Awos. 38:9 - Ebaibul

⁹ Ani kirikak Besalel akitiya ŋun, abu kitiyak kiŋa Eema ŋolo iryamununoi alapatu. Arae aoyau a alapatu a ŋin alowae a ŋolo alo Kwap ŋimitae ŋatomoniomwon ka ŋiomwon, ido aya ŋanaŋgae ŋuna amilimilak ŋuna adonyuno ejok.

Awos. 38:9 Iomraidhean Croise

1 Ŋirw. 6:36

Todukok Solomon alapatu kidiŋ jik Akai, todukok nen a ŋamoru ŋilaino ŋiuni ka epei a ŋakito a Cedar.

Ŋikiru. 100:4

Tolomasi Kai keŋ ilakara neni keŋ, tolomasi nalapatui ŋuna ka Akai keŋ ieosi. Tolakaros neni keŋ ka kipuro iŋes.

Ŋikiru. 84:10

Ejok nooi ayakaun akoloŋit apei Kai kon, akilo ayakaun iwace ŋarwa aliput, ejok ayoŋ nooi ayakau lopuke ŋolo ka Akai ka Akuj kaŋ akilo ayoŋ akiboi aloeemae a ŋituŋa a ŋulu aronok;

Ŋikiru. 84:2

Ekeburit ayoŋ nooi ayakau Kai ke Ekapolon a etau kaŋ a daadaŋ ka a akuwan kaŋ a daadaŋ, aeikini ayoŋ ka alelyanu neni ka Akuj a ŋina eyari.

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Ŋikiru. 92:13

Ikwaanikin ikes ibusak eya Kai ke Ekapolon ka ŋikito ŋulu edupitae diyete Akai a Ekapolon, ŋulu ibusak analapatui aŋuna alo Kai ka Akuj yok.

Awos. 26:1

“Emaikina iyoŋ kitiyau Eema ŋolo iryamununoi a ŋanaŋgae a ŋatomon a ŋuna itiyatae ejok, a ŋuna amilimilak, a ŋunapusiyek, a ŋuna kipura-areŋak ka a ŋuna areŋak. Inak ituŋanan ŋini eyeni akiciere, kiciek Ŋisubuna loeema ŋol.

Awos. 38:10

Kitiyau ke eburonis ŋipirin ŋatomoniarei ka ŋawoeta kec ŋatomoniarei, nai ŋikodoce ŋulu enenetere ŋanaŋgae lopirin kaapei ka ŋikabobooe ŋulu emoryanakinitere ŋanaŋgae ŋun, abu iŋes kitiyau ke esilipa.

Awos. 40:33

Todukok nai Moses alapatu ŋina alokiŋa Eema ŋolo iryamununoi ka Namuroet kiryam, ido kinenek anaŋga lopuke ŋolo ka alapatu a ŋin. Alopite a ŋol, abu Moses kirikak etic daadaŋ.

Awos. 40:8

Todukok alapatu kiŋa Eema ŋol kiryam, ido kiwuak anaŋga lopuke ŋolo ka a alapatu a ŋin.

Ekim. 3:26

ŋanaŋgae ŋuna enenetoi nalapatu, anaŋga ŋina eneno neni elomarere nalapatu ŋina erimokinit akibois ŋina asegan ka namuroet ka akiricit ŋaunoi ŋuna ke eema. Ainakinitae ikes ŋiticisyo daadaŋ ŋulu esitiyaere ŋiboro ŋul.

Ekim. 4:26

ŋanaŋgae ŋuna a alapatu a ŋina irimokinit eema ka namuroet, anaŋga ŋina ke epuke a ŋolo ka alapatu kaapei ka ŋaunoi ta ŋiboro daadaŋ ŋulu isitiyao a nen. Emaikina Ŋigerisoni kitiyata ŋiticisyo daadaŋ ŋulu emaikina ikes itiyaete.