Awos. 38:24 - Ebaibul

²⁴ Arae apotis ke egolid a daadaŋ a ŋolo apotu ŋituŋa yaut ikwapei ŋainakineta ŋuna edukere Eema ŋolo iryamununoi ŋakiloi aliput, ipimitae alopite a ŋolo sek ipimere a ŋolo acamunito ŋituŋa daadaŋ.

Awos. 38:24 Iomraidhean Croise

Awos. 25:2

“Tolimok Ŋisirael yaut ainakinet neni kaŋ. Emaikina iyoŋ kijaununu ŋainakineta alotuŋa a daadaŋ a ŋulu ecamunete alotai kec ainakin ayoŋ ŋainakineta.

Awos. 29:24

kiwuak ŋiboro ŋul daadaŋ nakan ka Aron ka nakan a ŋidwe keŋ a ŋulusapa, kikyaa kidiama iinakini ikes, toruworos ainakinet ŋina ikyaaritae alokiŋaren Ekapolon.

Awos. 30:24

Tolemu ikitoe ŋini itukukunyi akimuj ŋini enyaritae Kasia. Tolemu ŋin erae apotis ŋakiloi ŋakanikapei; ipimim lotyae ŋolo epimere ainakinet ŋina aayeneneo tooma Eema ŋolo iryamununoi. Tolemu nabo ŋilitae ŋiomwon ŋulu ka akimyet a ŋina ka olipa.

Awos. 35:22

Apotu daadaŋ ŋikilyok ka ŋaberu ŋulu acamunito alotai kec, yaut ŋinapito kec ŋulu ke egolid ŋulu agelegelya, ikwapei ŋinapen ŋulu a ŋaki, ŋamarotoi, ŋikabobooe, ŋalaga ka ŋice daadaŋ ŋulu etiyaunitae ke egolid. Apotu ikes yaut ŋul inakis neni ke Ekapolon.

Ŋilep. 27:25

Emaikina epite ŋolo etubunitere ŋicekelya ŋulu isitiyao anakibois a ŋina asegan, ecamunito ŋituŋa daadaŋ.

Ŋilep. 27:3

ekile ŋolo erae ŋikaru ameun ŋatomoniarei tari ŋatomonikanikapei, emaikina etyae ŋolo elakunere iŋes erae ŋicekelya ŋulu ke esilipa ŋatomonikan alotyae a ŋolo ecamunito ŋituŋa daadaŋ isitiyao anakibois a ŋina asegan.

Ŋilep. 5:15

“Ani kesec ituŋanan idio alokidiŋ kus nyelemu ainakinet ŋina emaikina inak neni ke Ekapolon, emaikina ituŋanan ŋin yau neni ke Ekapolon alosipan keŋ emesek ŋolo ajokan ŋolo emam neni eŋwalit. Emaikina emesek ŋol erae ŋolo epedoryo akigyel a ŋisilipae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Erae ŋin ainakinet aŋuna ka asecit.

Agai 2:8

Ayoŋ Ekapolon ŋolo Etiron abala nen, erae Esilipa ŋolo kaŋ ka erae egolid ŋolo kaŋ.

Ekim. 18:16

Ilokonyunio ŋikiyae ŋul eriŋa erae apolou kec elap epei, ilokonyunio ikes a etacit a ŋolo etubunitoe, a ŋolo erae ŋicekelya ŋikan ŋulu ke esilipa, ipimere ecekel a ŋolo ecamunito ŋituŋa daadaŋ isitiyao anakibois a ŋina asegan.

Ekim. 3:47

emaikina iyoŋ kijau aŋuna a ŋinikoku ŋicekelya ŋikan, ipimitae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan.