Awos. 37:25 - Ebaibul

²⁵ Abu Besalel kitiyaut a ŋakito ke eewoi Namuroet ŋinakicunyet ekinyate. Eriyan ŋiwaetin keŋ daadaŋ ŋuluomwon, arae aoyau alosepyon ŋasentimitae 45 ka arae kiŋaren ka neni iteotor ŋasentimitae 45, ido torae aoyau alokwap tari kidiama ŋasentimitae 90. Kiwuak ŋigug keŋ ŋulu asibito ŋamomwar lokoonae, etapakina Namuroet erae ibore ipei bon.

Awos. 37:25 Iomraidhean Croise

2 Ŋakiro a ŋirwa 26:16

Ani eyenuni Usia atemar agogoŋior, abu kiturokin, ido abu akiturokin keŋ inak iŋes aruwor ekoŋinait. Abu iŋes toŋer akikinyomit neni ke Ekapolon Akuj keŋ, abu toloma Kai ka Akuj akicuny ekinyate a Namuroet a ŋina ecunyeneneere ekinyate.

Awos. 31:8

ikwapei: Emesa ka ŋiboro keŋ daadaŋ, awoet ŋina ke etaa ka ŋiboro keŋ daadaŋ, Namuroet ŋina icunyere ekinyate,

Awos. 35:15

Namuroet ŋina icunyere ekinyate ka ŋipirin keŋ, akimyet ŋina ke etal ka ŋina itoboboere eure ŋolo ke ekinyate ta anaŋga ŋina ke epuke a Eema a ŋolo iryamununoi;

Awos. 37:24

Arae ŋakiloi ŋatomoniuni ka ŋakan ŋuna a egolid bon abu iŋes kisitiya akitiyaunia awoet ke etaa ka ŋiboro daadaŋ ŋulu esitiyao a nen.

Awos. 37:26

Toburusik iŋes egolid kidiama Namuroet ŋin ka nawaetin keŋ daadaŋ kiryam ta neni esibit ŋamomwar alokoonae keŋ, ido kiwuak egolid ece towuau Namuroet ŋin anawaetin a daadaŋ.

Awos. 40:5

Kiwuak Namuroet ŋina itiyaunitae ke egolid bon ŋina icunyere ekinyate kiŋaren Asaduku ŋina ka Acamunet, ido kiwuak anaŋga ŋina ke epuke ke Eema a ŋolo iryamununoi lopuke.

Mat. 23:19

Iyes ŋimudukanotin! Nyo epol, ainakinet kori Namuroet ŋina iteseguni ainakinet?

Ŋibur. 13:10

Emam ŋisacaradotin ŋulu itiyaete nakibois ŋina ilipyata Ŋiyudayan apedor ŋinakimujet amuronot apei daŋ ŋina ikiinanakini iwon a Namuroet yok.

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.