋina ewuakinitae egolid, torae ŋina aya ŋiraŋgi lu: Ŋolopus, ŋolo kipurat-areŋan areŋan ka ŋolo areŋan torae ŋina amilimilan ŋina adonyuno ejok.

Awos. 39:4

Todonyok arapet ŋin ŋaraco ŋaarei ŋuna ikacakina loseketa alocileta a arapet.